40 FNV nemar tepptir fyrir vestan
Rúmlega 40 nemendur úr FNV, ásamt bílstjóra og þremur fararstjórum bíða átekta við Staðará í Steingrímsfirði, en vegurinn þar fór í sundur rétt norðan við vegamótin þar sem vegur nr 61, Vestfjarðavegur og vegur nr 645, Drangsnesvegur, mætast.
Um er að ræða hóp sem hélt vestur á föstudaginn. Vegna veðurs í dag var lagt af stað laust fyrir kvöldmat frá Ísafirði en stefnan tekin á Hólmavík, þar sem búið var að gera ráðstafanir með mat og gistingu fyrir hópinn. Það var svo rétt áður en rútan kom að áðurnefndum vegamótum að vegurinn brast og mun vera 7-10 metra breiður skurður og mikill straumur í vatninu sem flæðir þar yfir. Þá er afar hvasst í Steingrímsfirði.
Hvorki þykir ráðleggt að ferja hópinn yfir vatnið, þó aðeins séu rúmir 12 km til Hólmavíkur og um 20 km á Drangsnes, né heldur snúa við aftur yfir Steingrímsfjarðarheiði. Samkvæmt upplýsingum frá fjarskiptamiðstöð lögreglunnar hefur hópurinn fengið fyrirmæli um að halda kyrru fyrir í rútunni þar til Vegagerðin fer af stað á sjötta tímanum í fyrramálið og gert verður við veginn. Blaðamaður hafði samband við nemendur og foreldri í hópnum og að þeirra sögn amar ekkert að farþegum, þó menn séu vissulega orðnir þreyttir og svangir.
Þannig háttar til á þessum slóðum að eini bærinn sem er í byggð í Staðardal er hinum meginn árinnar þannig að þangað er einnig ófært. Næstu bæir í byggð eru svo norðan Steingrímsfjarðarheiðinnar, á Langadalsströnd. Í fésbókarfærslu frá nemanda í hópnum kemur fram að maður sé á leiðinni til þeirra með mat og verði kominn eftir um einn og hálfan tíma.
Fleiri fréttir
-
Varmahlíðarskóli endaði í 3ja sæti í Skólahreysti
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 25.05.2025 kl. 22.55Í gærkvöldi fór fram æsispennandi úrslitakeppni í Skólahreysti og í tólf skóla úrslitum áttu tveir skólar á Norðurlandi vestra sína fulltrúa; Grunnskóli Húnaþings vestra og Varmahlíðarskóli. Bæði lið stóðu sig frábærlega og Varmhlíðingar gerðu sér lítið fyrir og náðu besta árangri sínum í Skólahreysti frá upphafi, lentu í þriðja sæti og Húnvetningar voru sæti neðar en með jafn mörg stig.Meira -
Ekki vika sem haldið verður upp á hjá UMFT
feykir.is Skagafjörður, Íþróttir, Lokað efni 25.05.2025 kl. 18.58Sandgerðingar komu í heimsókn á Krókinn í gær og öttu kappi við lið Tindastóls í 3. deild karla í knattspyrnu. Því miður urðu heimamenn að sætta sig við 0-1 tap og eru nú ásamt gestunum um miðja deild eftir tvö svekkjandi töp.Meira -
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira
