Afterglow með Ásgeiri Trausta komin út
Eftir langa bið hefur tónlistarmaðurinn Ásgeir Trausti frá Laugarbakka í Miðfirði loks sent frá sér nýja tónlistarafurð sem hann kallar Afterglow. Nú gerir kappinn víðreyst um jörðina þar sem hann fylgir eftir útgáfu disksins, sem alla jafna hefur verið að fá fínar umsagnir.
Í tilkynningu á Facebook-síðu sinni segir Ásgeir að nú séu næstum því fimm ár síðan fyrsta plata hans, Dýrð í dauðaþögn, kom út og aldrei hefði hann grunað hvað næstu árin bæru með sér. Eftir að hafa fylgt eftir þeirri útgáfu í þrjú ár með endalausum tónleikum um allan heim þá hófst vinna við fylgifiskinn árið 2015, ferli sem reyndist ansi strembið. Eftir frábærar viðtökur fyrstu plötunnar var mikil pressa á Ásgeiri við gerð plötu tvö. Hlutirnir smullu loks saman eftir að hann snéri heim á Laugarbakka til mömmu sinnar þar sem hann vann síðan að nokkrum lögum með pabba sínum.
Nýja platan, Afterglow, er talsvert elektrónískari en Dýrð í dauðaþögn og það verða örugglega einhverjir sem sakna gítarsins. Þá er platan talsvert seinteknari en fyrirrennari hennar og mun sennilega ekki rata jafn auðveldlega inn í heilastöðvar hlustenda.
Þeir sem sannarlega féllu fyrir göldrum Ásgeirs ættu þó að finna talsverða fróun og sérstök hughrif við hlustun á Afterglow. Þrátt fyrir að platan sé elektrónískari en Dýrðin þá fær maður óvænt sterka náttúru-upplifun við að hlusta. Maður sér fyrir sér jökla skríða fram, ís bráðna, gróður springa út, lækjarsprænur í grænum mosa. Maður finnur lykt af jörðinni lifna. Söngur Ásgeirs er sem fyrr einstakur, laglínur fagrar en aldrei væmnar.
Afterglow er sólargeisli í sálina.
Fleiri fréttir
-
Enn á ný hægt að komast til himna í Húnavatnssýslu
feykir.is Austur-Húnavatnssýsla, Lokað efni 13.05.2025 kl. 14.48Það styttist í að enn á ný verði hægt að stíga til himna í Austur-Húnavatnssýslu. Feykir sagði frá því á síðasta ári að tvívegis tók Himnastiginn á Skúlahóli í Vatnsdalnum flugið í ofsaroki. Nú í vikunni var hafist handa við setja hann saman og festa niður á ný.Meira -
Samtal um náttúruvernd og ganga um Spákonufellshöfða með SUNN
feykir.is Austur-Húnavatnssýsla 13.05.2025 kl. 14.24Laugardaginn 17. maí verður viðburður á vegum SUNN, Samtök um náttúruvernd á Norðurlandi sem býður til samtals á Norðurlandi vestra, nánar tiltekið á Skagaströnd. Viðburðurinn hefst á gönguferð um friðlandið í Spákonufellshöfða, þar sem Einar Þorleifsson náttúrufræðingur sér um leiðsögn. Skoðum fugla, plöntur og áhugaverða jarðfræði svæðisins.Meira -
Tindastóll Íslandsmeistarar
feykir.is Skagafjörður, Íþróttir 13.05.2025 kl. 14.16Þann 12. apríl síðastliðinn var Íslandsmeistaramót yngri flokka í júdó haldið hjá Ármanni í Reykjavík. 5 keppendur frá Tindastól mættu til leiks en því miður fengu bara fjögur að keppa.Meira -
Nýprent heldur utan um alla viðburði á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 13.05.2025 kl. 14.14SSNV og Nýprent hafa gert með sér samkomulag um að Nýprent haldi utan um nýja viðburðasíðu sem auðveldar íbúum Norðurlands vestra að fylgjast með öllu því fjölbreytta mannlífi og viðburðum sem fram fara á svæðinu. Verkefnið er hluti af áhersluverkefnum SSNV og byggir á Sóknaráætlun landshlutans þar sem eitt af meginmarkmiðum er að auka sýnileika viðburða og efla samfélagslíf.Meira -
Varmahlíðarskóli áfram í úrslit Skólahreysti 2025
feykir.is Skagafjörður, Íþróttir 13.05.2025 kl. 10.35Varmahlíðarskóli tók á dögunum þátt í undankeppni Skólahreysti í riðli 1 á Akureyri. Liðið lenti í 2. sæti riðilsins með jafnmörg stig og sigurvegarar Grunnskóla Húnaþings vestra.Meira
