13,5 milljónir úr Framkvæmdasjóði ferðamálastaða á NLV
Ragnheiður Elín Árnadóttir, iðnaðar- og viðskiptaráðherra, hefur staðfest tillögu stjórnar Framkvæmdasjóðs ferðamannastaða um fyrstu úthlutun úr sjóðnum fyrir árið 2015. Að þessu sinni fengu 50 verkefni styrk fyrir 175,7 milljónir króna, til hönnunar og framkvæmda á ferðamannastöðum. Þar af fóru 13,5 milljónir til eftirfarandi fjögurra verkefna á Norðurlandi vestra:
Blönduósbær - Hrútey, fólksvangur - uppbygging áningastaðar. Kr. 1.780.000,- styrkur til skipulagsvinnu og undirbúnings vegna uppbyggingar áningarstaðar í Hrútey í Blöndu. Markmið styrkveitingar er að bæta öryggi og auka aðgengi að Hrútey.
Félag ferðaþjónustunnar í Skagafirði - Fosslaug-Reykjarfoss í Skagafirði Kr. 600.000,- styrkur til að ljúka við heildarhönnun á svæðinu í kringum Fosslaug og Reykjafoss í Skagafirði. Markmið styrkveitingar er að vernda viðkvæma náttúru fyrir átroðningi.
Húnavatnshreppur - Þrístapar-Ólafslundur Kr. 1.680.500,- styrkur til að vinna deiliskipulag. Markmið styrkveitingar er styðja við heildarhönnun svæðisins, verndun náttúru- og menningaminja auk þess að styðja við framtíðaráform um aukna grunnþjónustu.
Ósafell ehf. – Hvítserkur, Fyrri áfangi Kr. 9.500.000,- styrkur til framkvæmda við bílastæði og göngustíga við Hvítserk. Markmið styrkveitingar er að bæta aðstöðu fyrir ferðamenn og styðja þannig við verndun þessa aðalviðkomustaðar landssvæðisins.
Alls bárust alls 103 umsóknir frá opinberum- og einkaaðilum sem hafa umsjón með ferðamannastöðum víðsvegar um landið. Heildarupphæð styrksumsókna var rúm 831 milljón króna en heildarkostnaður við verkefnin er áætlaður um 2 milljarðar króna. Framkvæmdasjóður ferðamannastaða er nú á sínu fjórða starfsári og hefur frá upphafi úthlutað rúmlega 340 styrkjum að upphæð tæplega 1,5 milljarðar króna.
„Fullyrða má að verulegur árangur hafi þegar náðst af starfi sjóðsins. Víða um land má benda á spennandi verkefni sem orðið hafa að veruleika fyrir tilstuðlan þess fjármagns sem sjóðurinn hefur úthlutað, þótt vissulega sé enn víða þörf á úrbótum,“ segir í fréttatilkynningu frá sjóðnum. Gert er ráð fyrir að næst verði auglýst eftir umsóknum um styrki úr sjóðnum í haust og þá vegna framkvæmda á árinu 2016.
Fleiri fréttir
-
Það má ekki gleyma að njóta og hafa gaman
feykir.is Vestur-Húnavatnssýsla, Mannlíf, Lokað efni 28.05.2025 kl. 14.36„Ég man að mér fannst þetta smá stressandi og spennandi,“ segir Vigdís Hafliðadóttir þegar Feykir spyr hvað sé eftirminnilegast frá fermingardeginum hennar. „Ég fór auðvitað í greiðslu sem ég myndi ekki hafa í hárinu mínu núna þótt ég fengi borgað fyrir það. Svo fannst mér gaman að allir voru komnir heim til mín til að fagna mér og ég man að ég hafði áhyggjur af því að það kæmi svitablettur í kjólinn minn – gerðist ekki.“Meira -
Farskólinn óskar eftir að ráða verkefnastjóra
feykir.is Skagafjörður, Austur-Húnavatnssýsla, Vestur-Húnavatnssýsla 28.05.2025 kl. 13.18Þau leiðu mistök urðu í auglýsingu Farskólans í Sjónhorninu sem kom út í dag að óskað var eftir að ráða skólastjóra til starfa en raunin er að Farskólinn leitast eftir að ráða verkefnastjóra. Í auglýsingunni segir að Farskólinn leitar að öflugum og jákvæðum einstaklingi/einstaklingum til að takast á við lifandi og fjölbreytt starf verkefnastjóra í símenntun. Náin og þétt teymisvinna starfsfólks er ríkjandi í verkefnum Farskólans. Til greina kemur að ráða í fleiri en eina stöðu og starfshlutfall og vinnutími getur verið umsemjanlegur.Meira -
Arney og Lydía hlutu viðurkenningar á Hólum
feykir.is Skagafjörður, Austur-Húnavatnssýsla, Ljósmyndavefur, Hestar, Vestur-Húnavatnssýsla, Lokað efni 28.05.2025 kl. 09.26Síðastliðinn laugardag fór fram reiðsýning brautskráningarnema til BS prófs í reiðmennsku og reiðkennslu við Háskólann á Hólum. Tíu nemendur útskrifast frá skólanum með BS próf í reiðmennsku og reiðkennslu nú í vor. Brautskráning fer fram miðvikudaginn 6.. júní í hátíðarsal skólans.Meira -
Skagstrendingar óttast að hækkun veiðigjalda ýti undir sölu aflaheimilda frá staðnum
feykir.is Austur-Húnavatnssýsla, Lokað efni 27.05.2025 kl. 16.46Í frétt á vef SSV er sagt frá því að þegar skoðað er hvernig hækkun veiðigjalds gæti hækkað eftir stærð fiskiskipa, í veiðimagni talið, kemur í ljós að hún er hlutfallslega mest hjá þeim smæstu. Það eru þau sem veiða á bilinu 1 til 349 tonn á ári en þetta leiða útreikningar í ljós. Lítill kvóti er eftir til skiptanna á Skagaströnd og Feykir spurði Halldór Gunnar Ólafsson oddvita á Skagaströnd hvort sveitarstjórn hefði áhyggjur af hækkun veiðigjalda í ljósi þessa.Meira -
Emma og Júlía gera gott mót í Sandefjord
feykir.is Skagafjörður, Íþróttir, Lokað efni 27.05.2025 kl. 15.07Tveir keppendur frá badmintondeild Tindastóls tóku í vikunni þátt í Sandefjord Open mótinu sem fer fram í bænum Sandefjord í Noregi. Keppendur á mótinu eru 360 talsins en mótið stendur yfir í þrjá daga. Systurnar Emma Katrín og Júlía Marín tóku þátt í sex greinum, náðu í eitt gull, eitt silfur og eitt brons.Meira
