Finnur sofandi fólk og kúrir hjá því
Grétar Aspelund hefur verið kærður til lögreglu fyrir áreiti, sem vart á sér hliðstæðu í heiminum í dag. Grétar var kærður fyrir að setjast við hlið sofandi manns á stól og kúra hjá honum.
Forsaga málsins er sú að Grétari finnst afar gott að kúra hjá fólki og hefur svo verið í áratugi. Sveitungar hafa tekið þessu með stóískri ró enda vanir kúritilburðum Grétars í gegn um tíðina. Hefur hann t.d. verið þekktur fyrir það á böllum, að setjast við hlið fólks sem dáið hefur áfengisdauða og kúrt hjá því drykklanga stund. Grétar hefur einnig sótt talsvert í flugerðir þar sem hann hefur notað tækifærið þegar sessunautur hans sofnar, að halla sér upp að honum og kúra.
Þó sveitungar Grétars taki þessu vel, hefur hann annað slagið orðið fyrir aðkasti meðal ókunnugs fólks, en þó aldrei eins og nú, þegar hann var kærður af flugfarþega í London, sem var að bíða af sér töf á flugi.
Grétar var á leið til sonar síns í London þegar atvikið varð. Var hann að ganga í gegn um flugstöðina á Heathrow þegar hann sá sofandi farþega sem var að bíða eftir flugi. Grétar af gömlum vana, settist í næsta stól, hallaði sér upp að hinum sofandi manni og kúrði hjá honum allt þangað til maðurinn vaknaði af værum blundi. Skipti þá engum togum að maðurinn kallaði til öryggisverði og lagði fram kæru á Grétar fyrir áreiti á almannafæri.
Blessunarlega náðist að sjatla málin áður en til dómsvalda þurfti að koma og samþykkti Grétar að greiða manninum 100 pund í skaðabætur. Einnig var honum gert að fjárfesta í orkutöflum á staðnum. Hann mun dvelja yfir jólin hjá syni sínum í London þrátt fyrir þessi skakkaföll og er væntanlegur til landsins á milli jóla og nýárs
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.