Fyrsta skúffuverið á Íslandi opnað á Blönduósi
Frosti Gústafsson á Blönduósi, sem m.a. kom hársnyrtivélmenni á markað ásamt félaga sínum fyrir nokkrum misserum, lætur ekki deigan síga þegar kemur að uppfinningum og eflingu atvinnulífs og byggðar á Blönduósi. Nú hefur hann opnað fyrsta skúffuverið á Íslandi.
Frosti sagði í samtali við Dreifarann að hann hefði verið orðinn þreyttur á því að bíða eftir því að eitthvað gerðist í gagnaversmálum í Austur-Húnavatnssýslu og ákvað að taka málin í sínar hendur. –Ég fór að hugsa, þegar ég heyrði af því að Magma væri bara skúffufyrirtæki, hvað þessi skúffufyrirtæki væru eiginlega og hvaða þjónustu þau kölluðu á. Ég lagðist í markaðsrannsóknir og komst að því að það eina sem svona fyrirtæki þurfa er skúffa og pósthólf. Ég tók mig til og pússaði upp gamla kommóðu sem ég á úti í skúr, málaði hana og lakkaði og núna býð ég upp á þjónustu fyrir skúffufyrirtæki. Ég einfaldlega leigi út skúffurnar í kommóðunni, sagði Frosti við Dreifarann.
En hvernig gengur starfsemin? –Hún gengur vonum framar, ég er kominn með fjögur fyrirtæki í viðskipti og á bara eina skúffu eftir til að fullnýta aðstöðuna. Ég er í samningaviðræðum við aðila í Færeyjum sem hefur mikinn áhuga á að opna skúffufyrirtæki hjá mér og ég á von á því að samningar verði undirritaðir á næstu dögum.
Frosti mun í framhaldinu leita eftir fleiri fjölskúffukommóðum, eins og hann kallar þær, til að stækka við reksturinn hjá sér á næstunni.
Fleiri fréttir
-
Grunnskólinn austan Vatna komst bara víst í úrslit í Skólahreysti
feykir.is Skagafjörður, Íþróttir 01.05.2024 kl. 18.05Eitthvað klikkuðu reikningskúnstir Feykis í nótt þegar birtar voru niðurstöður í Skólahreysti. Þá var nánast fullyrt að Grunnskólinn austan Vatna í Skagafirði hefði naumlega orðið af sæti í úrslitum keppninnar skemmtilegu – en viti menn; í hádeginu í dag var tilkynnt á Facebook-síðu Skólahreysti að Grunnskólinn austan Vatna hefði sannarlega tryggt sér sæti í úrslitunum. Norðurland vestra er því með þrjá skóla af tólf í úrslitum Skólahreysti og ef það var snilld að eiga tvo skóla af tólf miðað við höfðatölu í nótt hversu geggjað er þá að eiga þrjá skóla í úrslitunum!?Meira -
Hermann Sæmundsson ráðuneytisstjóri fylgir Sigurði Inga sem skugginn
feykir.is Skagafjörður, Mannlíf 01.05.2024 kl. 14.00Fjármála- og efnahagsráðherra, innviðaráðherra og Skagfirðingurinn Hermann Sæmundsson hafa gert með sér samkomulag um flutning Hermanns í embætti ráðuneytisstjóra fjármála- og efnahagsráðuneytisins og mun hann taka við frá og með 1. maí 2024. Hemmi Sæm, sem er sonur heiðurshjónanna Sæmundar Hermannssonar frá Ysta-Mói í Fljótum og Ásu Helgadóttur, sem bæði eru látin, er alinn upp á Skagfirðingabrautinni á Króknum.Meira -
Grillaður fiskur og tiramisu
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 01.05.2024 kl. 12.40Matgæðingar vikunnar í tbl 24 í fyrra voru Ágúst Andrésson, þá forstöðumaður Kjötafurðastöðvar KS, og Guðlaug Kristín Pálsdóttir, sérfræðingur á Brunavarnasviði HMS. Ágúst og Guðlaug búa saman á Sauðárkróki og er Gústi borinn og barnfæddur í Skagafirði, nánar tiltekið á Bergstöðum, en Gulla ólst upp í Reykjavík og fluttist á Sauðárkrók í miðju Covid árið 2020. Þau erum eigendur að Norðar ehf. sem m.a. flytur inn vín frá Moldóvu og Ítalíu og hafa einnig staðið í eigin veitingarekstri og hafa mjög gaman af því að ferðast og borða góðan mat.Meira -
Litla hryllingsbúðin enn lokuð vegna veikinda!
feykir.is Skagafjörður, Listir og menning 01.05.2024 kl. 10.29Í gær tók Leikfélag Sauðárkróks stöðuna varðandi sýningarhald á Litlu hryllingsbúðinni en eins og áður var greint frá í Feyki varð að fresta frumsýningu sl. sunnudag vegna veikinda í leikhópnum. Því miður reyndist staðan þannig að fyrirhugðum sýningum á miðvikudag og föstudag hefur nú verið frestað um óákveðin tíma.Meira -
Úrslit í Vísnakeppni Safnahúss Skagfirðinga
feykir.is Skagafjörður, Aðsendar greinar, Listir og menning 01.05.2024 kl. 09.22Við setningu Sæluviku Skagfirðinga þann 28. apríl sl. voru að venju birt úrslit í vísnasamkeppninni, okkar árlega viðburði, vonandi verður keppnin haldin um ókomin ár. Markmiðið er að fá fólk til að botna fyrirfram gefna fyrriparta og einnig að yrkja vísu eða vísur um líflegt og litríkt forsetaframboð, hafa aldrei fyrr verið jafn margir til kallaðir á þeim vettvangi mun það verðugt rannsóknarefni. Þátttaka í keppninni var nokkuð góð, alls bárust okkur svör frá tíu hagyrðingum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.