Ádeila á almennan upplýsingaskort í Skagafirði
Auglýsing frá Adda Sig., sem birt var í Sjónhorninu í vikunni sem leið, vakti víða athygli og klóruðu margir Skagfirðingar sér í hausnum yfir merkingu hennar. Í auglýsingunni stóð: „Sauðkrækingar og nærsveitarmenn. Tek að mér svipuð verkefni í fyrra. Er á gamla góða staðnum. Sama símanúmer og undanfarin ár.“
Ástmar Sigurjónsson, eða Addi Sig., birti á Facebook-síðu sinni í dag raunverulega ástæðu fyrir birtingu auglýsingarinnar. „Ástæðan fyrir birtingu auglýsingarinnar er almennur upplýsingaskortur í auglýsingum í Skagafirði, mig langaði að leyfa Skagfirðingum að finna þetta aðeins á eigin skinni,“ sagði Ástmar í samtali við Feyki.
„Við hjónin erum bæði aðflutt, og höfum séð það að Sjónhornið er helsti miðillinn til að sjá hvað er í gangi í firðinum. En við höfum oft rekið okkur á eftirfarandi upplýsingar „á sama stað og í fyrra“, „á gamla góða staðnum“, „í Gúttó“, „Á flæðunum“.
Þeir sem ólust ekki upp hérna hafa ekki hugmynd um hvar þessir staðir eru, og oft er símanúmer ekki einu sinni með til að maður geti aflað sér upplýsinga. Fyrstu jólin okkar kom auglýsing í Sjónhorninu um jólatrjásölu, þar stóð: „Á sama stað og í fyrra“ og ekkert símanúmer, við áttum leið suður og keyptum því jólatréð okkar þar, því við höfðum ekki hugmynd um hvar við áttum að leita hér í firðinum,“ útskýrir Ástmar.
Hann segist enn sem komið er ekki hafa fengið mikil viðbrögð við auglýsingunni, enda er innan við sólarhringur síðan hann gaf það út að hann hefði beðið um hana.
„En ég hef heyrt frá öðrum að mikil umræða hafa farið í gang um hver í ósköpunum hefði sett þessa auglýsingu í Sjónhornið og hvaða tilgangi hún þjónaði. Viðbrögðin eru talsvert meiri en ég bjóst við og mér sýnist hún hafa náð sínum tilgangi algerlega,“ sagði Ástmar og verður spjallað nánar við hann í næsta Feyki sem kemur út á fimmtudag.
Fleiri fréttir
-
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira -
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira
