Berg stóðst allar væntingar Víkings Heiðars
„Ég hef hlakkað mikið til að spila hér í Bergi og húsið og tónleikarnir í heild stóðust allar mínar væntingar" sagði Víkingur Heiðar Ólafsson píanóleikari eftir hreint magnaða tónleika í Bergi á Dalvík sl. laugardag. „Salurinn hefur fallegan hljóm sem auðveldar manni að ná fram mismunandi blæbrigðum. Flygilinn hefur líka fallegan og hlýjan óm og þá sakar ekki að hafa þessa mögnuðu fjallasýn út um gluggann“.
Víkingur segir að venjulega kjósi hann að loka á umhverfið svo það trufli ekki einbeitinguna en þegar hann sá útsýnið veltist ekkert fyrir honum að hafa dregið frá gluggum og fyrir vikið urðu þetta sérlega eftirminnilegir tónleikar fyrir hann. Víkingur segist hafa fylgst með því úr fjarlægð þegar Dalvíkingar komu sér upp menningarhúsi og segir það sérlega spennandi að fá að taka þátt í menningarlegri uppbyggingu þess eins og með tónleikaröðinni „Klassík í Bergi“. „Það er mér sérstakur heiður að fá að ríða á vaðið í þessari metnaðarfullu tónleikaröð. Ég hef áhuga á að gera meira af því hér eftir en hingað til að spila út um land á Íslandi og vil gjarnan gera það að árlegum viðburði. Þá er frábært að hafa sali og aðstöðu á borð við þessa. Það er raunar ekki víða á landinu“
Næstu tónleikar í kammertónleikaröðinni Klassík í Bergi 2011-2012 verða 21. janúar 2012 en þá spila þær Sigrún Eðvaldsdóttir fiðluleikari og Anna Guðný Guðmundsdóttir píanóleikari. Þann 17. mars 2012 koma svo fram Kristinn Sigmundsson óperusöngvari og Jónas Ingimundarson píanóleikari.
Fleiri fréttir
-
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira -
Sundlaugargestir á Króknum ættu að kætast í byrjun júlí
feykir.is Skagafjörður, Lokað efni 27.06.2025 kl. 08.48Sumarið er tíminn sungu Bubbi og Rúnni Júl um árið. Margir taka sjálfsagt undir það og það má til sanns vegar færa að sumarið er tíminn fyrir framkvæmdir. Feykir forvitnaðist um það hjá Sigfúsi Ingi Sigfússyni, sveitarstjóra Skagafjarðar, hverjar væru helstu framkvæmdirnar sem sveitarfélagið stæði þessa dagana. Einnig var spurt út í opnun á nýjum hluta sundlaugar á Króknum og arftaka Lummudaga.Meira -
Vilt þú taka þátt í að skapa stemningu?
feykir.is Skagafjörður, Mannlíf, Lokað efni 27.06.2025 kl. 08.43Í sumar er von á fjölmörgum skemmtiferðaskipum til Sauðárkróks og á Hofsós. Í tilkynningu á vef Skagafjarðar er sagt frá því að sveitarfélagið ætli í tilefni af því að hrinda af stað tilraunaverkefni sem hefur það markmið að skapa lifandi og eftirminnilega stemningu fyrir farþega skipanna þegar þeir stíga í land.Meira -
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira
