Ákall til kvenna á Sauðárkróki
Í hartnær 120 ár hafa kvenfélögin í landinu verið gríðarlega mikilvæg samfélagsleg velferðarstoð. Kvenfélögin hafa ætíð starfað sem grasrótarsamtök sem hafa haft það að markmiði að styðja konur í þeim verkefnum sem hvílt hafa á herðum þeirra umfram karla. Sú kenning hefur verið sett fram að íslensku kvenfélögin séu elstu formlegu kvennasamtök í heiminum.
Kvenfélögin hafa ætíð látið að sér kveða við uppbyggingu stofnana sem sinna þjónustu við fólk. Nægir þar að nefna þá alúð sem þau hafa sýnt uppbyggingu og tækjavæðingu heilbrigðisstofnana og kvenfélögin eru oftar en ekki bakhjarlar þegar á bjátar hjá fólki í nærsamfélaginu. Það mikla starf sem kvenfélögin vinna fer ekki alltaf hátt og þau ber yfirleitt ekki mikið á góma í þjóðfélagsumræðunni.
Kvenfélögin eru þó ekki eingöngu líknarsamtök, heldur ekki síður mikilvæg menningarsamtök. Eitt af markmiðum þeirra er að skapa konum skemmtilegan og þroskandi vettvang til að ræða ýmis mál sem konum eru hugleikin. Kvenfélögin eru líka vettvangur kvenna til að gera lífið skemmtilegra og gera sér dagamun með öðrum konum.
Hinn 25. ágúst 1895 var Hið skagfirska kvenfélag stofnað á Sauðárkróki sem síðar var breytt í Kvenfélag Sauðárkróks. Á þessum 116 árum hefur félagið látið að sér kveða á ýmsum sviðum. Það hefur lagt mikið af mörkum í samfélagsþjónustu af ýmsu tagi, bæði við einstaklinga og stofnanir, en einnig staðið fyrir ýmsum menningarviðburðum og skemmtunum sem auðga mannlífið. Nægir þar að nefna landsfræga dægurlagasamkeppni, áramótaskemmtanir, jólatrésskemmtanir og fleira.
Nú stendur Kvenfélagið Sauðárkróks á tímamótum. Konum í félaginu hefur fækkað og meðalaldur félagskvenna hækkar stöðugt. Við stöndum frammi fyrir því að félagið mun leggjast af innan tíðar, takist ekki að vekja áhuga yngri kynslóða á félagsskapnum og endurvekja skilning á mikilvægi kvenfélagsins.
Kvenfélag Sauðárkróks er opið öllum konum sem vilja láta gott af sér leiða í nærsamfélaginu og eiga ánægjustundir í góðum félagsskap. Kvenfélag Sauðárkróks er eins og þær konur sem í því starfa á hverjum tíma vilja hafa það. Engar kvaðir eða skyldur eru lagðar á félagskonur og árgjaldi er stillt í hóf.
Með þessu bréfi hvetjum við konur á Sauðárkróki til að ganga til liðs við okkur og hefja kvenfélagið á ný til þess sess sem það á skilið.
Mánudaginn 21. mars n.k. kl. 20:00 verður almennur félagsfundur haldinn í Húsi frítímans við Sæmundargötu. Þar munu góðri gestir, þær Sigurlaug Viborg, forseti Kvenfélagasambands Íslands og Sigríður Garðarsdóttir, formaður Sambands skagfirskra kvenna, kynna starfsemi kvenfélaganna.
Fundurinn er öllum opinn, en við hvetjum sérstaklega þær konur, sem langar að kynna sér kvenfélögin betur, til að mæta.
Frekari upplýsingar veita þær Helga Sigurbjörnsdóttir í síma 4535381 og Lovísa Símonardóttir í síma 8490550.
Með góðum kveðjum,
Kvenfélagskonur á Sauðárkróki
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
