Ádrepa eða ekki ádrepa frá samgöngu- og sveitarstjórnarráðuneytinu
Svar hefur borist frá samgöngu- og sveitarstjórnarráðuneytinu varðandi kæru Sigurjóns Þórðarsonar, varafulltrúa Skagafjarðarlistans þar sem óskað var eftir aðkomu þess vegna ólögmætrar stjórnsýslu Sveitarfélagsins Skagafjarðar. Sigurjón segir á Facebooksíðu sinni að Sveitarfélagið Skagafjörður hafi fengið ádrepu frá ráðuneytinu. Meirihlutinn ekki sammála þeirri túlkun.
„Sveitarfélagið Skagafjörður fékk ádrepu frá ráðuneyti sveitarstjórnarmála, vegna kvörtunar minnar um ólögmæta st[j]órnsýslu, í tengslum við leynisamninga upp á mörghundruð milljón krónur, við einkafyrirtækið Sýndarveruleika ehf.
Af bréfi ráðuneytisins má ráða að yfirstjórn Sveitarfélagsins hafi ekki greint st[j]órnarráðinu rétt frá málavöxtum, þ.e. að nú þegar sé verið að vinna eftir samningum, sem hafa ekki enn hlotið umfjöllun og samþykkt í Sveitarstjórn Sveitarfélagsins Skagafjarðar!“
Aðspurður um hvort megi af bréfinu ráða að yfirstjórn Sveitarfélagsins hafi ekki greint stjórnarráðinu rétt frá málavöxtum í þessu máli, segir Stefán Vagn Stefánsson, formaður byggðarráðs: „Ég hvet fólk til að lesa bréfið og meta sjálft hvort það sjái þessa túlkun Sigurjóns á bréfinu.“
Bréf samgöngu- og sveitarstjórnarráðuneytisins var tekið fyrir á fundi byggðaráðs í gær og segir m.a. í bókun Stefáns Vagns og Sigríðar Svavarsdóttur að meirihluti byggðarráðs deili skoðunum með ráðuneytinu um mikilvægi þess að þau mál sem um ræðir verði afgreidd í samræmi við sveitarstjórnarlög og leggur áherslu á að áfram verði unnið í viðkomandi samningum með það að markmiði að ljúka þeim svo fljótt sem aðstæður leyfa.
„Meirihluti Byggðarráðs telur að skilja beri efni framangreinds bréfs ráðuneytisins frá 08.05. 2018 með þeim hætti að á meðan viðkomandi mál séu enn í vinnslu telji ráðuneytið að ekki séu forsendur fyrir því að það fjalli um þau með þeim hætti sem kvartandi krafðist í bréfi sínu frá 23.03. 2018.“
Bjarni Jónsson fulltrúi Vg og óháðra segir í bókun sinni að í bréfinu felist alvarleg ádrepa á meirihluta sveitarstjórnar vegna þeirrar leyndarhyggju sem hefur verið um eðli og innihald samninga vegna uppbyggingar sýndarveruleikasýningar, Sýndarveruleika ehf. og varnaðarorð um framhaldið.
„Þar sem undirritaður hefur ekki séð hvernig meirihlutinn réttlætti leyndina og málsmeðferðina gagnvart ráðuneytinu er settur fyrirvari við innihaldið og eins dregið í efa að nægjanlega hafi verið gerð grein fyrir því að nú þegar sé farið að vinna eftir samningunum að einhverju leiti,“ segir Bjarni
Tengd frétt: Kærir málsmeðferð Sveitarfélagsins vegna Sýndarveruleika
Fleiri fréttir
-
Það er ekki nokkur maður að gleyma leiknum í kvöld
feykir.is Skagafjörður, Íþróttir, Mannlíf, Lokað efni 29.04.2025 kl. 16.37Við minnum enn og aftur á leikinn í kvöld! Já einmitt, það er þriðji leikur Tindastóls og Álftaness í undanúrslitum Bónus deildar karla í kvöld og hefst kl. 19:15.Meira -
Ótrúlegt en satt sýnd í Króksbíó 1. maí
feykir.is Skagafjörður, Listir og menning 29.04.2025 kl. 16.11Stuttmyndin Ótrúlegt en satt eftir Ásthildi Ómarsdóttur, sem er kvikmyndagerðarkona frá Sauðárkróki, verður sýnd fimmtudaginn 1. maí kl. 16:00 í Króksbíó á Sauðárkrókii. Myndin vekur upp mikilvægar spurningar um virðingu og mannúð á dvalarheimilum. Myndin var valin besta stuttmyndin á leiklistarbraut Kvikmyndaskóla Íslands við útskrift skólans í lok síðasta árs og leikur Ásthildur aðalhlutverkið. Í öðrum helstu hlutverkum eru Vigdís Hafliðadóttir, Sólveig Pálsdóttir og Magnús Orri Sigþórsson.Meira -
Húnvetningum spáð falli en eru hvergi bangnir
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 29.04.2025 kl. 15.36„Við erum langminnsta félagið í deildinni. Við erum með svo margar áskoranir sem við verðum að sigrast á. Hópurinn á svo stuttan tíma saman á undirbúningstímabilinu í samanburði við hin liðin. Svona er þetta bara og við tökum áskoruninni af alefli," segir Dominic Furness í spjalli við Fótbolta.net en miðillinn spáir liði Kormáks Hvatar neðsta sætinu í 2. deild á komandi keppnistímabiii sem hefst nú í vikulokin en lið Húnvetninga spilar við KFA í Fjarðabyggðarhöllinni á laugardaginn.Meira -
Vel heppnað Kirkjukvöld í Sauðárkrókskirkju
feykir.is Skagafjörður, Mannlíf 29.04.2025 kl. 12.29Það var hugljúf og falleg stund í Sauðárkrókskirkju mánudagskvöldið 28. apríl þegar hið árlega Kirkjukvöld var haldið. Gestir kvöldsins voru rúmlega 100 manns og var dagskráin glæsileg að vanda. Sr. Karl Matthíasson tók fyrstur til máls og kynnti lögin eitt af öðru, eins og honum einum er lagið, en það var Kirkjukór Sauðárkrókskirkju sem hóf sönginn. Stjórnandi kórsins var að þessu sinni Helga Rós Indriðadóttir og spilaði Rögnvaldur Valbergsson organisti á hljómborð og Sigurður Björnsson var á trommum. Einsöngvarar kvöldsins voru þær Lára Sigurðardóttir og Guðrún Jónsdóttir.Meira -
SSNV krefur stjórnvöld um að hraða uppbygginu vega í landshlutanum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.04.2025 kl. 12.02Á ársþingi Samtaka sveitarfélaga á Norðurlandi vestra, sem haldið var á Sauðárkróki 9. apríl voru ýmsar ályktanir samþykktar. Þar á meðal ein er varðar vegasamgöngur í landshlutanum en í henni er þess krafist að stjórnvöld hraði uppbyggingu vega á Norðurlandi vestra og tryggi að stofn- og tengivegir í landshlutanum verði færðir upp í forgang í samgönguáætlun ríkisins, með skýrri framkvæmdaáætlun og tryggu fjármagni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.