Axel Kára - Eftir þennan fyrsta leik getur maður ekki verið annað en bjartsýnn
Skagfirðingurinn Axel Kárason er einn af þeim fjórtán sem freista þess að koma Íslenska landsliðinu í körfubolta inn á EuroBasket 2017 en liðið gerði vel sl. miðvikudag er það lagði lið Sviss að velli 88-72 . Þetta var fyrsti leikur Íslands í undankeppninni en ljóst er að erfiir leikir eru framundan.
Íslenska liðið byrjaði af krafti og hafði leikinn í höndum sér fram að hálfleik með stöðuna 47-29. Gestirnir spýttu í lófana í upphafi seinni hálfleiks og tókst að minnka muninn minnst í átta stig í þriðja leikhluta en Íslendingar náðu að halda haus svo um munaði og sigruðu eins og áður sagði með 16 stiga mun. Næsti leikur okkar manna er gegn Kýpur á útivelli næsta sunnudag og og verður gaman að fylgjast með þeirri viðureign.
„Við renndum svolítið blint í sjóinn með leikinn, auðvitað skoðum við liðið á myndböndum fyrir leik, en þetta var í fyrsta skipti í mjög langan tíma sem við mætum Sviss, þannig að það var alltaf smá óvissa. En eftir að leikurinn var kominn í gang sást að við ættum að geta náð mjög hagstæðum úrslitum,“ sagði Axel aðspurður um hvort liðið hafi átt von á að leiða leikinn út í gegn með þetta miklum mun. 
Hann segir að liðið vilji halda uppi hraðanum, án þess þó að spila villt. Sækja að körfunni og fá svo boltann þaðan í opin skot.
„Eftir þennan fyrsta leik getur maður ekki verið annað en bjartsýnn. En í svona keppni er tvennt ólíkt að spila á heima- eða útivelli og því getum við ekki annað en nálgast þessa þrjá leiki sem við eigum núna á útivelli með virðingu. Belgarnir sýndu í hinum leiknum í riðlinum að þeir eru líkamlega sterkir og gott varnarlið, héldu Kýpverjum í 46 stigum,“ segir Axel.
Axel fer mjög varlega þegar hann er spurður hvort Ísland sé að fara aftur á EuroBasket.
„Þó að fyrsta skrefið hafi verið stigið, þá er nú of snemmt að koma með einhverjar yfirlýsingar. Menn eru ekkert komnir út á Krók þó þeir hafi haft það niður afleggjarann. Úrslit í öðrum riðlum skipta líka miklu máli þar sem það fara ekki öll lið sem enda í öðru sæti í sínum riðli á lokamótið. Þannig að það er mikilvægt að ná í sem flesta sigra, en einnig mun hvert stig skipta máli því heildarstigamunur, plús eða mínus, kemur örugglega til með að skera úr um í einhverjum tilfellum hverjir fara á EuroBasket 2017.“
Fleiri fréttir
-
Lagfæra á Hólaveg í Hjaltadal fyrir Landsmót
feykir.is Skagafjörður, Lokað efni 20.06.2025 kl. 14.12Í aðsendri grein Eyjólfs Ármannssonar innviðaráðherra og oddvita Flokks fólksins í Norðvesturkjördæmi, sem birtist á Feyki.is í morgun, segir ráðherra að komið sé að skuldadögum og hyggst gera skurk í vegaframkvæmdum víða um land. „Ríkisstjórnin hefur samþykkt að veita þriggja milljarða króna viðbótarframlag til viðhalds á vegakerfinu á þessu ári,“ Þar á meðal segir ráðherra að ráðist verði í endurbætur á Hólavegi í Hjaltadal.Meira -
Basile áfram með Stólunum næsta vetur
feykir.is Skagafjörður, Íþróttir 20.06.2025 kl. 13.19Í rilkynningu á Facebook-síðu körfuknattleiksdeildar Tindastólst segir að Dedrick Basile hafi samið við Tindastól um að leika með liðinu næstkomandi tímabil. Basile var einn af burðarásum liðsins í fyrra og er endurkoma hans mikið ánægjuefni. „Ég er kominn aftur! Við eigum óklárað verkefni fyrir höndum. Let´s gooo!Meira -
Komið að skuldadögum | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.06.2025 kl. 11.17Ný ríkisstjórn tók við stjórnartaumunum með skýrt leiðarstef; að rjúfa kyrrstöðu og hefja sókn við uppbyggingu innviða. Við stöndum frammi fyrir mikilli áskorun, enda blasir við vegakerfi sem hefur setið á hakanum um árabil.Meira -
Skáksambandið gaf Húnabyggð útitafl
feykir.is Austur-Húnavatnssýsla, Mannlíf, Lokað efni 20.06.2025 kl. 07.44Nú stendur yfir Íslandsmótið í skák í vöggu skákíþróttarinnar á Íslandi, Blönduósi. 100 ára afmælismót Skáksambands Íslands fer fram dagana 13.-22. júní. Nú á 17. júní þá afhenti sambandið Húnabyggð útitafl að gjöf í tilefni afmælisins og er það staðsett á lóð Húnaskóla.Meira -
Hannibal, Grímar og Strengur þjóna hryssum um land allt
feykir.is Skagafjörður, Hestar, Lokað efni 19.06.2025 kl. 15.17Sæðingar hafa verið stundaðar í hrossarækt á Íslandi um árabil. Hafa þá hestarnir verið staðsettir á ákveðnum stöðum og hryssueigendur mætt með gripi sína þangað. Á Fb. Síðunni: Þúfur icelandic horsecenter Gísli & Mette, má lesa eftirfarandi:Meira
