Bleika slaufan er mætt
Feykir sagði frá því í gær að Bjarkirnar, félagsskapur kvenna í Skagafirði, ætla í októbermánuði að hengja upp bleikar útislaufur á ljósastaura við Aðalgötu og Skagfirðingabraut á Sauðárkróki. Með þessu vilja Bjarkirnar leggja Krabbameinsfélaginu lið í baráttunni gegn krabbameini hjá konum. Bleikar útislaufur verða einnig til sölu á 5.000 kr.
Hlekkur á sölusíðu fyrir slaufur er https://kto.is/sduiwz. Hægt er að setja inn athugasemdir ef óskað er eftir öðrum afhendingarstað en lögheimili. Krafa kemur síðan inn í heimabanka. Þá verður líka hægt að panta slaufur í síma 894-7013 (Brynja) og 894-5148 (Sigrún). Pantanir þurfa að berast fyrir 2. október nk.
Feykir grenslaðist fyrir um þennan félagsskap, Bjarkirnar og var það Halla Guðleifs sem að varð fyrir svörum:
„Bjarkirnar eru félagasamtök kvenna sem hittast mánaðarlega yfir vetrartímann til að borða og eiga góða stundir saman. Við erum 21 kona í félaginu. Reglulega bregðum við undir okkur betri fætinum og heimsækjum áhugaverða og skemmtilega staði, bæði innan og utan héraðs. Við höfum það einnig að markmiði að styðja við og styrkja góðgerðarmál í Skagafirði.
Í tengslum við það kviknaði hugmyndin að slaufuverkefninu, enda sameinar það svo margt sem félagið okkar stendur fyrir. Við hittumst og bindum slaufurnar saman og styrkjum um leið gott málefni sem er Krabbameinsfélag Skagafjarðar. Með því að hengja slaufunar upp á ljósastaura bæjarins vonumst við jafnframt til að vekja athygli á Bleikum október og því mikilvæga málefni sem hann stendur fyrir.”
Feykir þakkar Höllu fyrir og hvetur alla til að splæsa í Bleika Slaufu. /hmj
Fleiri fréttir
-
Sveitarstjóraskipti hjá Húnabyggð
feykir.is Austur-Húnavatnssýsla, Mannlíf 01.10.2026 kl. 11.35Á Facebooksíðu Húnabyggðar má lesa: „Í gær lauk Pétur Arason störfum sem sveitarstjóri Húnabyggðar. Við þökkum Pétri kærlega fyrir hans störf í þágu sveitarfélagsins og gott samstarf. Við óskum honum alls hins besta og velfarnaðar á nýjum vettvangi.Meira -
Sveitarfélög á Norðvesturlandi halda aftur af sér við hækkanir gjaldsskráa fyrir 2027
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 01.10.2026 kl. 10.55Nú á haustmánuðum eru sveitarfélög vítt og breytt að birta fjárhagsáætlanir sínar fyrir næsta ár. Er áhugavert að sjá hvaða tökum sveitarfélög vilja taka utan um þau mál. Ríkisvaldið boðar aukna gjaldtöku á ýmsum sviðum og ýmis merki eru um að lítið „góðæri”, sé í kortunum.Meira -
Evrópustuð á Stólunum
feykir.is Skagafjörður, Íþróttir, Lokað efni 01.10.2026 kl. 09.47Tindastólsmenn kláruðu Evrópurúntinn í gærkvöldi með góðum sigri á liði Bristol Flyers í Brexitlandi. Heimamenn hófu leik af krafti en Stólarnir voru fljótir að grípa til vopna og verja og gerðu nánast út um leikinn með frábærum leik í öðrum leikhluta þar sem þeir héldu heimamönnum í átta stigum. Eftirleikurinn reyndist tiltölulega auðveldur og gátu Stólarnir leyft sér að taka fótinn af bensíngjöfinni á lokakaflanum. Úrslitin 68-85 og Stólar í Evrópustuði.Meira -
Þverárfjallsvegur lokaður vegna bílveltu
feykir.is Skagafjörður, Austur-Húnavatnssýsla 01.10.2026 kl. 09.40Snemma í morgun valt mjólkurflutningabíll með tengivagn, rétt austan bæjarins Skarðs ofan Sauðárkróks. Ekki er vitað um tildrög slyssins en ökumaður var fluttur á heilbrigðisstofnunina á Sauðárkróki til skoðunar. Vonast er til að meiðsli hans séu ekki mikil.Meira
