Bestu búsetuskilyrðin í Skagafirði - Kynning á niðurstöðum íbúakönnunar
Nýlega heimsótti Vífill Karlsson, hagfræðingur, sveitarstjórnarmenn á Norðurlandi vestra og kynnti fyrir þeim niðurstöður íbúakönnunar sem Samtök sveitarfélaga á Vesturlandi stóðu að með Vífil í fararbroddi. Þrjár kynningar voru haldnar, ein á Hvammstanga þar sem fjallað var um niðurstöður könnunarinnar í Vestur-Húnavatnssýslu, á Blönduósi fyrir Austur-Húnavatnssýslu og sú þriðja á Sauðárkróki þar sem niðurstöður fyrir Skagafjörð voru kynntar. Sagt er frá þessu á vef Samtaka sveitarfélaga á Norðurlandi vestra.
Samtök sveitarfélaga á Vesturlandi (SSV) hafa, allt frá árinu 2004, gert íbúakönnun á þriggja ára fresti í þeim tilgangi að kanna viðhorf íbúa landshlutans til ýmissa mikilvægra mála og til að fylgjast með hvort sú afstaða taki breytingum frá einu ári til annars. Etir allnokkuð þróunarferli var sú ákvörðun tekin að bjóða öðrum landshlutum að vera með og í síðustu könnun bættust íbúar Suðurlands, Reykjaness, Vestfjarða og Norðurlands vestra í hópinn.
Könnun þessi var unnin árið 2016 og í apríl á þessu ári kom út ítarleg skýrsla með niðurstöðum hennar. Tekur hún til 19 landssvæða á landsbyggðinni, frá Hornafirði í austri og Skagafirði í norðri. Í henni er hugur fólks til margra mikilvægra þátta kannaður, s.s. vinnumarkaðar, búsetuskilyrða og hamingju.
Af svæðunum 19 fær Skagafjarðarsýsla hagstæðustu niðurstöðuna, með einkunnina 9,4, þegar horft var búsetuskilyrðanna 40 sem spurt var um og vegin var umsögn um þau bæði hvað stöðuna varðar og mikilvægi þeirra fyrir áframhaldandi búsetu íbúanna. Vestur-Húnavatnssýsla lendir í áttunda sæti með einkunnina 9,8 og Austur-Húnavatnssýsla er í 16. sæti með einkunnina 6,4.
Til stendur að vinna samskonar könnun á árinu 2019 og mun SSNV einnig taka þátt í henni. Líkt og 2016 er sú þátttaka hluti af áhersluverkefni sóknaráætlunar.
Meðfylgjandi eru glærur þær sem kynntar voru á hverjum stað og sýna þá þætti sem skáru sig úr á hverju svæði fyrir sig.Glærur fyrir Vestur-Húnavatnssýslu má sjá hér, Fyrir Austur-Húnavatnssýsllu hér og fyrir Skagafjörð hér. Hér er að finna myndband þar sem Vífill fer yfir hvernig lesa á úr niðurstöðum könnunarinnar.
Skýrsluna í heild sinni má nálgast hér.
Fleiri fréttir
-
Sæluvikan sett í Safnahúsi Skagfirðinga í dag
feykir.is Skagafjörður, Listir og menning, Mannlíf, Lokað efni 27.04.2025 kl. 02.21Sæluvika, lista- og menningarhátíð í Skagafirði, verður dagana 27. apríl - 3. maí. Setningin verður í Safnahúsinu í dag, sunnudaginn 27. apríl, og hefst kl. 13:00. Þar verða m.a. veitt Samfélagsverðlaun Skagafjarðar og úrslit í Vísnakeppninni verða kunngerð.Meira -
Tindastóll og Stjarnan mætast í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 27.04.2025 kl. 00.37Besta deild kvenna er kominn á fullt og Stólastúlkur þegar búnar að leika tvo leiki; unnu þann fyrsta en voru síðan skrambi óheppanar að tapa fyrir sameinuðum Akureyringum í Þór/KA. Fjörið heldur áfram í dag en þá kemur lið Stjörnunnar í heimsókn á Krókinn og hefst leikurinn kl. 17:00.Meira -
Áltanes jafnaði metin
feykir.is Skagafjörður, Íþróttir, Lokað efni 26.04.2025 kl. 23.50Körfuboltinn á hug ansi margra þessa dagana og nú á föstudagskvöldið spiluðu lið Tindastóls og Álftaness annan leik sinn í undanúrslitaeinvígi Bónua deildar karla. Tindastóll vann fyrsta leikinn örugglega en það varð naglbítur þegar liðin mættust öðru sinni og þá í Kaldalónshöll þeirra Álftnesinga sem höfðu á endanum betur, 94-92, og jöfnuðu því einvígið.Meira -
Íslensk kjötsúpa í boði
feykir.is Austur-Húnavatnssýsla, Lokað efni 26.04.2025 kl. 09.00Guðjón Þór Hjálmarsson býr á Blönduósi, nánar tiltekið á Hlíðarbrautinni, verður fermdur þann 26. apríl í Blönduóskirkju af sr. Eddu Hlíf Hlífarsdóttur. Foreldrar Guðjóns eru þau Hjálmar Björn Guðmundsson og Ingibjörg Signý Aadnegard.Meira -
„Einstakt tækifæri til að efla háskólastarf á landsbyggðinni“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.04.2025 kl. 16.12Rektorar Háskóla Íslands (HÍ), Háskólans á Hólum (HH) og háskólaráðherra undirrituðu í dag samkomulag um stofnun háskólasamstæðu með þátttöku þessara tveggja háskóla. Í frétt á heimasíðu Háskólans á Hólum segir að samstæðan taki formlega til starfa þann 1. janúar á næsta ári en henni er ætlað að bæta samkeppnishæfni háskólanna tveggja ásamt því að auka gæði náms, rannsókna, stoðþjónustu og auka tengsl við atvinnulíf og samfélög um land allt. Háskólasamstæðan mun starfa undir nafni Háskóla Íslands.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.