Á slóðir Haugsnesbardaga
Félagið á Sturlungaslóð í Skagafirði verður með létta göngu á slóðir Haugsnesbardaga laugardaginn 25. júní kl 10 árdegis. Leiðsögumaður verður Sigurður Hansen og er mæting í Kringlumýri í Blönduhlíð. Þar mun Sigurður segja frá aðdraganda bardagans og rölta með þátttakendum að „grjóthernum“ einu stærsta útilistaverki landsins sem hann hefur komið fyrir á áreyrunum neðan við Haugsnesið. Síðan liggur leiðin að róðukrossinum við Syðstu-Grund þar sem foringi Ásbirninga, Brandur Kolbeinsson á Reynistað, var tekinn af lífi. Þátttökugjald er 500 kr fyrir 14 ára og eldri.
Félagið fékk Veraldarvini í heimsókn til sín um hvítasunnuna og var unnið að göngustígagerð. Merkt var gönguleið frá Vindheimamelum að Reykjafossi og Fosslaug. Farið er eftir Melunum að vestanverðu að hliði sem er sunnan við mótssvæðið. Þaðan er gengið eftir veginum að merktum slóða sem liggur að fossinum og áfram að lauginni. Laugin er sýnishorn af miðaldalaugum sem forfeður okkar notuðu til baðferða og einnig sem fundastaði. Einnig var merkt gönguleið að grjóthernum. Keyrt er upp afleggjarann að Djúpadal og Kringlumýri að litlu bílaplani og þaðan er gengið eftir varðaðri leið að hernum. Slóði liggur frá grjóthernum að róðukrossinum ofan við Syðstu-Grund.
Það er von félagsins að með bættu aðgegni að merkum sögustöðum Sturlungaaldar aukist áhugi heimamanna og ferðafólks á þeim miklu menningarverðmætum sem við eigum hér í Skagafirði frá miðöldum.
Sögudagur félagsins verður 20. ágúst. Þar verður fjölbreytt dagskrá þar sem allir ættu að finna eitthvað við sitt hæfi. Dagskráin verður auglýst þegar nær dregur.
Fleiri fréttir
-
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjar'ar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira -
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira -
Sundlaugin á Hofsósi opnar klukkan fjögur í dag
feykir.is Skagafjörður, Mannlíf 25.06.2025 kl. 14.23Vakin er athygli á því að sundlaugin á Hofsósi er lokuð í dag, miðvikudaginn 25. júní, fram til kl. 16:00 vegna námskeiðs starfsmanna. Opnunartíminn verður því frá kl. 16:00 - 20:00.Meira
