Á tjá og tundri frumsýnt á fjölum Bifrastar
Nemendafélag Fjölbrautaskóla Norðurlands vestra fumsýnir leikverkið Á tjá og tundri eftir Gunnar Helgason í Bifröst á Sauðárkróki í kvöld, fimmtudagskvöldið 13. nóvember. Í Feyki sem kom út í dag er litið inn á æfingu og rætt við Jóndísi Ingu Hinriksdóttur skemmtanastjóra NFNV um leikritið og segir hún frumsýninguna leggjast vel í mannskapinn. „Það eru allir spenntir og örugglega örlítið stressaðir, en það er alltaf gott að vera smá stressaður. Þá gefur maður allan fram í sýninguna.“
Á tjá og tundri fjallar um Hans og Nínu sem eru ungt par sem er að fara að gifta sig. Í miðri athöfn kemur babb í bátinn sem verður til þess að allt splundrast upp og allir halda í veisluna, en brúðhjónin ekki gift ennþá. Þar fer ýmislegt fram og reynslusögur sagðar, viðeigandi og óviðeigandi. Allir fara að opna sig og margur óþægilegur sannleikur leiddur í ljós. Eiga atvik úr fortíðinni að hafa áhrif á framtíðina? Eiga brúðhjónin meira sameiginlegt en þau héldu? Stóra spurningin er hvort það er ástin sem sigrar að lokum. Persónurnar eru allar skemmtilegar á sinn ólíka hátt. Lögin í leikritinu eru bæði íslensk og erlend en öll fyrsta flokks.
Það verða sex sýningar, frumsýningin í dag, fimmtudag, svo verða sýningar 15., 16., 18., 19. og lokasýning föstudaginn 21. nóvember. Hægt er að panta miða í síma 455-8070 alla sýningardaga á milli klukkan 16:00 og 18:00. Miðaverð er 1000 kr. fyrir meðlimi NFNV og yngri en 16 ára og 1500 kr. fyrir aðra.
Klikkar aldrei!
Leikstjóri Á tjá og tundri er Guðbrandur Ægir Ásbjörnsson en hann hefur leikstýrt nokkrum leikritum hjá FNV í gegnum tíðina og segir Jóndís hann aldrei klikka.
„Hann er frábær á þann hátt að hann er svona eins og pylsa með öllu. Með því að leikstýra þá hannar hann leikmyndina, er með ljósin og hljóðið alveg á hreinu og svo lengi mætti áfram telja.“ Hún segir það hafa gengið furðuvel að fá leikara í ár og er sérstaklega ánægjulegt hve margir nýnemar stíga á sviðið að þessu sinni.
Umfjöllunina í heild sinni má sjá í Feyki sem kom út í dag.
Fleiri fréttir
-
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira -
Murr með sigurmark Fram í uppbótartíma
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 23.05.2025 kl. 20.15Þetta hefur verið erfið vika fyrir stuðningsfólk Tindastóls. Tveir tapleikir í röð gegn Stjörnunni í körfunni og í kvöld máttu Stólastúlkur þola enn eitt tapið. Og ekki eru lokamínúturnar að standa með okkur því það lið Fram gerði eina mark leiksins örfáum sekúndum fyrir leikslok og til að bæta gráu ofan á svart var það sjálf Murr sem setti boltann í markið þegar allt leit út fyrir jafntefli. Lokatölur 1-0.Meira -
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira
