Risvandamál getur verið risavandamál
Gunnlaugur G. Þorvaldsson hafði samband við Dreifarann á dögunum og vildi segja frá vandamáli sem hafði verið að hrjá hann og konuna hans, Sigurlaugu Tómasdóttur, síðastliðið ár. Dreifarinn tók Lauga tali.
Segðu okkur Gunnlaugur, hvert er vandamálið? -Ég á við risvandamál að stríða, sossum ekkert feimnismál, en þetta getur víst gerst þegar hlutirnir eru komnir á aldur.
Þú segir nokkuð. Og hefur þetta varað lengi? -Þetta byrjaði að gera vart við sig fyrir svona ári síðan, kannski einu og hálfu, ég tók nú varla eftir þessu í byrjun en svo fór þetta að ágerast og á endanum varð konan mín hálf vitlaus á þessu ástandi.
Auðvitað vil ég ekki kafa of mikið í þín einkamál Gunnlaugur en geturðu gefið okkur dæmi? -Þetta er nú ekkert einkamál, en t.d. er þetta sérstaklega slæmt þegar komið er upp í rúm. Þar kemur vandamálið bersýnilegast í ljós. Við erum varla fyrr komin upp í þegar konan byrjar að blotna og fer að kvarta um að ég verði nú að láta fara líta á þetta.
Er þá ekki næsta skref að láta kanna þetta? -Jú, ætli það komi ekki að því, ég þarf nú að fara hringja í smið og láta hann kíkja aðeins á risið, finna hvar vandamálið liggur og þá vonandi hættir að leka!
Fleiri fréttir
-
Samningur undirritaður um styrk til tækniaðstöðu á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 19.01SSNV og Húnaþing vestra hafa undirritað samning vegna styrks til uppsetningar á tæknimiðstöð í anda FabLab smiðju í samfélagsmiðstöð í Félagsheimilinu á Hvammstanga að upphæð 10.500.000 kr. Fram kemur í frétt á síðu SSNV að verkefnið snýst um að koma upp nýsköpunar-, viðgerða- og þróunaraðstöðu fyrir íbúa á svæðinu, sem og aðstöðu fyrir félagsstarf.Meira -
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.