Afmælisgjöfin fór í að fjármagna garðskúr fyrir Skammtímadvöl
Guðrún Hanna Kristjánsdóttir, forstöðumaður Skammtímadvalar á Sauðárkróki, fagnaði innilega afmæli Ástu Ólafar Jónsdóttur, aðalbókara Sveitarfélagsins Skagafjarðar, sem varð sextug sl. sunnudag. Hélt hún upp á tímamótin í september og í stað þess að þiggja gjafir bað hún fólk að leggja í púkk svo hjálpa mætti Skammtímadvöl að bæta útiaðstöðu með kofakaupum.
Ásta segist hafa verið ákveðin í því að halda upp á sextugsafmæli sitt með stæl, sem ekki tókst þó almennilega vegna heimsfaraldurs, en upp á það hélt hún samt. Þrátt fyrir að Ásta yrði sextug þann 1. nóvember sl. hélt hún upp á tímamótin í september þar sem henni leiðist að halda veislu að vetrarlagi.
„Ég hélt upp á afmælið í september, taldi mig nokkuð örugga þar sem Covid19 var rólegt um þessar mundir. Var síðan með kökk í hálsinum í tvær vikur á eftir, því þriðja holskeflan hófst rétt um það leyti sem veislan var, en það slapp til. Nema hvað að sextugar kerlingar þurfa ekki mikið á afmælisgjöfum að halda. Mig langaði einhvern veginn ekki að fá fullt af blómavösum, málverkum eða jafnvel tíu gjafabréf í fótsnyrtingu, þannig að ég bað fólk bara að setja pening í kassa því ég vildi gera eitthvað fyrir samfélagið og niðurstaðan var góð,“ segir Ásta sem ákvað að fjárfesta í tólf fermetra garðskúr og afhenda Skammtímadvöl. Hún segist ekki hafa þurft að bæta neinum ósköpum við sjálf til að geta keypt skúrinn. Vörumiðlun gaf svo afslátt af flutningnum og sveitarfélagið mun sjá um það verkefni að koma honum upp.
Hreinlega bara orðlaus
Guðrún Hanna var að vonum ánægð þegar Ásta afhenti henni gjafabréfið sl. föstudag. „Ég var lengi búin að reyna að fá vilyrði fyrir slíku garðhúsi. Við eigum mikið af útihúsgögnum en höfum ekkert geymslupláss fyrir afþreyingarhluti úti, eins og trampólín, mörk, grill, garðhúsgögn o.fl. svo við höfum þurft að fara með þau í Hofsós til geymslu,“ útskýrir Guðrún en ef stefnir í vont veður þarf að flytja dótið í burtu sem kemur þá ekki til baka þegar komið er haust.
„Ég var nýbúin að senda póst á sveitarfélagið um þetta mál þegar Ásta kallar mig upp á skrifstofu og spyr hvað okkur vanti. Ég segi þá bara í gríni: Kofa! En það varð úr að hún náði að safna fyrir einum kofa sem á eftir að koma starfseminni afar vel.“
Guðrún segir að þegar vel viðrar sé oft setið úti og hefur pallurinn nýst mjög vel í haust en svo vildi til að rétt fyrir afmælisveislu Ástu gekk fyrsta haustlægðin yfir og var allt dótið sent í geymslu. Í október var hins vegar blíða en ekki hægt að nýta útihlutina sem skyldi.
„Við erum ofboðslega þakklát og glöð yfir þessari gjöf Ástu og hreinlega bara orðlaus,“ segir Guðrún Hanna.
Skammtímadvöl þjónustar ellefu einstaklinga, og þrír dvelja þar í senn. Dvalargestir eru af öllu Norðurlandi vestra, á ýmsum aldri og eiga það sameiginlegt að búa hjá foreldrum en fá að dveljast dag og dag eða nokkra daga í senn á Grundarstígnum á Króknum.
Fleiri fréttir
-
Selasetrið fagnar 20 ára afmæli
feykir.is Vestur-Húnavatnssýsla 14.11.2025 kl. 13.32Selasetur Íslands á Hvammstanga fagnar 20 ára afmæli á þess ári og í tilefni af því verður efnt til afmælisveislu laugardaginn 15. nóvember. Dagskráin hefst klukkan 11 og stendur til 17 og verður eitthvað skemmtilegt í boði fyrir alla.Meira -
„Saman við sitjum og saumum inni í stóru húsi...“
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 14.11.2025 kl. 10.33Langar þig til að hressa við gamla uppáhalds flík? Textílmiðstöðin, í samstarfi við fatahönnunarnemendur í Listaháskólanum, býður til vinnustofu miðvikudaginn 19. nóvember kl. 16 – 19 í Félagsheimilinu Blönduósi. Nemendur sýna áhugaverð dæmi og aðstoða þátttakendur við að breyta, bæta og/eða skapa nýja flík úr gamalli.Meira -
Skorað á ráðherra að skoða gríðarlegar hækkanir á raforku
feykir.is Skagafjörður, Lokað efni 14.11.2025 kl. 08.49Í fundargerð Landbúnaðar- og innviðanefndar sem fram fór í gær, 13. móvember, var til umfjöllunar ný gjaldskrá Rarik um hækkun á verði fyrir dreifingu og flutning á raforku. Á gjaldskráin að taka gildi frá og með 1. nóvember sl. Að sögn Einars E. Einarssonar, formanns Landbúnaðar- og innviðanefndar, eru þessar tíðu og miklu hækkanir sem eru á raforku landsmanna mikið áhyggjuefni. Nú er það flutningurinn sem hækkar í fjórða skiptið á árinu en það má öllum ljóst vera að þessar hækkanir hafa mjög neikvæð áhrif á bæði einstaklinga, fyrirtæki og sveitarfélög.Meira -
Logi Einars með opinn viðtalstíma á Sauðárkróki
feykir.is Skagafjörður 14.11.2025 kl. 08.45Logi Einarsson, menningar,- nýsköpunar- og háskólaráðherra, verður með opinn viðtalstíma í Ráðhúsinu á Sauðárkróki næstkomandi mánudag, 17. nóvember kl. 10. Þar gefst áhugasömum færi á að eiga milliliðalaust spjall við ráðherrann um þau fjölmörgu málefni sem eru á borði menningar-, nýsköpunar- og háskólaráðuneytisins.Meira -
Tónlistarnám í Skagafirði og fyrirhugað menningarhús | Inga Rósa Sigurjónsdóttir skrifar
feykir.is Skagafjörður, Aðsendar greinar 14.11.2025 kl. 08.37Síðastliðin átta ár hefur dóttir mín stundað fiðlu og píanónám við Tónlistarskóla Skagafjarðar. Í fiðlunáminu er gert ráð fyrir að foreldri komi með barni sínu í kennslustundir fyrsta árið, og ég hef því setið í ótal kennslustundum og nokkrum mismunandi kennslustofum í gegnum tíðina. Ég tel mig því þekkja nokkuð vel til starfseminnar.Meira
