Ærslabelgurinn kominn á Hofsós
Ærslabelgurinn sem Íbúasamtökin Byggjum upp Hofsós og nágrenni safna nú fyrir er kominn á Hofsós og nú um helgina var unnið að uppsetningu hans við hliðina á sparkvellinum við skólann. Belgurinn er þó ekki kominn í gagnið og verður ekki blásinn upp fyrr en náðst hefur að safna fé fyrir heildarandvirði hans sem er 2,2 milljónir króna. Nú er söfnunarfé komið upp í 60% af endanlegri upphæð og eru aðstandendur söfnunarinnar hæstánægðir með góð viðbrögð, en betur má ef duga skal.
Að sögn Auðar Bjarkar Birgisdóttur, eins af forsprökkum söfnunarinnar, hefur ýmsum aðferðum verið beitt til að afla fjár til verkefnisins. Auglýst var eftir framlögum, bæði á Facebook, í Sjónhorninu og víðar og sent bréf til allra félagasamtaka austan Vatna. Þar sem aðeins einn belgur var til í landinu var ákveðið að tryggja sér hann, þótt ekki hefði náð að safnast fyrir nema hluta upphæðarinnar, og segir Auður að söfnunin hafi tekið mikinn kipp þegar belgurinn mætti á staðinn og íbúar sáu hlutina gerast. Einnig segist Auður vera mjög ánægð með brottflutta Hofsósinga sem hafi verið duglegir að bæta í púkkið, ásamt einni millifærslu erlendis frá. Þá má nefna að á nýafstaðinni Jónsmessuhátíð stóð Júlía Sverrisdóttir fyrir markaði til styrktar verkefninu og söfnuðust þar 35 þúsund krónur.
Eins og áður segir verður belgurinn staðsettur við hlið sparkvallarins og því í næsta nágrenni tjaldsvæðisins og því kærkomin viðbót við afþreyingu fyrir gesti þess. Belgurinn er með tímarofa sem stýrir því að loft fer í belginn um níuleytið á morgnana og úr honum aftur á kvöldin þannig að íbúar í nærliggjandi húsum ættu ekki að þurfa að kvíða því að þar verði hoppað og skoppað allan sólarhringinn.
Nú bíður belgurinn þess að öll upphæðn sé komin í hús, fyrr verður hann ekki blásinn upp en þá segir Auður að ætlunin sé að gera sér einhvern dagamun, grilla pylsur og hafa eitthvert húllumhæ.
Sveitarfélagið hefur lýst ánægju sinni með framtakið og mun greiða kostnað við jarðvinnu við uppsetningu belgsins og rekstrarkostnað.
Fleiri fréttir
-
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira -
Upplýsingafundur Íslandspósts á Hvammstanga
feykir.is Vestur-Húnavatnssýsla 23.04.2024 kl. 09.36Feykir sagði frá því fyrr í vetur að Íslandspóstur hefði tekið ákvörðun um lokun fimm pósthúsa á landsbyggðinni og fimm útibúa að auki. Byggðarráð Húnaþings vestra mótmælti ákvörðun um að loka pósthúsinu á Hvammstanga en fá að öllum líkindum ekki snúið ákvörðuninni. Nú boðar Íslandspóstur til upplýsingafundar í Félagsheimilinu Hvammstanga mánudaginn 29. apríl kl. 17.Meira -
Baldur og Felix á Sauðárkróki og á Blönduósi í dag
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 23.04.2024 kl. 08.34Það hefur efalaust ekki farið framhjá neinum að það eru forsetakosningar framundan en kosið verður 1. júní. Næsta mánuðinn verða því forsetaframbjóðendur, sem stefnir jú í að verði nokkrir, á faraldsfæti og munu taka í hendur eins margra og auðið er. Í dag verða þeir Baldur og Felix á ferðinni hér norðan heiða og í dag heimsækja þeir Sauðárkrók og Blönduós – þar sem Felix bjó einmitt um tíma.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.