Útrásin hafin
Með ægilegu stríðsópi og vopnaskaki hélt A-lið Molduxanna af stað til Bretlandseyja í víking. Áður hafði hið 3 tonna orustuskip Þórður kakali verið hlaðinn vistum og búnaði af slíkri gnótt að borðhækka varð skipið.
Veður var ágætt er siglt var út Fjörðinn, norðvestan stórhríð með 14 vindstigum og 5 metra ölduhæð. Til að sýna fyrirlitningu á brán og darling og öðrum óvinveittum öflum, sigldi skipherrann yfir Innstalandsskerin svona til að árétta styrk innrásarflotans.
Haft er fyrir satt að Pétur mikli hafi falið sig bak við Elínarhólmann og sigldi með kakalanum til Orkneyja með víkingaöl í lestum sínum. Liðsmenn voru í ljómandi stríðsskapi, albúnir til að lumbra á breskum óvinum, enda er málstaður okkar göfugur og réttlátur. Bitið var í skjaldarrendur og Æðiskáldið þrumaði fram drápu sem blés mönnum enn meiri kjark í brjóst. Skáldið kvað úr munni fram:
Alvæpni við veljum
vænir landsins synir.
Breta nokkra brjótum
bak á aftur vakrir.
Skjótum nokkrum spjótum
smyrjum blóð á verjur.
Strax við Engilsaxa
söxum skjótt með öxum.
Víkings augun vökul
vilja rudda mylja.
Vígamenn í vogum
vegum mann og annan.
Handverk skulum vanda
vinna á villimönnum.
Sigur munum segja
og sögu í Uxa bögum.
Illgjörn smámenni hér um slóðir og Gróa á leiti hafa flumbrað með að kakalinn hafi stefnt á Kolbeinsey eftir að Skagatá sleppti. Uxar eru vanir að detta úr háum söðlum, enda andleg og líkamleg stórmenni.
Það vakti athygli að Geirmundur heljarmave var ekki á skipsfjöl frekar en Ásmundur minkaskítur, Sveinn litli, Kobeinn úngi eða Jóhann Sigmarsson. Þetta er hulduherinn sem þegar hefur fyrir misskilning tekið land við Hofsós og mun þar vinna að skemmdarverkum á nýju sundlauginni til stuðnings meginhernum við innrásina í væthol og parlamentið við teimslækinn og bökkingham skálann aðeins ofar.
Skemmtilegasta verkefnið verður að brjóta niður stein fyrir stein, illræmt dómshús breta, óld beilí þar sem spilltir dómarar hafa níðst á varnarlausum fátæklingum um langa hríð og endurspeglar sú stofnun þjóðarsál breska smáríkisins.
Nú munu enskir upplifa hryllinginn í annað sinn frá því er Vilhjálmur bastarður gekk á land í Bretlandi og gjörsigraði heimavarnarlýðinn hvar sem hann fór.
Á. G. -Nr. 1955
Fleiri fréttir
-
Langar ykkur að taka þátt í krakkakosningunum?
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 15.05.2024 kl. 16.19Umboðsmaður barna og KrakkaRÚV standa fyrir sínum sjöttu Krakkakosningum, nú í tengslum við forsetakosningarnar sem haldnar verða þann 1. júní nk. Með Krakkakosningum er börnum gefið tækifæri á að láta í ljós skoðanir sínar á frambjóðendum og er það í samræmi við það sem m.a. kemur fram í Barnasáttmálanum, samningi Sameinuðu þjóðanna um rétttindi barnsins, þar sem segir að börn eigi rétt á að láta í ljós skoðanir sínar og hafa áhrif á samfélagið. Niðurstöður kosninganna verða kynntar í upphafi kosningasjónvarps RUV að kvöldi kosningadags.Meira -
Vala María bakar og fagnar fólki í Áshúsi
feykir.is Skagafjörður, Listir og menning, Mannlíf 15.05.2024 kl. 14.21Það er komið sumar þó hitastigin séu nú varla til skiptanna en farið er að örla á auknum túrisma. Sumarið kallar á meiri umsýslu á veitingastöðum og kaffihúsum og í Skagafirði er að sjálfsögðu opið á þeim stöðum sem jafnan eru opnir og nokkrir hafa bæst við með hækkandi sól. Þannig er Vala María Kristjánsdóttir nýr verkefnastjóri matarupplifunar í Áshúsi Byggðasafnsins í Glaumbæ en kaffihúsið opnar 20. maí.Meira -
Hópslysaæfing á Blönduósi
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 15.05.2024 kl. 11.26Síðastliðna helgi var haldin hópslysaæfing þar sem viðbragðsaðilar af öllu Norðurlandi vestra tóku þátt. Til æfingarinnar mættu tæplega 200 manns þar sem æfð voru viðbrögð við fjölmennu slysi hópbifreiðar og fólksbifreiða.Meira -
Jón sækir okkur heim!
feykir.is Skagafjörður, Austur-Húnavatnssýsla 15.05.2024 kl. 10.00Forsetjaframbjóðandinn Jón Gnarr, fyrrverandi borgarstjóri Reykjavíkur og einn alvinsælasti listamaður landsins, er á faraldsfæti líkt og flestir ef ekki allir frambjóðendurnir. Hann ætlar að sækja Norðurland vestra heim laugardaginn í hvítasunnu, 18. maí, og verður fyrst á Hótel Blönduósi kl. 11 og býður síðan öllum áhugasömum í spjall í Sauðárkróksbakarí kl. 14.Meira -
Meistarar Vals reyndust Stólastúlkum sterkari
feykir.is Skagafjörður, Íþróttir 15.05.2024 kl. 09.26Ekkt tókst liði Tindastóls í Bestu deild kvenna í knattspyrnu að fylgja eftir tveimur flottum sigrum með því að leggja Íslandsmeistara Vals á Hlíðarenda í gær og reyndar að öllum líkindum ekki margir sem reiknuðu með því. Yfirleitt hefur liðið mátt þola stóra skelli gegn Valsliðinu en í gær náðu stelpurnar okkar að gera meira vesen fyrir Val en oftast áður. Við vorum meira að segja með forystuna í rétt tæpan hálftíma en á endanum voru gæði meistaranna augljós og þær unnu sanngjarnan 3-1 sigur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.