Hefur verið að reyna að ná í lækni
Þorbjörg Anna Leifsdóttir er nafn sem kannski einhverjir kannast við sem hafa hlustað á Útvarp Sögu en þar hefur hún verið dugleg við að koma skoðunum sínum á framfæri og meðal annars kvartað undan læknaskorti á landsbyggðinni. Hún hefur líka verið dugleg í kvennablakinu en hefur lítið getað æft síðan í fyrravor þegar hún snéri sig illa á fæti. Dreifarinn hafði samband við Þorbjörgu Önnu.
Hvað var það sem gerðist Þorbjörg? -Æi, þetta var nú bara óheppni. Ég var bara á æfingu þarna rétt fyrir Krækjumótið og við fórum tvær í sama boltann og ég steig á fótinn á Hjördísi og bara snéri mig svona illa.
Og fórstu á sjúkrahúsið? -Nei ég gerði það nú ekki, en hefði betur gert það þarna strax því ég er ekkert að ná mér góðri. Ef ég reyni eitthvað á fótinn þá fer ég alltaf yfir á ökklanum. Þetta er alveg hræðilega frústrerandi.
Þú ert náttúrulega búin að missa af nokkrum mótum? -Já, þetta er alveg ömurlegt. Ég er búin að missa af öllu fjörinu með stelpunum.
Og ertu lengi búin að reyna að ná í lækni? -Hver segir það?
Jaa, er það ekki rétt? -Jújú, það er svosem ekkert leyndarmál. Í nokkur ár.
Nokkur ár!? Hefurðu ekki náð í neinn allan þennan tíma síðan þú meiddist? -Nei, ekkert svona alvarlegt, bara eitt og eitt skot. Þessi læknaskortur á landsbyggðinni er ansi erfiður fyrir konur eins og mig. En ég náði hins vegar í dýralækni í sumar.
Náðirðu í dýralækni? Og hvað getur hann gert fyrir þig? -Hvað getur hann gert fyrir mig?! Nú hann ge... bíddu bíddu, hverskonar viðtal á þetta eiginlega að vera?
Hverskonar viðtal? Ég var að spyrja hvort þú hefðir ekki náð í lækni eftir að þú meiddist svona í blakinu. Af hverju fékkstu samband við dýralækni en ekki venjulegan lækni? -Jaaáá... Hahaha, ...ég hef misskilið þig svona elskan mín. Ég hélt kannski að stelpurnar í blakinu hefðu sagt þér frá því að mig hefur lengi dreymt um að ná mér í lækni, svona kláran myndarlegan mann með góðar tekjur, eins og þarna í Læknavaktinni. Ég hélt þú værir að meina það... ná í þannig sko... en jújú, ég er alveg búin að fara til læknis, leið reyndar svolítill tími þarna frá slysinu. Ég var nú enn alveg draghölt en hann sagði mér bara að fá mér ökklahlíf, teygjusokk og skrifaði svo upp á Parkódín forte.
Fleiri fréttir
-
Grunnskólinn austan Vatna komst bara víst í úrslit í Skólahreysti
feykir.is Skagafjörður, Íþróttir 01.05.2024 kl. 18.05Eitthvað klikkuðu reikningskúnstir Feykis í nótt þegar birtar voru niðurstöður í Skólahreysti. Þá var nánast fullyrt að Grunnskólinn austan Vatna í Skagafirði hefði naumlega orðið af sæti í úrslitum keppninnar skemmtilegu – en viti menn; í hádeginu í dag var tilkynnt á Facebook-síðu Skólahreysti að Grunnskólinn austan Vatna hefði sannarlega tryggt sér sæti í úrslitunum. Norðurland vestra er því með þrjá skóla af tólf í úrslitum Skólahreysti og ef það var snilld að eiga tvo skóla af tólf miðað við höfðatölu í nótt hversu geggjað er þá að eiga þrjá skóla í úrslitunum!?Meira -
Hermann Sæmundsson ráðuneytisstjóri fylgir Sigurði Inga sem skugginn
feykir.is Skagafjörður, Mannlíf 01.05.2024 kl. 14.00Fjármála- og efnahagsráðherra, innviðaráðherra og Skagfirðingurinn Hermann Sæmundsson hafa gert með sér samkomulag um flutning Hermanns í embætti ráðuneytisstjóra fjármála- og efnahagsráðuneytisins og mun hann taka við frá og með 1. maí 2024. Hemmi Sæm, sem er sonur heiðurshjónanna Sæmundar Hermannssonar frá Ysta-Mói í Fljótum og Ásu Helgadóttur, sem bæði eru látin, er alinn upp á Skagfirðingabrautinni á Króknum.Meira -
Grillaður fiskur og tiramisu
feykir.is Skagafjörður, Austur-Húnavatnssýsla, Vestur-Húnavatnssýsla, Í matinn er þetta helst, Lokað efni 01.05.2024 kl. 12.40Matgæðingar vikunnar í tbl 24 í fyrra voru Ágúst Andrésson, þá forstöðumaður Kjötafurðastöðvar KS, og Guðlaug Kristín Pálsdóttir, sérfræðingur á Brunavarnasviði HMS. Ágúst og Guðlaug búa saman á Sauðárkróki og er Gústi borinn og barnfæddur í Skagafirði, nánar tiltekið á Bergstöðum, en Gulla ólst upp í Reykjavík og fluttist á Sauðárkrók í miðju Covid árið 2020. Þau erum eigendur að Norðar ehf. sem m.a. flytur inn vín frá Moldóvu og Ítalíu og hafa einnig staðið í eigin veitingarekstri og hafa mjög gaman af því að ferðast og borða góðan mat.Meira -
Litla hryllingsbúðin enn lokuð vegna veikinda!
feykir.is Skagafjörður, Listir og menning 01.05.2024 kl. 10.29Í gær tók Leikfélag Sauðárkróks stöðuna varðandi sýningarhald á Litlu hryllingsbúðinni en eins og áður var greint frá í Feyki varð að fresta frumsýningu sl. sunnudag vegna veikinda í leikhópnum. Því miður reyndist staðan þannig að fyrirhugðum sýningum á miðvikudag og föstudag hefur nú verið frestað um óákveðin tíma.Meira -
Úrslit í Vísnakeppni Safnahúss Skagfirðinga
feykir.is Skagafjörður, Aðsendar greinar, Listir og menning 01.05.2024 kl. 09.22Við setningu Sæluviku Skagfirðinga þann 28. apríl sl. voru að venju birt úrslit í vísnasamkeppninni, okkar árlega viðburði, vonandi verður keppnin haldin um ókomin ár. Markmiðið er að fá fólk til að botna fyrirfram gefna fyrriparta og einnig að yrkja vísu eða vísur um líflegt og litríkt forsetaframboð, hafa aldrei fyrr verið jafn margir til kallaðir á þeim vettvangi mun það verðugt rannsóknarefni. Þátttaka í keppninni var nokkuð góð, alls bárust okkur svör frá tíu hagyrðingum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.