Áskorun til Willum Þórs Þórssonar
Flokksþing Framsóknarflokksins fer fram í febrúar 2026 og þá mun draga til tíðinda. Formaður flokksins, Sigurður Ingi Jóhannsson, sem hefur gegnt embætti formanns síðan haustið 2016, hefur fyrir nokkru tilkynnt þá ákvörðun sína að hætta sem formaður og rætt hefur verið um að líklegir kanditatar í formanninn séu Lilja Alfreðsdóttir og Willum Þór Þórsson. Framsóknarfélag Skagafjarðar hefur nú sent frá sér tilkynningu þar sem skorað er á Willum Þór Þórsson að gefa kost á sér í embættið.
Lesa má áskorunina hér að neðan:
„Áskorun til Willums Þórs Þórssonar.
Stjórn Framsóknarfélags Skagafjarðar skorar á Willum Þór Þórsson að gefa kost á sér til embættis formanns Framsóknarflokksins á komandi flokksþingi í febrúar 2026. Stjórn félagins er sammála um að Willum Þór er reynslumikill stjórnmálamaður sem nýtur trausts og virðingar um land allt, hefur sterka sýn og er gæddur ríkri réttlætiskennd. Stjórnin telur hann vel til þess fallinn að leiða Framsóknarmenn til nýrrar sóknar og koma hugsjónum þeirra og áherslum í framkvæmd.“
Fleiri fréttir
-
Grunnskólinn austan Vatna tók þátt í Jól í skókassa
feykir.is Skagafjörður, Mannlíf, Lokað efni 13.11.2025 kl. 14.27Líkt og fleiri skólar á Norðurlandi vestra síðustu vikurnar þá tók Grunnskólinn austan Vatna þátt í fallega verkefninu Jól í skókassa. „Verkefnið er alþjóðlegt og miðar að því að gleðja börn sem lifa við fátækt, sjúkdóma og erfiðleika með því að gefa þeim jólagjafir. Gjafirnar eru settar í skókassa og til að tryggja að öll börnin fái svipaðar gjafir er mælst til að ákveðnir hlutir séu í hverjum kassa,“ segir í frétt á vef GaV.Meira -
Húnabyggð bindur vonir við nýja samgönguáætlun
feykir.is Austur-Húnavatnssýsla, Lokað efni 13.11.2025 kl. 10.33Sveitarstjórn Húnabyggðar gerir sér væntingar um að ný samgönguáætlun muni tryggja að þær vegaframkvæmdir sem þegar hafa verið skilgreindar í sveitarfélaginu verði settar á dagskrá. Húnahornið segir frá því í frétt að fjallað hefur verið um frestun vegaframkvæmda á fundum byggðarráðs síðustu mánuði, m.a. á Skagavegi og svo um minnkun framkvæmda við Vatnsdalsveg.Meira -
Lögreglan heimsótti Árskóla
feykir.is Skagafjörður, Mannlíf, Lokað efni 13.11.2025 kl. 09.32Á Facebook-síðu Lögreglunnar á Norðurlandi vestra segir frá því að löggan hafi heimsótt forvitna og fróðleiksfúsa nemendur í 6. bekk Árskóla í gær þar sem rætt var um störf lögreglunnar. Nemendur fengu að skrifa nafnlausar spurningar á blað meðan á heimsókninni stóð — og spurningarnar voru fjölbreyttar og skemmtilegar!Meira -
Rithöfundakvöldið er einmitt í kvöld
feykir.is Skagafjörður, Listir og menning, Lokað efni 13.11.2025 kl. 08.52Hið árlega rithöfundakvöld Héraðsbókasafns Skagfirðingar er í kvöld, fimmtudagskvöldið 13. nóvember, og hefst klukkan 20. Að vanda fer viðburðurinn fram í húsnæði safnsins á efri hæð Safnahússins við Faxatorg. Fimm höfundar mæta til leiks að þessu sinni og kynna sig og nýútkomnar bækur sínar.Meira
