Alræmdur svindlari á ferð í Skagafirði
Fréttir hafa undanfarið borist af alræmdum svindlara á ferð í Skagafirði. Mun hann vera íslenskur, en hefur búið erlendis undanfarin ár. Maður þessi kom m.a. við í Varmahlíðarskóla beint úr rútinni að sunnan, þar sem hann svindlaði í Ólsen Ólsen við nemendur þar og fór svo inn á kennarastofu og svindlaði þar í Rommí.
Á Sauðárkróki svindlaði hann sér inn í bíó og þar á eftir inn á fund hjá Lonsklúbbnum. Þá fór hann í Ljósheima og greip þar í spil með öldruðum, en var staðinn að því að svindla í vistinni og var vísað út.
Þá hélt hann í fjölbrautaskólann þar sem hann svindlaði sér inn í skólastofu til að taka próf en svindlaði svo á prófinu það gróflega að honum var vísað úr skólanum, þrátt fyrir að hafa aldrei verið þar skráður nemandi.
Á pókermóti sem haldið var á Sauðárkróki komst upp um kappann þegar hann vann á hina mjög svo sjaldgæfu hönd fimm ása!
Að sögn lögreglunnar eru mál sem þessi afar sjaldgæf og búast má við því slóð mannsins eigi eftir að lengjast eftir því sem fleiri sögur berist af svindlathæfi hans. Skv heimildum Dreifarans hefur maðurinn einnig svindlað á bótakerfi almannatrygginga og jafnvel í Júróvisjónkosningum um árabil. Þá tók hann þátt í spurningkeppni á pöbb í Reykjavík á dögunum og varð þar uppvís að svindli þar sem hann drakk tvo sopa af bjór við hverja vitlausa spurningu, en átti bara að taka einn. Þurfti að bera hann út.
Fólk er hér með beðið um að hafa varann á sér.
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.