Er Tindastóllinn bara 850 metra hár?
Sveinn Eyleifsson sem nýlega gekk á fjallið Tindastól í Skagafirði segir að hann trúi því ekki að fjallið sé nærri þúsund metra hátt eins og víða má lesa. Skv. skólabókum og öllum helstu kortum, er Tindastóllinn skráður 989 metra hár, en Sveinn undrast það. –Ég er mjög reyndur fjallgöngumaður og hef gengið á mörg fjöll út um allt land, sagði Sveinn í stamtali við Dreifarann. –Ég hef mjög góða tilfinningu fyrir þeirri hæð sem ég er í hverju sinni og t.d. þegar ég stíg upp á stól get ég sagt til með mikill nákvæmni í hvaða hæð ég er, án þess að mæla það sérstaklega. Það kom mér því mjög á óvart þegar ég gekk á Tindastólinn um daginn að hann væri sagður vera um 990 metrar, því ég hafði alls enga tilfinningu fyrir því. Mín tilfinning sagði að hann væri einungis um 850 metra hár, sagði Sveinn.
En er hann þá að rengja allar mælingar sem gerðar hafa verið og hafa verið skjalfestar í bókum og kortagrunnum í gegn um tíðina? –Já ég get ekki annað, því eins og ég sagði þá hef ég mjög góða tilfinningu fyrir þeirri hæð sem ég stend í hverju sinni. Ég t.d. fékk því breytt að lágt fjall fyrir austan var úrskurðað 50 metrum lægra eftir ábendingar frá mér – það endaði eiginlega bara sem hóll. Þannig að ég legg til að menn mæli Tindastólinn upp á nýtt og ég yrði ekki hissa ef hæðin á fjallinu yrði snögglega lækkuð niður í um 850 metra eins og ég hafði tilfinningu fyrir þegar ég stóð upp á því, sagði þessi snaggaralegi fjallagarpur í samtali við Dreifarann.
Fleiri fréttir
-
Sigríður Fjóla skaraði fram úr
feykir.is Skagafjörður, Íþróttir, Hestar 02.05.2024 kl. 11.30Útskriftarhelgi Reiðmannsins fór fram um liðna helgi á vegum Endurmenntunar Landbúnaðarháskóla Íslands á Hvanneyri. Á laugardag kepptu nemendur sem höfðu náð bestum árangri í sínum hópum til úrslita. Reynisbikarinn hlýtur sá er efstur stendur úr Reiðmanninum II og í ár var það Sigríður Fjóla Viktorsdóttir á Prins frá Syðra-Skörðugili, sem reyndist hlutskörpust.Meira -
Birna Ágústsdóttir sett tímabundið sem sýslumaður á Vesturlandi
feykir.is Skagafjörður, Austur-Húnavatnssýsla, Vestur-Húnavatnssýsla 02.05.2024 kl. 08.10Guðrún Hafsteinsdóttir dómsmálaráðherra hefur sett Birnu Ágústsdóttur, sýslumann Norðurlands vestra, tímabundið sem sýslumann á Vesturlandi, frá 1. júní nk. til og með 31. maí 2025. Tilefni setningarinnar er beiðni Ólafs Kristófers Ólafssonar, sýslumanns, um lausn frá embætti. Birna mun gegna báðum embættunum á framangreindu tímabili.Meira -
Grunnskólinn austan Vatna komst bara víst í úrslit í Skólahreysti
feykir.is Skagafjörður, Íþróttir 01.05.2024 kl. 18.05Eitthvað klikkuðu reikningskúnstir Feykis í nótt þegar birtar voru niðurstöður í Skólahreysti. Þá var nánast fullyrt að Grunnskólinn austan Vatna í Skagafirði hefði naumlega orðið af sæti í úrslitum keppninnar skemmtilegu – en viti menn; í hádeginu í dag var tilkynnt á Facebook-síðu Skólahreysti að Grunnskólinn austan Vatna hefði sannarlega tryggt sér sæti í úrslitunum. Norðurland vestra er því með þrjá skóla af tólf í úrslitum Skólahreysti og ef það var snilld að eiga tvo skóla af tólf miðað við höfðatölu í nótt hversu geggjað er þá að eiga þrjá skóla í úrslitunum!?Meira -
Hermann Sæmundsson ráðuneytisstjóri fylgir Sigurði Inga sem skugginn
feykir.is Skagafjörður, Mannlíf 01.05.2024 kl. 14.00Fjármála- og efnahagsráðherra, innviðaráðherra og Skagfirðingurinn Hermann Sæmundsson hafa gert með sér samkomulag um flutning Hermanns í embætti ráðuneytisstjóra fjármála- og efnahagsráðuneytisins og mun hann taka við frá og með 1. maí 2024. Hemmi Sæm, sem er sonur heiðurshjónanna Sæmundar Hermannssonar frá Ysta-Mói í Fljótum og Ásu Helgadóttur, sem bæði eru látin, er alinn upp á Skagfirðingabrautinni á Króknum.Meira -
Grillaður fiskur og tiramisu
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 01.05.2024 kl. 12.40Matgæðingar vikunnar í tbl 24 í fyrra voru Ágúst Andrésson, þá forstöðumaður Kjötafurðastöðvar KS, og Guðlaug Kristín Pálsdóttir, sérfræðingur á Brunavarnasviði HMS. Ágúst og Guðlaug búa saman á Sauðárkróki og er Gústi borinn og barnfæddur í Skagafirði, nánar tiltekið á Bergstöðum, en Gulla ólst upp í Reykjavík og fluttist á Sauðárkrók í miðju Covid árið 2020. Þau erum eigendur að Norðar ehf. sem m.a. flytur inn vín frá Moldóvu og Ítalíu og hafa einnig staðið í eigin veitingarekstri og hafa mjög gaman af því að ferðast og borða góðan mat.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.