Vaknar nýdrepinn á nánast hverjum morgni
Dreifarinn fékk óvænta upphringingu frá Páli Sigurðssyni trésmið á dögunum og var hann vægast sagt óhress. „Já, ég er fullur af vanlíðan og þessi læti þarna í Miðausturlöndum valda mér miklu hugarangri. Ég kvíði því satt best að segja að vakna á morgnana því í hvert skipti sem ég skrúfa frá úvarpinu og fréttalestur hefst þá líður mér eins og það sé búið að drepa mig ítrekað.“
Palla þekkja flestir af góðu einu enda hefur hann verið dyggur stuðningsmaður Stólanna í gegnum árin og eftir því sem Dreifarinn hefur hlerað þá missti hann aldrei af leik hér á árum áður. Því hefur þó verið fleygt að hann hafi verið ansi hvumpinn og virst eitthvað beygður nú síðustu misserin. Og kannski ekki að furða ef hann vaknar svona illa á sig kominn.
En hvernig stendur eiginlega á þessari vanlíðan Palli? „Nú ég skildi við fyrri konu mína, hana Gerði, fyrir fjórum árum og hætti þá með Pallagerðina, fyrirtækið mitt...“
Og er það skilnaðurinn sem hefur reynst þér svona erfiður? „Já nei nei, alls ekki, skilnaðurinn var nú alveg það besta sem hefur komið fyrir mig. Þá kynntist ég nefnilega henni Kristínu minni, úti á Tenerife, skilurðu?“
Nú jájá, einmitt. „Já og fékk um svipað leiti vinnu á trésmíðaverkstæði hérna í bænum. Þeir voru nú fljótir að sjá spaugilegu hliðina strákarnir á þessum samskotum okkar Stínu og þeir byrjuðu að kalla mig Palla Stínu. Svo fattaði einn gárungurinn að þá væri ég að sjálfsögðu Palli-Stínu-maður skilurðu? Heheh. Auðvitað ansi fyndið, ég sé það nú alveg sjálfur og hafði nú gaman að þessu til að byrja með. Það var verið að segja við kúnnana: Palli-Stínu-maðurinn reddar þessu og þannig.
En hvað svo? „Nú ég er bara svo vanur því að vera Palli-Stínu-maðurinn að ég fer alveg í hnút þegar ég skrúfa semsagt frá útvarpinu á morgnana og í fréttum er það helst að Palli-Stínu-maður hafi verið drepinn í átökum á Gaza skilurðu eða Austurbakkanum eða hvað þetta nú heitir. Mér finnst þetta eins og högg í magann í hvert skipti, þú skilur að vera drepinn svona ítrekað, og eiginlega alveg ömurleg byrjun á deginum sko.
Og hvað er til ráða Palli? „Ég bara veit það ekki... kannski verð ég bara að skilja við Stínu!?
Fleiri fréttir
-
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira -
Það verður hasar í Síkinu í kvöld
feykir.is Skagafjörður, Íþróttir 18.04.2024 kl. 11.29Það er stórleikur í Síkinu í kvöld því þá fer fram fjórði leikurinn í einvígi Tindastóls og Snæfells í baráttunni um sæti í efstu deild. Stólastúlkur standa vel að vígi, eiga heimaleikinn í kvöld þar sem liðið getur tryggt sér 3-1 sigur í einvíginu. Það væri því vel við hæfi að sýna liðinu alvöru stuðning og fjölmenna í Síkið.Meira -
Mikilvægi tækninnar til byggðarþróunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 10.09Arnar Már Elíasson, forstjóri Byggðastofnunar, sagði í erindi sínu að á ársfundi Byggðastofnunar, sem fram fór í Bolungarvík í gær, að í landsbyggðunum fari fram mikilvægustu atvinnuvegir Íslands, öll orkuöflun landsins, þar sé matvælaframleiðslan, öll stóriðjan og stærstur hluti ferðamennskunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.