Ekki sáttur við þessa svokölluðu veðurfræðinga
Þórarinn Skaptason er mikið fyrir útiveru og fjallgöngur og hefur víða ratað, stundum jafnvel fengið á baukinn hjá óblíðum náttúruöflunum. Einu sinni hefur björgunarsveit verið kölluð til leitar en þá lenti Þórarinn í mikilli þoku þegar hann gekk til rjúpna. Þórarinn er glæðvær maður og seinþreyttur til leiðinda. Í samtali við Dreifarann viðurkenndi hann þó að ein stétt manna ætti ekki upp á pallborðið hjá honum; nefnilega veðurfræðingar.
Hvað er þetta með veðurfræðingana Þórarinn? -Ég veit það nú ekki, en geta þessir menn talist einhverjir fræðingar, ha?
Þú verður að útskýra þetta betur, hvað er með veðurfræðingana? -Ja það er nú það. Þú hefur kannski ekki tekið eftir því en alltaf öðru hverju eru þeir að spá vitlausu veðri?
Jú, það kemur fyrir. -Já? Já gott, gott. Og finnst þér það eðlilegt?
Það er nú ekkert við því að gera Þórarinn. -Ekkert við því að gera? Þú segir nokkuð. Mér finnst það nú ekki bera vott um fagmennsku að spá vitlausu veðri. Hvernig á ég að geta undirbúið mig fyrir lengri eða styttri ferðalög ef þessir menn, já og konur, eru vitandi vits að spá vitlausu veðri. Þetta er svo óábyrgt sjáðu til.
Bíddu Þórarinn, ég er ekki alveg að skilja þig. -Jú jú, þetta er einfalt. Þeir, þessir menn, já og konur, þeir sjá alveg á þessum gervitunglamyndum sínum að veðrið verður vont næstu daga, en þá vísvitandi, vitandi vits, taka þeir upp á því að spá vitlausu veðri. Það er þetta, þetta vitlausa veður sem þeir eru að spá, sem mér finnst svo óábyrgt. Fólk er að tínast á fjöllum, æðir út í buskann í brjáluðu veðri af því að spáin er vitlaus. Ég meina, af hverju spá veðurFRÆÐINGARnir ekki bara réttu veðri?
Eh. Ekki hefurðu farið með þetta eitthvað lengra Þórarinn? -Jú, það er ég sko búinn að gera, en það er bara hlegið að manni. Það svíður undan þessu skal ég segja þér. Ég er búinn að tala við hann þarna Veðurstofustjórann og þingmanninn hann hérna, hann... ja, það er nú alveg stolið úr mér hvað hann heitir, en hann er í Framsóknarflokknum.
Hvað gerði hann? -Hann sló nú bara hressilega á bakið á mér og sagði: Góður! Ég veit það nú ekki, en ég er nú bara alvarlega að íhuga að kjósa hann ekkert næst.
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.