Átak til að efla byggð á Hofsósi
Á fundi byggðaráðs Skagafjarðar í síðustu viku var lögð fram og samþykkt tillaga þess efnis að hleypt skuli af stað atvinnuþróunarátaki á Hofsósi til að fjölga þar atvinnutækifærum og efla byggð. Í tillögunni er einnig lagt til að sveitarfélagið beiti sér fyrir að sérstökum byggðakvóta verði úthlutað til Hofsóss til að leitast við að tryggja áframhaldandi smábátaútgerð á staðnum.
Flutningsmenn tillögunnar eru þeir Bjarni Jónsson, VG og óháðum, og Sigurjón Þórðarson, K lista. Í samtali við fréttastofu RUV á mánudag segir Bjarni að á síðustu árum hafi kvótinn smám saman verið tekinn af Hofsósi. Einnig hafi afnám á banni við dragnótaveiðum í innanverðum Skagafirði síðastliðið haust skapað alvarlega stöðu en eins og kunnugt er ákvað Þorgerður Katrín Gunnarsdóttir, þáverandi sjávarútvegsráðherra, að opna svæðið á ný fyrir dragnótaveiði. Segir Bjarni að nú séu miðin ónýt fyrir smábátasjómönnum. „Uppistaðan voru litlir bátar, en þeir sem hafa verið að reka þessa þjónustu eru að hætta starfsemi, meðal annars út af kvótaleysi og verkefnaleysi,“ segir Bjarni.
Bjarni bendir einnig á að þrátt fyrir að sótt hafi verið um aðstoð til Byggðasofnunar til að styðja við Hofsós hafi það engum árangri skilað. „Við sóttum um fyrir Hofsós en höfum aldrei fengið neitt. Í fyrsta sinn sem við sóttum um, fyrir fjórum eða fimm árum, taldi Byggðastofnun að hlutirnir væru bara í góðum málum,“ segir Bjarni. Staðan hafi hins vegar versnað, fólki fækkað og íbúar að eldast. Í fyrra bjuggu 146 manns á Hofsósi samkvæmt tölum Hagstofunnar og fækkað um 40 frá árinu 2011. „Mér finnst ótrúlegt hvað Hofsós hefur gleymst, það hefur ekki verið talað nógu sterkt fyrir Hofsósi á meðan það hefur verið talað duglega fyrir þessum stöðum sem hafa fengið aðstoð,“ segir Bjarni í samtali við fréttastofu RUV.
Þá telur Bjarni að yfirvöld í Skagafirði hafi mátt vera betur vakandi yfir velferð þorpsins. Nefnir hann sem dæmi að enn hafi ekki verið lokið við að deiliskipuleggja Hofsós og því hægt að úthluta lóðum þar. Bjarni segir að þetta þurfi að laga og bendir einnig á þann möguleika að veita þeim fyrirtækjum ívilnanir sem vildu hefja starfsemi á Hofsósi.
Tillöguna í heild sinni og greinagerð með henni má lesa hér.
Fleiri fréttir
-
Logi vill efla styrki til fjölmiðla á landsbyggðinni
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 30.04.2025 kl. 15.50Í Spursmálum Mbl.is er haft eftir Loga Einarssyni menntamálaráðherra að hann hyggist auka við styrki minni fjölmiðla úti á landi, á kostnað tveggja stærstu einkareknu miðlanna, til þess að styrkja sjálfsmynd fólks á landsbyggðinni.Meira -
Skólahreysti hefst í dag
feykir.is Skagafjörður, Vestur-Húnavatnssýsla 30.04.2025 kl. 15.00Fyrstu tveir riðlar í Skólahreysti 2025 verða í dag miðvikudaginn 30. apríl á Akureyri og fara þeir fram í Íþróttahöllinni kl. 17.00 og kl. 20.00 í beinni útsendingu á RÚV. Í fyrri riðli kvöldsins keppa Árskóli, Varmahlíðarskóli og Gr. Húnaþings vestra ásamt fimm öðrum skólum.Meira -
Konan fagnar líka þessum tímamótum í lífi okkar
feykir.is Skagafjörður, Mannlíf, Lokað efni 30.04.2025 kl. 14.53Eftir aldafjórðung á sjó og ríflega annað eins tímabil í sölu- og markaðsmálum og útgerðarstjórn lætur Gylfi Guðjónsson, útgerðarstjóri hjá FISK Seafood, af störfum um mánaðarmótin. Gylfi segir að honum líði vel með þessa ákvörðun og að þetta sé komið gott. „Það er orðið tímabært að rýma til fyrir yngra fólki með nýja þekkingu og hugmyndir. Ég stíg bæði sáttur og saddur frá þessu borði og veit að konan mín fagnar líka þessum tímamótum í lífi okkar. Það er auðvitað í leiðinni margs að sakna og þar hef ég ekki síst í huga það frábæra fólk sem ég hef fengið að vinna með í gegnum þennan langa feril.“Meira -
Óskað er eftir tilnefningum til Nýsköpunarverðlauna 2025
feykir.is Skagafjörður, Austur-Húnavatnssýsla, Vestur-Húnavatnssýsla 30.04.2025 kl. 14.02Á vef SSNV kemur fram að Sambandið hefur opnað fyrir tilnefningar til Nýsköpunarverðlauna hins opinbera 2025. Markmiðið með verðlaununum er að veita viðurkenningu fyrir framúrskarandi árangur í opinberri nýsköpun síðastliðna 12 mánuði, s.s. umbótastarf, innleiðing nýjunga eða breyttar aðferðir í opinberum rekstri sem skapar eða eykur virði í starfsemi hins opinbera.Meira -
Slökkviliðsstjórar landsins sameinuðust á Akureyri
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 30.04.2025 kl. 12.30Aðalfundur Félags slökkviliðsstjóra á Íslandi (FSÍ) var haldinn á Akureyri helgina 11. – 12. apríl síðastliðinn. Félagið vinnur að sameiginlegum hagsmunamálum slökkviliða um land allt og er fundurinn mikilvægur vettvangur þar sem slökkviliðsstjórar landsins koma saman til að ræða málefni brunavarna, áskoranir í starfi slökkviliða og miðla reynslu sinni á því sviði. Undirritaður var samstarfssamningur um áframhaldandi þróun og rekstur Brunavarðar. Nýr samstarfshópur stofnaður um uppbyggingu æfingasvæða fyrir slökkvilið landsins og HMS kynnti tvær nýjar leiðbeiningar um heimildir slökkviliða til eftirlits og aðgangs að húsnæði og hins vegar beitingu stjórnvaldssektaMeira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.