Átta ár frá því að Dreifarinn komst í fréttirnar
Margt hefur verið brallað á Feyki.is frá því að vefurinn dúkkaði upp haustið 2008. Til að mynda var strax ákveðið að vera með pínu djók þar sem spilað væri með lesendur vefsins og kallaðist sá þáttur Dreifarinn – að öllum líkindum með vísan í Dreifbýlisliðið. Búnar voru til platfréttir, oft í stuttu viðtalsformi, sem forseti Bandaríkjanna, Donald Trump, hefur gefið nafnið Fake News. Dreifurum var fyrst laumað inn á milli frétta á Feykir.is og átti fólk stundum erfitt með að átta sig á að hér væri um grín að ræða, enda er góð lygasaga stundum of góð til að trúa henni ekki.
Þannig komst Dreifarinn í fréttirnar á landsvísu fyrir átta árum síðan eða á kjördag 31. maí 2010. Ríkisútvarpið var með það sem eina aðalfrétt í hádeginu þann dag að Geir Gunnarsson á Sauðárkróki hefði lent í því fyrr um morguninn að setja tossalista frá eiginkonunni í kjörkassann í stað atkvæðaseðilsins sem hann fékk þegar hann nýtti kosningarétt sinn. Hann hefði ekki uppgötvað mistökin fyrr en hann stóð með kjörseðilinn í höndunum inni í Hlíðarkaupi. Fréttin, sem sögð var tekin upp úr Feyki.is, vakti strax mikla athygli og víðast hvar gat fólk hlegið að óheppilegum mistökum Geirs.
Fjölmiðlar fóru vitanlega að kanna málið og það kom fljótlega upp úr dúrnum að þrátt fyrir að í fréttinni/Dreifararnum væri sagt að Geir hefði farið aftur á kjörstað, til að biðja starfsmenn kjörnefndar að opna kassann með atkvæðunum svo hann gæti fundið innkaupaseðilinn, þá kannaðist enginn á staðnum við þetta sérkennilega mál. Þegar í ljós kom að fréttinn var uppspuni, enda bjó enginn Geir Gunnarsson á Króknum, þá þótti nú ekki öllum grínið fyndið lengur og krafðist m.a. starfsmaður kjörnefndar að fréttin yrði fjarlægð af Feyki. Flestir höfðu þó gaman að þessu saklausa gríni.
Fljótlega eftir þetta þótti þó rétt að sérmerkja grínið þegar þessum Fake News var laumað inn á Feyki svo fleiri fréttastofur hlypu ekki á sig. Þess má geta að það voru stríðnispúkarnir Guðný Jóhannesdóttir ritstjóri og Kalli Jóns, hennar ektamaður, sem sömdu Dreifarana fyrstu árin en aðrir starfsmenn útgefanda Feykis tóku við keflinu þegar þau brugðu búi.
Hægt er að skoða alla Dreifara Feykis frá upphafi með því að smella hér eða á Dreifarar á forsíðu Feykis. Ósagt skal látið hvort Dreifarar teljist gott afþreyingarefni en stundum hafa spunnist ágætar umræður um innihald þeirra og eru þessi skilaboð lesanda í uppáhaldi hjá núverandi höfundum: „Guð minn góður, afhverju las ég þetta?“
Fleiri fréttir
-
Ótrúlegt en satt sýnd í Króksbíó 1. maí
feykir.is Skagafjörður, Listir og menning 29.04.2025 kl. 16.11Stuttmyndin Ótrúlegt en satt eftir Ásthildi ÓmarsdótturÁsthildur Ómarsdóttir, sem er kvikmyndagerðarkona frá Sauðárkróki, sýnir stuttmyndina sína, Ótrúlegt en satt, fimmtudaginn 1. maí kl. 16.00 í Króksbíó á Sauðárkrókii. Myndin vekur upp mikilvægar spurningar um virðingu og mannúð á dvalarheimilum. Myndin var valin besta stuttmyndin á leiklistarbraut Kvikmyndaskóla Íslands við útskrift skólans í lok síðasta árs og leikur Ásthildur aðalhlutverkið. Í öðrum helstu hlutverkum eru Vigdís Hafliðadóttir, Sólveig Pálsdóttir og Magnús Orri Sigþórsson.Meira -
Húnvetningum spáð falli en eru hvergi bangnir
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 29.04.2025 kl. 15.36„Við erum langminnsta félagið í deildinni. Við erum með svo margar áskoranir sem við verðum að sigrast á. Hópurinn á svo stuttan tíma saman á undirbúningstímabilinu í samanburði við hin liðin. Svona er þetta bara og við tökum áskoruninni af alefli," segir Dominic Furness í spjalli við Fótbolta.net en miðillinn spáir liði Kormáks Hvatar neðsta sætinu í 2. deild á komandi keppnistímabiii sem hefst nú í vikulokin en lið Húnvetninga spilar við KFA í Fjarðabyggðarhöllinni á laugardaginn.Meira -
Vel heppnað Kirkjukvöld í Sauðárkrókskirkju
feykir.is Skagafjörður, Mannlíf 29.04.2025 kl. 12.29Það var hugljúf og falleg stund í Sauðárkrókskirkju mánudagskvöldið 28. apríl þegar hið árlega Kirkjukvöld var haldið. Gestir kvöldsins voru rúmlega 100 manns og var dagskráin glæsileg að vanda. Sr. Karl Matthíasson tók fyrstur til máls og kynnti lögin eitt af öðru, eins og honum einum er lagið, en það var Kirkjukór Sauðárkrókskirkju sem hóf sönginn. Stjórnandi kórsins var að þessu sinni Helga Rós Indriðadóttir og spilaði Rögnvaldur Valbergsson organisti á hljómborð og Sigurður Björnsson var á trommum. Einsöngvarar kvöldsins voru þær Lára Sigurðardóttir og Guðrún Jónsdóttir.Meira -
SSNV krefur stjórnvöld um að hraða uppbygginu vega í landshlutanum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.04.2025 kl. 12.02Á ársþingi Samtaka sveitarfélaga á Norðurlandi vestra, sem haldið var á Sauðárkróki 9. apríl voru ýmsar ályktanir samþykktar. Þar á meðal ein er varðar vegasamgöngur í landshlutanum en í henni er þess krafist að stjórnvöld hraði uppbyggingu vega á Norðurlandi vestra og tryggi að stofn- og tengivegir í landshlutanum verði færðir upp í forgang í samgönguáætlun ríkisins, með skýrri framkvæmdaáætlun og tryggu fjármagni.Meira -
Herramenn snúa aftur til fortíðar
feykir.is Skagafjörður, Listir og menning, Lokað efni 29.04.2025 kl. 11.22Það hefur væntanlega ekki farið fram hjá mörgum að hin ástsæla hljómsveit, Herramenn, hyggur á tónleikahald nú um miðjan maí, nánar tiltekið föstudags- og laugardagskvöldin 16. og 17. maí nk. í Ljósheimum. Miðar eru þegar farnir í sölu á Tix.is og strákarnir farnir að spila sig saman og rifja upp ekkert svo gamla takta. Þessu má auðvitað enginn missa af og því vissara að tryggja sér miða í tíma.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.