Simme simmetríski úti að aka
Sigmundur Sigmundsson frá Neðra Gili í Hjaltadal hefur um árabil verið þjakaður af simmetríu sem hefur á stundum gert líf hans óþarflega flókið.
Simme simmetríski skellti sér á Krókinn síðasta sunnudagskvöld,og ætlaði á rúntinn á sínum forláta Toytota Hi-Lux árgerð ’93 eins og hann hefur gert árum saman án undantekninga. En í samtali við Dreifarann kemur fram að ferðin varð honum erfið. -Ég stoppaði þarna á Ábæ til að kaupa mér appelsín og lakkrísrör, tvennt af hvoru að sjálfsögðu, ég geri það alltaf. Og ég man að ég skrensaði aðeins í hálkunni þegar ég kom út á Skagfirðingabrautina og mátti litlu muna að ég hellti úr appelsínflöskunni á flauelsbuxurnar mínar, ég var nefnilega með flöskuna svona á milli læranna skilurðu?
Og hvað svo? –Ég keyrði áfram eftir Skagfirðingabrautinni og þá er mér litið svona til hægri og sé þarna inn í uppljómaða stofu og þar hangir málverk á vegg. Það hékk þarna alveg rammskakkt! Mér varð svo mikið um að ég missti næstum jeppann upp úr hjólförunum. Ég vissi ekki hvað ég átti að gera, þetta sló mig svo gjörsamlega út af laginu að ég renndi bara aftur heim í Neðra Gil. Þegar ég kom þangað þá var ég að velta fyrir mér hvort ég ætti að hringja í manninn sem býr þarna og biðja hann um að rétta myndina á veggnum.
Hringdirðu? –Já, eftir svolitla umhugsun gerði ég það. En það var enginn heima svo ég hringdi í konu sem býr í íbúðinni við hliðina og hún sagði mér að maðurinn hafi farið á sjóinn daginn áður og hann hafi örugglega gleymt að slökkva ljósin í stofunni áður en hann fór. Og hann er hérna ... hann ... hann er á frystitogara.
Hann verður þá lengi frá? Já. Þetta þýðir bara að ég kemst ekkert á rúntinn næstu þrjár fjórar vikurnar.
Fleiri fréttir
-
Skemmtileg stund og sérlega þjóðleg
feykir.is Austur-Húnavatnssýsla, Ljósmyndavefur, Listir og menning, Mannlíf 20.04.2024 kl. 13.10Laugardaginn 6. apríl sl. var boðað til mikillar og þjóðlegrar menningarveislu í gamla fjósinu í Bólstaðarhlíð í Húnavatnssýslu þar sem fram fór viðburðurinn Hrossakjöt og kvæðaraus. Undirritaður var gestur þeirra hjóna, og ferðaþjónustubænda, Freyju Ólafsdóttur og Einars Kolbeinssonar og í stuttu máli sagt var þetta einstaklega skemmtileg stund og sérlega þjóðleg.Meira -
Er botninum náð, vísnavinir góðir?
feykir.is Skagafjörður, Listir og menning 20.04.2024 kl. 11.27Það styttist í Sæluviku Skagfirðinga og því rétt að minna á Vísnakeppni Safnahússins sem sagt var frá fyrr í mánuðinum hér í Feyki. Vísur og botnar verða að hafa borist Safnahúsi Skagfirðinga Faxatorgi 55, Sauðárkróki í síðasta lagi á miðnætti 23. apríl nk.Meira -
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.