Fékk höfðinglegar móttökur og fór í skoðunarferð fyrir misskilning
Erlendur ferðamaður datt heldur betur í lukkupottinn í síðustu viku þegar hann hugðist heimsækja Skagafjörð. Vissi hann ekki fyrr en heil móttökunefnd beið hans í Varmahlíð þegar hann kom úr rútunni og var hann drifinn inn í annan bíl og ekið um Skagafjörð.
Dreifarinn náði sambandi við ferðamanninn um það leyti sem hann var að stíga um borð í flugvél heim á leið, en hann kemur frá Skotlandi og heitir Tony MacAroni og kemur frá Edinborg. –Ég var bara að koma út úr rútunni í Varmhlith , þegar heljarinnar móttökunefnd tók á móti mér og ég var þegar í stað drifinn inn í smárútu, sagði Tony. –Við héldum sem leið lá á Hóla í Hjaltadal þar sem mér var sýnd dómkirkjan og fleiri áhugaverðir hlutir á staðnum. Þar var mér gefið að borða, alveg dýrindis bleikja og síðan var haldið í Vesturfarasafnið á Hofsósi þar sem við skoðuðum það hátt og lágt og ég fékk þessa mögnuðu leiðsögn.
Eftir heimsóknina í Vesturfarasetrið var Tony drifinn sem leið lá í Glaumbæ þar sem byggðastafnið var skoðað og síðan til Sauðárkróks þar sem hann skoðaði sig um með leiðsögn samferðafólks síns. En upp komst um heljarinnar misskilning þegar skila átti Tony á Hótel Tindastól þar sem hann var talinn eiga bókað herbergi. –Þau stoppuðu fyrir framan þetta fallega hús, Hótel Tindastól og buðust til að koma með mér inn til að tékka mig inn. En ég sagði þeim þá að ég ætti bókað herbergi á gistiheimilinu Miklagarði og upphófust þá miklar umræður meðal íslendinganna sem ég botnaði ekkert í. Ég var síðan spurður að nafni og þegar ég hafði svarað þeim því, sá ég að allir fölnuðu upp í kring um mig. Þá kom í ljós að þau höfðu fyrir misskilning haldið að ég væri einhver Gareth Stevens sem þau ætluðu að taka á móti og fara með í skoðunarferð um Skagafjörð, sagði Tony. –Mér var þá bara ekið sem leið lá á gistiheimilið Miklagarð og þar tékkaði ég mig inn seinna en áætlað var og ég átti hérna frábæra fjóra daga í Skagafirði eins og ég hafði sjálfur planað, sagði Tony að lokum við Dreifarann.
Skv. upplýsingum Dreifarans stóð Gareth þessi Stevens heillengi á planinu við Kaupfélagið í Varmahlíð og beið móttökunefndarinnar, sem aldrei kom. Hann gisti því á Hótel Varmahlíð og kvaddi Skagafjörð morguninn eftir.
Fleiri fréttir
-
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.