Gósentíð hjá Hjördísi Ölfu og fjölskyldu
Hjördís Alfa Eyjólfsdóttir hefur nokkrum sinnum haft sig í frammi hér í Dreifaranum en sparnaðarráð hennar um jól og áramót vöktu eftirtekt og nokkra lukku. Hjördís Alfa hafði rétt áðan samband við Dreifarann og var óðamála: -Ég elska sumarið, þetta er sannkölluð gósentíð hjá okkur sem viljum spara við okkur.
Af hverju segirðu það Hjördís Alfa? -Nú fylgistu bara ekkert með?
Nei, ég reikna ekki með því. Hvað er í gangi? -Það er verið að opna N1 í Borgarnesi á morgun maður!!! Og svo er sjómannadagur bæði á laugardag og sunnudag!!!
Jæja. Og geturðu sparað eitthvað á því? -Get ég sparað?! Gvöð... já svo sannarlega get ég sparað. Við fjölskyldan ætlum á puttanum í Borgarnes strax um hádegið á morgun því hún Gunna frænka hringdi í mig áðan til að láta mig vita að það væru fríar vínarpylsur og fullt af einhverju svona fíneríi á boðstólnum.
En þú sparar nú varla mikið á einni pylsu? -Hver var að tala um eina pylsu elskan mín. Við nefnilega förum með pakka með okkur og svo fyllum við á pakkana, förum aftur og aftur í raðirnar skilurðu? Þá náttúrulega fáum við bara pylsu í brauði, ekki með sósum eða hráum en kannski steiktum lauk, það er hægt að safna honum í box án þess að útbía nokkuð pylsurnar og brauðin.
Er þetta nú ekki svolítið langt gengið Hjördís? -Láttu ekki svona, maður verður að bjarga sér eins og maður getur, það er ekki verið að gefa matinn... ja, nema þarna á morgun.
Ég skal nú segja þér það, en hvað, ætlarðu að leika sama leik á sjómannadaginn? -Já að sjálfsögðu. Báða dagana. Og svo er eitt sem er svo spennandi þá.
Nú, hvað er það? -Furðufiskarnir. Þeir liggja þarna sólbakaðir í einhverjum ískerum og bíða eftir að einhver grípi þá. Ég læt það ekki bregðast enda erum við fjölskyldan svo spennt að komast heim og grilla þá. Maður veit aldrei á hverju maður á von þegar maður skellir þessum furðufiskum á grillið. Já, það verður dýrindis veisla hjá okkur um helgina, bara eins og hjá forsetanum.
Jahá, og svo eru framundan Lummudagar og Fiskidagurinn mikli. -Já, minnstu ekki á það, þetta er alveg yndislegt, yndislegt líf.
Fleiri fréttir
-
Samningur undirritaður um styrk til tækniaðstöðu á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 19.01SSNV og Húnaþing vestra hafa undirritað samning vegna styrks til uppsetningar á tæknimiðstöð í anda FabLab smiðju í samfélagsmiðstöð í Félagsheimilinu á Hvammstanga að upphæð 10.500.000 kr. Fram kemur í frétt á síðu SSNV að verkefnið snýst um að koma upp nýsköpunar-, viðgerða- og þróunaraðstöðu fyrir íbúa á svæðinu, sem og aðstöðu fyrir félagsstarf.Meira -
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.