Yfirtaka vegna kjötskuldar yfirvofandi ?
feykir.is
Dreifarinn
01.10.2008
kl. 08.48
Vefnum hefur borist til eyra sterkur orðrómur þess efnis að sökum greiðslustöðvunnar Stoðar, móðurfyrirtækis Baugs, sem aftur er móðurfyrirtæki Bónus, sé yfirvofandi yfirtaka KS á Bónus. Sé yfirtakan tilkomin vegna gríðarlegrar kjötskuldar Bónus.
Samkvæmt heimildum vefsins, sem þó eru ekki þær áreiðanlegustu, dugar þó kjötskuldin ein og sér ekki til yfirtökunnar en þar sem KS hefur nýverið hagnast gríðarlega á skaufasölu til Asíu mun andvirði þess hagnaðar verða notað til þess að brúa bilið.
Ekki náðist í neinn vegna fréttarinnar en heimildir herma að búið sé að loka og læsa höfuðstöðvum Bónus og í undirbúningi séu vegatálmar inn og út úr Skagafirði.
Fleiri fréttir
-
Liðið þarf smá tíma til að slípast saman
feykir.is Austur-Húnavatnssýsla, Íþróttir, Vestur-Húnavatnssýsla 16.05.2024 kl. 13.46„Leikurinn við Reyni var heilt yfir nokkuð vel spilaður. Sóknarlega náðum við að halda betur í boltann en við gerðum á móti Selfossi og við vorum að fá góðar opnanir hátt á vellinum en náðum ekki að nýta þær stöður nægilega vel,“ sagði Ingvi Rafn Ingvarsson, þjálfari Kormáks/Hvatar, þegar Feykir spurði hann út í leikinn gegn Reyni Sandgerði í 2. umferð 2. deildar en leikurinn fór fram á Dalvík um helgina. Leikurinn endaði með 1-3 sigri Sandgerðinga líkt og Feykir sagði frá.Meira -
Sigurbjörg ráðin yfirlæknir á HSN á Króknum
feykir.is Skagafjörður, Mannlíf 16.05.2024 kl. 11.25Sigurbjörg Ólafsdóttir, heimilislæknir, hefur verið ráðin yfirlæknir á HSN Sauðárkróki. Sigurbjörg lauk námi frá læknadeild Háskóla Íslands árið 2012 og hóf sérnám í heimilislækningum á HSN Sauðárkróki 2014. Hún hélt síðar til Svíþjóðar hvaðan hún lauk sérnámi árið 2020 og hefur síðan starfað þar á heilsugæslustöðvum sem heimilislæknir.Meira -
Krúttlegur hryllingur í Bifröst | Kristín Einars kíkti í leikhús
feykir.is Skagafjörður, Listir og menning 16.05.2024 kl. 09.34Væntingum var verulega stillt í hóf þegar undirrituð lagði leið sína í Bifröst á sunnudagskvöldið. Ekki var það á nokkurn hátt vantrú á hæfileika skagfirskra áhugaleikara eða leikhúsfólks í Firðinum sem réði því, heldur miklu frekar áhyggjur af því að ein af sterkustu leikhúsupplifunum æsku minnar trufluðu þessa upplifun sem í vændum var. Ég var nefnilega rétt að detta í tólf ára aldurinn þegar ég sá fyrstu uppsetningu verksins hér á landi í Gamla bíói. Þar voru Leifur Hauksson, Edda Heiðrún, Gísli Rúnar og Laddi meðal leikara og Björgvin Halldórsson léði plöntunni rödd sína. En ég var fljót að ýta þeim áhyggjum til hliðar og naut hverrar sekúndu í Bifröst. Þvílík fagmennska og flottur hópur sem þarna lét ljós sitt skína! Það er kannski klisjukennt að tala um að toppa sig, en það gerði Leikfélag Sauðárkróks svo sannarlega með þessari sýningu.Meira -
Gyrðir Elíasson hlaut Maístjörnuna fyrir ljóðabók ársins 2023
feykir.is Skagafjörður, Listir og menning 16.05.2024 kl. 09.21Ljóðabókaverðlaunin Maístjarnan voru afhent í Þjóðarbókhlöðunni í gær en það var Gyrðir Elíasson sem hlaut verðlaunin fyrir ljóðabók ársins 2023 Elíasson fyrir ljóðabókatvennuna Dulstirni & Meðan glerið sefur. Rithöfundasamband Íslands stendur að verðlaununum ásamt Landsbókasafni Íslands – Háskólabókasafni.Meira -
Landsáætlun um riðuveikilaust Ísland komin í samráðsgátt
feykir.is Skagafjörður, Austur-Húnavatnssýsla, Vestur-Húnavatnssýsla 16.05.2024 kl. 08.34Bjarkey Olsen Gunnarsdóttir matvælaráðherra hefur lagt fram í samráðsgátt landsáætlun um riðuveikilaust Ísland. Áætlunin er unnin af starfshópi sem var skipaður í janúar 2024 og gerir hún ráð fyrir umtalsverðri breytingu á nálgun við útrýmingu riðuveiki frá því sem verið hefur. Horft er frá því að reyna að útrýma riðusmitefninu sjálfu en megináhersla lögð á að útrýma veikinni með ræktun fjárstofns sem ber verndandi arfgerðir gegn smitefninu ásamt áframhaldandi aðgerðum til að hefta mögnun og dreifingu þess.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.