Óskar og Edda verða fyrir ónæði símadóna
Hjónin Óskar Hallmundsson og Edda Línenring hafa síðustu árin getið sér gott orð sem snillingar í fluguhnýtingum og hafa selt grimmt flugur sem hafa gefið vel. En það skyggir nokkuð á gleðina að þau hafa átt undir högg að sækja vegna nafna sinna.
Óskari segist svo frá: -Þetta byrjaði allt mánaðamótin febrúar mars fyrir svona 12 árum. Þá var hringt í mig á sunnudegi og spurt hvenær ég ætlaði að afhenda verðlaunin. Ég spurði – hvaða verðlaun? – enda kom ég alveg af fjöllum, ég er reyndar í dómnefnd í Félagi fluguhnýtara en okkar árshátíðir eru jú alltaf á haustin. En þá er öskrað í símann: Nú Óskarsverðlaunin! Svo hló maðurinn sérkennilegum hlátri. En svona er búið að hringja á hverju ári síðan, alltaf þegar Óskarsverðlaunin eru, og ég held að þetta sé mest sami maðurinn sem er að hringja.
En nú á dögunum keyrði um þverbak? Já, hann hringdi núna mánuði fyrr en venjulega og spurði hvort ég gæti ekki breytt útsendingartímanum, það hentaði honum betur ef ég gæti flýtt Óskarsverðlaununum um sólarhring, hann gæti þá horft um nóttina og sofið út á sunnudegi. Svo hló hann. Mér fannst þetta ekki fyndið og sagði honum það.
En þetta er ekki allt, er það? Nei, þessi maður er farinn að hringja um helgar, oft seint seint á kvöldin, og spyrja mig hvort ég sé búinn að fá verðlaunin, Edduverðlaunin sko!
Jæja Óskar, en ekki eru allir leiðinlegir sem gantast með nafnið þitt? –Nei, maður getur nú brosað gegnum tárin. Félagi minn, Pálmi Felixson, oft kallaður Gull-Pálminn þó ég skilji ekki afhverju, hann er einn helsti samkeppnisaðili minn í fluguhnýtingunum, við förum oft saman í golf og hann segir oft svona þegar hann vinnur mig: -Þá er maður búinn að vinna enn einn Óskarinn.- Svo hlær hann svona sérstökum hlátri - minnir mig á eitthvað en ég kem honum ekki alveg fyrir mig – og ég hlæ með honum, enda er Gull-Pálminn oft ansi skemmtilegur.
Fleiri fréttir
-
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.