Heila málið er mál málanna
Málfríður Bolladóttir hefur unnið sér það til frægðar að hafa drukkið kaffi úr sama máli í 30 ár á sínum vinnustað. Lesandi Dreifarans hafði samand og vakti athygli á þessum sérkennilega málshætti Málfríðar og fór Dreifarinn því á stúfanna og hafði uppá Málfríði og spurði hana nánar út í málið.
Jæja Málfríður, nú er þetta mál orðið ansi útjaskað, hefur ekki hvarflað að þér að skipta út gamla málinu fyrir nýtt? -Nei, það hefur mér aldrei dottið í hug. Þetta er jú mitt atvinnumál. Ég tel að málnotkun á vinnustöðum á Íslandi sé alltof handahófskennd, fólk tekur bara fram nýtt og nýtt mál.
En hvernig er það, hefur fólk aldrei ruglast og tekið málið þitt í misgripum? -Jú, það kom einu sinni fyrir að ég hafði gleymt að láta málið á minn málstað og málið var tekið í misgripum. Ég ætlaði að sækja málið einn morguninn og viti menn, ekkert mál. Um leið og ég hafði haft upp á viðkomandi málaþjófi gerði ég honum grein fyrir því að þetta væri jú mitt einkamál. Þú hefðir átt að sjá svipinn á honum, hann átti sér engar málsbætur hahaha.
Hver er galdurinn á bak við þessa löngu endingu málsins, hefur aldrei legið við slysi? -Jú heldur betur. Þannig er nú mál með vexti að eitt sinn lenti ég í því að samtstarfsfélagi minn ætlaði að gera grín í mér. Kauði hélt á málinu mínu og lét svo málið falla beint í gólfið, ég gjörsamlega missti málið... eða réttara sagt þá missti hann málið en ég kom ekki upp orði, en hvað um það, ótrúlegt en satt þá þoldi málið fallið. Að vísu varð eftir slæmt málfar í parketinu en ég hef alltaf haldið því fram að málefnin sem notuð eru segji mikið til um styrk málsins og málvöndun er afar mikilvæg.
Er svo eitthvað á döfinni Málfríður? -Jájá, við stelpurnar hérna á skrifstofunni ætlum að taka þátt í tónleikunum í sumar í Bifröst, þarna Villtir svanir og tófa minnir mig að þeir séu kallaðir. Við erum byrjaðar að æfa upp prógramm.
Og er hljómsveitin komin með nafn? Að sjálfsögðu góði minn, hún er kölluð Málbandið.
Fleiri fréttir
-
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira -
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.