Allir vinir á veginum
Í síðasta mánuði lauk Gunnhildur Ólafsdóttir 900 km göngu sinni eftir Jakobsveginum á Spáni og segir hún ferðalagið hafa verið einstaka upplifun og mikið ævintýri frá upphafi til enda. Hún gekk í gegnum borgir og bæi, ógrynni af fallegu landslagi og hitti yndislegt fólk frá nær öllum heimsálfum.
„Þú ert stanslaust að rekast á ný andlit en einnig sömu andlitin aftur og þótti mér sérlega skemmtilegt hvernig þessi vegur býður upp á það að þú hittir fólk kannski í upphafi eða við miðbik ferðar, sérð það svo ekki svo dögum skiptir en svo situr það viku síðar við hlið þér á kaffihúsi. Maður verður alltaf jafn undrandi en það vekur einnig upp hjá manni hlýju. Og manni verður það svo ljóst að á veginum eru allir vinir að ganga sama veginn - en samt hver sinn eigin veg með sínar ólíku ástæður. Allir með sameiginlegt markmið, að komast á leiðarenda,“ segir Gunnhildur.
Hún bætir við að andinn á veginum sé gríðarlega góður og að náin tengsl geti myndast auðveldlega á örstuttum tíma. Allir hjálpast að og styðja við hvern annan, sem geti reynst ómetanlegt þegar dagarnir verða krefjandi.
„Ég hitti endalaust mikið af yndislegu fólki. Margar persónur sem höfðu áhrif á mig á einhvern hátt eða höfðu áhugaverða sögu. Ég hitti t.d. 75 ára gamlan mann frá Kanada sem var að ganga veginn í annað sinn, hann hafði gengið á síðasta ári en þá ferjað dótið sitt tvisvar með bíl og tekið taxa einu sinni eða tvisvar, hann var því kominn aftur til að „ganga þetta rétt“,“ en í þetta skiptið segir hún að hann hafi borið allt sitt á bakinu alla leiðina og gengið hvert einasta skref.
Feykir fékk að heyra alla sólarsöguna og má lesa hana í Feyki sem kom út í dag. Þar segir hún frá erfiðum dögum og auðveldum, og hvernig hver dagur bauð upp á upplifanir og reynslu sem Gunnhildur segir að muni fylgja henni allt lífið.
Fleiri fréttir
-
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira -
Murr með sigurmark Fram í uppbótartíma
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 23.05.2025 kl. 20.15Þetta hefur verið erfið vika fyrir stuðningsfólk Tindastóls. Tveir tapleikir í röð gegn Stjörnunni í körfunni og í kvöld máttu Stólastúlkur þola enn eitt tapið. Og ekki eru lokamínúturnar að standa með okkur því það lið Fram gerði eina mark leiksins örfáum sekúndum fyrir leikslok og til að bæta gráu ofan á svart var það sjálf Murr sem setti boltann í markið þegar allt leit út fyrir jafntefli. Lokatölur 1-0.Meira -
Besta rekstrarniðurstaða Skagafjarðar frá sameiningu 1998
feykir.is Skagafjörður, Lokað efni 23.05.2025 kl. 14.55Ársreikningur sveitarfélagsins Skagafjarðar fyrir árið 2024 var samþykktur samhljóða við síðari umræðu í sveitarstjórn miðvikudaginn 14. maí sl. Feykir innti Sigfús Inga Sigfússon sveitarstjóra hverjar væru helstu niðurstöður ársreiknings 2024 og sagði hann rekstrarniðurstöðuna vera þá bestu í sögu sameinaðs sveitarfélags í Skagafirði, frá árinu 1998.Meira -
Afmælistónleikar í Miðgarði 23. maí
feykir.is Skagafjörður, Listir og menning, Lokað efni 23.05.2025 kl. 14.21Í tilefni af 60 ára afmæli tónlistarkennslu á Sauðárkróki verða haldnir tónleikar í Menningarhúsinu Miðgarði, laugardaginn 23. maí og hefjast þeir kl. 16:00, þar sem nemendur koma fram.Meira -
Munum að ganga vel um hoppubelginn
feykir.is Skagafjörður, Mannlíf, Lokað efni 23.05.2025 kl. 14.18Borið hefur á slæmri umgengni við hoppubelginn á tjaldsvæðinu á Sauðárkróki en frá þessu segir á heimasíðu Skagafjarðar.„ Viljum við því biðla til foreldra að brýna fyrir börnum sínum að ganga vel um eignir okkar allra svo ekki þurfi að fara í frekari aðgerðir og loka hoppubelgnum.“Meira
