Betur fór en á horfðist þegar eldur kom upp í torfvegg
Það fór betur en á horfðist föstudaginn 16. júlí sl. þegar eldur kom upp í torfvegg umhverfis safnasvæðið í Glaumbæ. Að öllum líkindum hafði verið slökkt í sígarettu í veggnum og urðu starfsmenn safnsins varir við eldsupptökin og náðu að komast fyrir frekari skemmdir með því að stinga úr veggnum þann part sem glóð var í.
„Klukkan var fimm mínútur yfir sex, ég og samstarfsfélagi minn vorum að ganga frá uppgjöri í miðasölunni þegar upp að okkur kemur útlendingur sem að segir að það sé kominn upp eldur og bendir á reyk sem er að koma úr veggnum“, sagði Friðrik Snær Björnsson, safnvörður í Glaumbæ, í samtali við Feyki.
Friðrik fór þá og lét Berglindi Þorsteinsdóttur, safnstjóra, vita af eldinum.
„Ég sagði henni frá þessu á þann máta að það skildi ekki líða yfir hana, labba inn til hennar og segi; „Hæ Berglind, það er smá eldur“, sem var kannski ekki það besta til að segja, en við fórum þá, sóttum hnífa og athuguðum hvort við næðum að skera brotið sem logaði úr veggnum.“
Það virtist ekki ganga hjá þeim þannig að náð var í skóflu og stykkið sem logaði var stungið út úr veggnum.
„Við reyndum að gera sem minnst en enduðum á því að vera frekar örugg á því að fjarlægja þann part úr veggnum sem logaði og skófluðum því góðan part úr veggnum. Við vorum svona hálftíma, 45 mínútur að stinga úr veggnum til að tryggja að það væri enginn hiti eftir í veggnum.“
Það eru ábyggilega einhverjir sem furða sig á því af hverju ekki var reynt að slökkva eldinn með slökkvitæki án þess að stinga part úr honum, en það virðist ekki vera möguleiki þegar um torfvegg er að ræða. Blaðamaður Feykis mælti sér mót við Helga Sigurðsson, torfhleðslumeistara, og forvitnaðist um það af hverju ekki sé hægt að slökkva eld í torfi.
„Þegar það kviknar í svona torfi, þá er þetta meira svona glóð frekar en eldur, þú sérð ekki beint eldinn. Það er kannski hægt að líkja þessu við sígarettu, torfið er svona laust í sér. Glóðin fer bara inn og svo sérðu bara kannski smá reyk, það er aldrei mikill reykur.“
Helgi segir að vatn komist í rauninni aldrei að glóðinni inn í veggnum, þess vegna er eiginlega ekkert hægt að slökkva þetta með vatni, það þarf bara hreinlega að moka þessu öllu í burtu og gera það varlega svo það fjúki ekki glóð út um allt.
„Þetta er svona aðal ástæðan fyrir því að það sé ekki hægt að slökkva þetta með vatni, það fer bara hreinlega ekki inn í vegginn. Það getur verið glóð inn í veggnum þótt það sé smá skel utan á honum sem er ekki brunninn. Þá getur glóðin bara farið inn og búið til hálfgerð göng.“
„Svona veggir brenna eiginlega aldrei með neinum hraða, það getur auðvitað farið þannig að ef það kemur mikill vindur, þá auðvitað fær þetta miklu meira súrefni og brennur hraðar og maður fer kannski að sjá eld en hættan við svona er auðvitað fyrst og fremst sú að þetta fjúki af stað og fari í önnur hús.“
Helgi Sigurðsson byggði þennan vegg á sínum tíma og blaðamaður Feykis spurði hann hvort það væri ekki líklegt að hann muni koma til með að gera við þennan vegg.
„Sjálfsagt verður það nú frekar líklegt svona, þó þau geti nú gert þetta sjálf,“ sagði Helgi sposkur að lokum.
/SMH
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.