Arnar Guðjónsson er nýr þjálfari Tindastóls í körfunni
Körfuknattleiksdeild Tindastóls hefur samið við Arnar Guðjónsson og mun hann taka við sem þjálfari meistaraflokks karla næstkomandi tímabil. Í tilkynningu sem kkd. Tindastóls sendi frá sér í dag kom fram að Arnar mun einnig sjá um Körfuboltaakademíu Tindastóls og Fjölbrautaskóla Norðurlands vestra og aðstoða við skipulag á þjálfun yngri flokka.
„Arnar segist mjög glaður að vera mættur í Skagafjörðinn. „Mig hefur lengi langað að fá tækifæri til að starfa hér og er þakklátur fyrir traustið. Við viljum setja lið á völlinn sem speglar það frábæra samfélag sem er hér, lið sem verður þekkt fyrir dugnað og gleði. Því ef ég þekki Skagfirðinga á eitthverju, þá er það að þeir eru hver öðrum duglegri til vinnu og þeim finnst gaman að hafa gaman. Ég vill að liðið okkar Tindastóll endurspegli það.”
Dagur formaður er spenntur fyrir samstarfinu við Arnar. “Við erum spennt að fá Arnar norður í Skagafjörðinn. Tindastóll hefur mikinn metnað til að vera í allra fremstu röð bæði hvað varðar uppbyggingu meistaraflokkana okkar og alla umgjörð. Við hlökkum til að vinna með Arnari að komandi verkefnum”
Körfuknattleiksdeild Tindastóls býður Arnar velkominn til starfa og velkominn í Síkið!“
Ferill þjálfarans nýja
Allir körfuboltaunnendur kannast við Arnar og þá sérstaklega sem þjálfara en ekki leikmann. Hann spilaði eitt tímabil í efstu deild með liði Skallagríms en hann á að baki öflugan þjálfaraferil. Hann varð þjálfari Sindra á Höfn árið 2005, gerðist svo aðstoðarþjálfari hjá FSu tveimur árum síðar áður en hann fluttist til Danmerkur 2009. Fyrst var hann aðstoðarþjálfari hjá Aabyhoj og síðar aðalþjálfari en var síðan ráðinn aðstoðarþjálfari Svendborg Rabbits 2013 þar sem Craig Pedersen þjálfaði. Þegar Craig hætti tók Arnar við starfi hans og skilaði Svendborg Rabbits í þriðja sæti dönsku deildarinnar vorið 2017.
Vorið 2018 var hann síðan ráðinn þjálfari Stjörnunnar í Garðabæ og stjórnaði því ágæta liði þangað til vorið 2024. Þá hóf hann störf hjá KKÍ en er nú mættur í Mekka íslenska körfuboltans – það er bara þannig. Áhugasamir geta kynnt sér nánar afrekaskrá Arnars á Wikipedia >
Fleiri fréttir
-
Sumarsýning Heimilisiðnaðarsafnsins verður opnuð í dag
feykir.is Austur-Húnavatnssýsla, Listir og menning 07.06.2025 kl. 11.02Sumarsýning/sérsýning Heimilisiðnaðarsafnsins á Blönduósi, HALLA Hún er ég – Prjónatilveran, verður opnuð í dag, laugardaginn 7. júní kl. 15:00. Steinunn Kristín Valtýsdóttir (Dídí) mun syngja við opnunina. Þessi stund mun innihalda listamannaspjall með Höllu og tíma til að skoða sýninguna. Á sýningunni gefur á að líta nýtísku prjónaflíkur í bland við ýmiss konar veggstykki, skúlptúra og nytjahluti.Meira -
Lasagna í sparifötum og pesto | Matgæðingur Feykis
feykir.is Skagafjörður, Í matinn er þetta helst, Lokað efni 07.06.2025 kl. 10.42Svana Berglind Karlsdóttir var matgæðingur Feykis í tbl 3 á þessu ári og er hún fædd og uppalin á Króknum, er dóttir Kristínar Guðjónsdóttur og Karls Holm og systir Fanneyjar Ísfoldar, Sigfríðar Ingu og Guðjóns Sigmars. Svana er gullsmiður og er nýlega flutt til Akureyrar frá Hafnarfirði þar sem hún bjó flest sín fullorðinsár.Meira -
Héraðsvötn og Kjalölduveitu í nýtingarflokk
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 06.06.2025 kl. 19.47Nú liggur fyrir á alþingi og til umræðu í Umhverfis- og samgöngunefnd tillaga til þingsályktunar um breytingu á þingsályktun um áætlun um vernd og orkunýtingu landsvæða, nr. 24/152 frá umhverfis-, orku- og loftslagsráðherra.Meira -
Enn flæðir í Fljótum
feykir.is Skagafjörður, Lokað efni 06.06.2025 kl. 13.55„Þetta fer að vera kunnugleg sjón. Ós Miklavatns annar ekki vatnsflaumnum og yfirborð Miklavatns hækkar,“ segir Halldór Gunnar Hálfdansson, bóndi á Molastöðum í Fljótum, í færslu á síðunni Sveitin okkar – Fljótin. Enn á ný gera flóð bændum lífið leitt en að sögn Stefaníu Hjördísar Leifsdóttir er ástandið ekki eins slæmt og í fyrra.Meira
