„Að minnsta kosti er ég óvenju rólegur,“ segir Palli Kolbeins
Feykir fékk Pál Kolbeinsson til að tjá sig um einvígi Tindastóls og KR en líkt og Björgvin og Gústi hefur Palli spilað með báðum liðunum. Palli er hins vegar alinn upp í Vesturbænum og nánast í KR-gallanum. Hann hefur einnig þjálfað bæði liðin og líkt og margir aðrir þá spáir Palli því að rimman endi í fimm leikjum.
Hvernig líst þér á viðureign KR og Tindastóls um Íslandsmeistaratitilinn? -Þetta verður mjög spennandi eins og leikirnir þegar þessi lið hafa mæst í vetur. Gaman að sjá liðin mín mætast.
Hvernig hefur þér litist á lið Tindastóls í vetur? -Þetta er skemmtilega blanda af eldri og yngri leikmönnum. Liðið er vel skipulagt og varnarleikurinn góður sem er mér að skapi. Vörnin vinnur titla.
Hvað hefur komið þér mest á óvart? -Hvaða yngri leikmennirnir hafa sýnt mikinn stöðuleika og síðan hefur góð stjórnun á bekknum þýtt það að eldri leikmennirnir hafa nýst frábærlega.
Hvernig spáir þú að einvígið fari? -Ég ætla leyfa mér að spá því að viðureignin fari í fimm leiki. Ef Pavel nær sér strik þá vinnur KR-liðið. Annars erum KR-ingar alveg rólegir, höfum hampað Íslandsmeistaratitlinum fjórum sinnum á síðustu sjö árum. Að minnsta kosti er ég óvenju rólegur og ætla að njóta þess að mæta á leikina – þetta verður góð skemmtun!
Einmitt. Feykir trúir því rétt mátulega að Palli Kolbeins sé rólegur!?
Fleiri fréttir
-
Arnar Guðjónsson er nýr þjálfari Tindastóls í körfunni
feykir.is Skagafjörður, Íþróttir 06.06.2025 kl. 20.19Körfuknattleiksdeild Tindastóls hefur samið við Arnar Guðjónsson og mun hann taka við sem þjálfari meistaraflokks karla næstkomandi tímabil. Í tilkynningu sem kkd. Tindastóls sendi frá sér í dag kom fram að Arnar mun einnig sjá um Körfuboltaakademíu Tindastóls og Fjölbrautaskóla Norðurlands vestra og aðstoða við skipulag á þjálfun yngri flokka.Meira -
Héraðsvötn og Kjalölduveitu í nýtingarflokk
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 06.06.2025 kl. 19.47Nú liggur fyrir á alþingi og til umræðu í Umhverfis- og samgöngunefnd tillaga til þingsályktunar um breytingu á þingsályktun um áætlun um vernd og orkunýtingu landsvæða, nr. 24/152 frá umhverfis-, orku- og loftslagsráðherra.Meira -
Enn flæðir í Fljótum
feykir.is Skagafjörður, Lokað efni 06.06.2025 kl. 13.55„Þetta fer að vera kunnugleg sjón. Ós Miklavatns annar ekki vatnsflaumnum og yfirborð Miklavatns hækkar,“ segir Halldór Gunnar Hálfdansson, bóndi á Molastöðum í Fljótum, í færslu á síðunni Sveitin okkar – Fljótin. Enn á ný gera flóð bændum lífið leitt en að sögn Stefaníu Hjördísar Leifsdóttir er ástandið ekki eins slæmt og í fyrra.Meira -
560 mál á borð Lögreglunnar á Norðurlandi vestra í maí
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 06.06.2025 kl. 13.04Málafjöldi maímánaðar hjá Lögreglunni á Norðurlandi vestra reyndist áþekkur fyrri mánuðum ársins en 560 mál voru skráð til úrvinnslu hjá embætti lögreglunnar á svæðinu í maí. Í frétta á vef lögreglunnar kemur fram að þrátt fyrir sambærilegan málafjölda hafi meira verið um þung mál í maí en undanfarna mánuði.Meira -
Stólastúlkur mæta liði Vals í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 06.06.2025 kl. 10.53Það verður hellingur af fótbolta spilaður um hvítasunnuhelgina og hefst veislan í kvöld þegar lið Vals mætir í heimsókn á gervigrasið á Króknum þar sem Stólastúlkur bíða þeirra. Um er að ræða leik í áttundu umferð Bestu deildarinnar og aldrei þessu vant eru liðin á svipuðum slóðum í deildinni, lið Vals í sjöunda sæti með átta stig og Tindastóll í áttunda sæti með sex stig. Leikurinn hefst kl. 18 og útlit fyrir ágætt fótboltaveður.Meira
