Alþingismenn fá bréf frá Drangeyjarfélaginu
Drangeyjarfélagið í Skagafirði hefur sent öllum alþingmönnum tölvupóst þar sem mótmælt er þeim ‚fáránlegu‘ hugmyndum Umhverfisráðherra að friða fimm tegundir Svartfugla eins og segir í kynningu. Að mati félagsins er óviðunandi að veiðar séu algerlega bannaðar á þessum tegundum fugla þegar svo litlar upplýsingar eru fyrir hendi. Velkunn setning er að náttúran skuli njóta vafans og kannski erfitt að andmæla því. Hins vegar er það svo að skortur á upplýsingum á ekki að leiða til þess að allt sé friðað.
Það er von Drangeyjafélagsins að bréfið verði til þess að einhverjir aðilar á Alþingi Íslendinga opni þó ekki nema annað augað og sjái hversu fáránleg hugmyndin er að friða fuglategundirnar.
Drangeyjarmönnum þykir miður að ekki hafi verið rætt við þá sem best þekkja fuglabjörgin við Ísland og leitað í þeirra þekkingarbrunn við vinnslu skýrslunnar. Segja þeir að svo virðist sem skýrsluhöfundar hafi einungis treyst þeim takmörkuðu rannsóknum sem fyrir liggja og talið ástæðulaust að afla sér upplýsinga hjá þeim mönnum sem alist hafa upp við björgin, slíkt getur vart talist til faglegra vinnubragða.
Þá er sú hætta yfirvofandi að veiðar og eggjataka verið alveg bannaðar til lengri tíma og þá er stór hætta á því að aldagamlar hefðir við veiðar og eggjatöku glatist, að mati Drangeyjarmanna.
Í bréfinu er bent á að rannsóknir á fjölda bjargfugla sem starfshópurinn styðst við sé kapítuli fyrir sig því að í skýrslunni er ekki vísað til neinna gagna sem aðgengileg eru öðrum en nefndarmönnum en vísað er til talninga eftir ljósmyndum teknum í nokkrum fuglabjörgum. „Einu björgin sem hafa verið vöktuð og talningar endurteknar svo eitthvert mark sé á takandi eru í Krísuvík og Skoruvík. Ekkert liggur fyrir um það hvort fuglinn hafi flutt sig úr björgunum í önnur björg þar sem auðveldara er að koma upp ungum. Engar upplýsingar eru til um það hvort stofnar hafi í raun minnkað svo sem haldið er fram heldur þess einungis getið að á ákveðnum tímum eru færri fuglar í þessum björgum en verið hefur.“
Fleiri fréttir
-
Sexí sjö mörk hjá Stólunum í dag
feykir.is Skagafjörður, Íþróttir, Lokað efni 29.06.2025 kl. 20.23Nú stendur yfir sex vikna sumarhátíð í Hafnarfirði. Það má því kannski spyrja sig að því hvort Hafnfirðingar hafi ekki veirð klárir í alvöru norðansudda og svínerí þegar þeir mættu á Krókinn í dag því það stóð ekki steinn yfir steini í leik þeirra fyrsta hálftímann. Þá gerðu Stólarnir sex mörk og já, þrjú stig í höfn. Lokatölur á Sauðárkróksvelli í dag 7-0.Meira -
Húnvetningar máttu sætta sig við tap í Garðabænum
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 29.06.2025 kl. 17.00Lið Kormáks/Hvatar sótti Garðabæinn heim og spilaðði við lið KFG á Samsungvellinum í dag og var leikið fyrir framan 63 áhorfendur. Garðbæingar voru sæti neðar en Húnvetningar og mátti því reikna með jöfnum leik og spennandi. Það fór svo að heimamenn höfðu betur og liðin skiptu því um sæti í deildinni. Lokatölur 2-1 fyrir KFG.Meira -
Sveinbjörn sprettir úr spori
feykir.is Skagafjörður, Íþróttir, Lokað efni 29.06.2025 kl. 13.00Íslenska landsliðið í frjálsum íþróttum gerði góða ferð til Maribor í Sloveníu þar sem það keppti í 3. deild Evrópubikarssins í frjálsum. Ísland sigraði með yfirburðum sem þýðir að Ísland keppir í 2. deild eftir tvö ár. Sigur Íslands var aldrei í hættu og leiddi stigakeppnina strax frá fyrstu grein, þetta var bara spurning um með hve miklum mun íslenska liðið myndi vinna. Niðurstaðan var 461,5 stig, sem er rúmlega 50 stigum meira en hjá Lúxemborg sem urðu í öðru sæti með 410 stig og Bosnía Hersegóvína endaði í þriðja sæti.Meira -
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira
