Sex réttir með sérvöldum vínum á Sauðá
„Ég er mjög spennt fyrir vínunum í ár. Ég smakka vel á annað þúsund vín á ári og þessi 6 sem ég hef valið fyrir viðburðinn eru öll vín sem ég held mikið upp á. Það mætti kalla þetta beint frá býli, ég hef heimsótt öll vínhúsin og þekki alla vínbændurna persónulega.
Vínin eru hver með sinn karakter, enda Katalónía langtum fjölbreyttasta vínframleiðsluhérað Spánar. Ég er mjög spennt fyrir samstarfinu við Sauðá, maturinn hjá Jóni er alltaf upp á 10 og góð pörun gerir allt betra. Bæði verður matur inn betri með réttu víni og vínið verður betra með réttum mat!”
Nýlokið framhaldsnámi í vínfræðum
Ástæðan fyrir gríðarlegum fjölda vína sem Sóley hefur bragðað á í ár er ekki bara vegna starfs hennar sem vínfræðingur, heldur var það hluti af prófaundirbúningi. “Ég er rétt að lenda eftir lokaprófatörnina í vínfræðum í London,” segir Sóley. Prófin sem hún vísar til eru til hæstu gráðu Wine and Spirit Education Trust, sem aðeins einn íslendingur hefur lokið áður.
„Lokaprófið var ansi stíft, þetta voru tveir dagar. Fyrr dagurinn fór í að greina 12 vín héðan og þaðan úr heiminum, finna út úr því hvaðan þau koma, hvaða tegund af þrúgu (vínberjum) var notuð, hvernig vínið var unnið og svo framvegis. Hinn dagurinn var svo skriflegt próf. Þetta var mikið af smáatriðum sem þurfti að leggja á minnið svo ég er vel að vopnum búin til að svara öllum spurningum í smökkuninni. Hvort sem þær kunna að snúast um vínið í glasinu fyrir framan gesti eða um hvaða jarðveg er að finna í afskekktum vínhéruðum á Nýja Sjálandi,” segir Sóley og hlær.
Veislan kostar 19.900 með mat og víni. Til að taka frá sæti þarf að senda póst á soley@barselona.is með nafni og fjölda eða hafa samband við Sauðá!
Fleiri fréttir
-
Marsvín á Borgarsandi
feykir.is Skagafjörður, Lokað efni 04.11.2026 kl. 16.21Fyrsta dag nóvembermánaðar varð vart við hvalreka á Borgarsandi við Sauðárkrók. Í frétt á splunkunýjum vef Náttúrustofu Norðurlands vestra segir að um hafi verið að ræða marsvín eða grindhval (Globicephala melas).Meira -
Magnús sveitarstjóri með fasta viðtalstíma
feykir.is Skagafjörður 04.11.2026 kl. 15.08Magnús Barðdal sveitarstjóri verður með fasta viðtalstíma í Skagafirði annan hvern föstudag, ýmist í Varmahlíð, á Hofsósi og Sauðárkróki frá og með 6. nóvember. Í frétt á vef Skagafjarðar segir að þeir sem áhuga hafi séu hvattir til að nýta sér þennan möguleika og eiga gott spjall við Magnús um þjónustu og málefni sveitarfélagsins og koma á framfæri ábendingum eða ræða einstök mál.Meira -
Tillaga um einn landsmótsmótsstað felld
feykir.is Skagafjörður, Íþróttir, Hestar, Lokað efni 04.11.2026 kl. 11.55Á nýafstöðnu landsþingi hestamanna sem haldið var í Hveragerði 30. – 31. okt. var lögð fram tillaga frá hestamannafélögunum á höfuðborgarsvæðinu um að landssambandið skildi stefna að því að fundinn yrði einn landsmótsstaður til frambúðar. Þó það væri ekki sagt beinum orðum var það augljóst að þessi staður skildi vera Víðidalur í Reykjavík.Meira -
Guðni Bent á skotskónum með Íslandi
feykir.is Skagafjörður, Íþróttir, Lokað efni 04.11.2026 kl. 10.09Landslið Íslands í U15 karla vann flottan 4-1 sigur gegn Grikklandi í síðasta leik liðsins á UEFA Development móti í Austurríki en áður hafði liðið gert jafntefli við Austurríki en tapað fyrir Spánverjum. Líkt og Feykir sagði frá fyrir helgi er Guðni Bent Helgason úr Tindastóli með liðinu og hann gerði sér lítið fyrir og skoraði fjórða mark Íslands í leiknum gegn Grikkjum.Meira
