Blöndulína 3 í gegnum sæstreng
Nú glittir í að ný tækni geri það kleift að koma Blöndulínu 3 í jörð en mikill styr hefur staðið um lagningu stóriðjulínu þvert yfir Skagafjörð. Tæknin er sambærileg þeirri sem býr að baki sæstreng og gæti legið eftir Héraðsvötnum. Sveinn Margeirsson frá Mælifellsá í fyrrum Lýtingsstaðarhreppi hefur verið einn af forystumönnum þeirra sem vilja strenginn í jörð. Hefur Landsnet ætíð borið því við að vegna tæknilegra örðuleika væri einungis hægt að leggja strenginn þrjá km leið í Skagafirði og hefur honum verið ætlaður að liggja neðan Vindheimamela.
Nú hefur von kviknað í brjósti Skagfirðinga, sem óttast sjónræna mengun stórra rafmagnsmastra í héraðinu, þar sem Sveinn hefur fundið tækni sem ætti að geta leyst vandamálið.
„Ég hef búið erlendis núna síðustu vikurnar og gruflað mikið í þessum málum. Svo datt ég niður á lausn sem ætti að henta fyrir þetta verkefni. Það er sambærilegt sæstrengslagningu milli landa en í stað þess að leggja í hafið verður strengurinn lagður eftir Héraðsvötnunum endilöngum. Þriggja kílómetra jarðlagningin gæti þá verið frá Varmahlíð austur að Vötnunum og svo tekur þessi nýi strengur við og flytur rafmagnið að mynni Norðurárdals. Svo þarf bara að skoða hvað gert er í framhaldinu. Mér skilst að hægt sé að leggja strenginn í stokk upp að Öxnadalsheiði en með þeim annmörkum að Norðuráin rynni eftir stokknum sem yrði í raun lokaður. Það er þá í verkahring Akrahrepps að ákveða það,“ segir Sveinn.
Hann segir tæknina nýja en þó séu Kínverjar komnir með örlitla reynslu á hana. „Mér skilst að kapallinn hafi verið lagður frá stórri virkjun í Liaoning héraði í norð-austur Kína um 50 km langa leið og gengur vel,“ segir Sveinn sem nú er staddur í Skagafirði til að kynna sveitarstjórnarfólki þessa tækni.
Sveinn ætlar einnig að kynna þetta verkefni fyrir áhugasama í Húsi frítímans á Sauðárkróki klukkan 15 í dag og í Menningarhúsinu Miðgarði klukkan 19. „Ég vonast til að sjá sem flesta því hér er um gríðarlega mikið hagsmunamál að ræða fyrir okkar fallega hérað,“ segir Sveinn.
ÞESSI FRÉTT ER APRÍLGABB!
Fleiri fréttir
-
Það er ekki nokkur maður að gleyma leiknum í kvöld
feykir.is Skagafjörður, Íþróttir, Mannlíf, Lokað efni 29.04.2025 kl. 16.37Við minnum enn og aftur á leikinn í kvöld! Já einmitt, það er þriðji leikur Tindastóls og Álftaness í undanúrslitum Bónus deildar karla í kvöld og hefst kl. 19:15.Meira -
Ótrúlegt en satt sýnd í Króksbíó 1. maí
feykir.is Skagafjörður, Listir og menning 29.04.2025 kl. 16.11Stuttmyndin Ótrúlegt en satt eftir Ásthildi Ómarsdóttur, sem er kvikmyndagerðarkona frá Sauðárkróki, verður sýnd fimmtudaginn 1. maí kl. 16:00 í Króksbíó á Sauðárkrókii. Myndin vekur upp mikilvægar spurningar um virðingu og mannúð á dvalarheimilum. Myndin var valin besta stuttmyndin á leiklistarbraut Kvikmyndaskóla Íslands við útskrift skólans í lok síðasta árs og leikur Ásthildur aðalhlutverkið. Í öðrum helstu hlutverkum eru Vigdís Hafliðadóttir, Sólveig Pálsdóttir og Magnús Orri Sigþórsson.Meira -
Húnvetningum spáð falli en eru hvergi bangnir
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 29.04.2025 kl. 15.36„Við erum langminnsta félagið í deildinni. Við erum með svo margar áskoranir sem við verðum að sigrast á. Hópurinn á svo stuttan tíma saman á undirbúningstímabilinu í samanburði við hin liðin. Svona er þetta bara og við tökum áskoruninni af alefli," segir Dominic Furness í spjalli við Fótbolta.net en miðillinn spáir liði Kormáks Hvatar neðsta sætinu í 2. deild á komandi keppnistímabiii sem hefst nú í vikulokin en lið Húnvetninga spilar við KFA í Fjarðabyggðarhöllinni á laugardaginn.Meira -
Vel heppnað Kirkjukvöld í Sauðárkrókskirkju
feykir.is Skagafjörður, Mannlíf 29.04.2025 kl. 12.29Það var hugljúf og falleg stund í Sauðárkrókskirkju mánudagskvöldið 28. apríl þegar hið árlega Kirkjukvöld var haldið. Gestir kvöldsins voru rúmlega 100 manns og var dagskráin glæsileg að vanda. Sr. Karl Matthíasson tók fyrstur til máls og kynnti lögin eitt af öðru, eins og honum einum er lagið, en það var Kirkjukór Sauðárkrókskirkju sem hóf sönginn. Stjórnandi kórsins var að þessu sinni Helga Rós Indriðadóttir og spilaði Rögnvaldur Valbergsson organisti á hljómborð og Sigurður Björnsson var á trommum. Einsöngvarar kvöldsins voru þær Lára Sigurðardóttir og Guðrún Jónsdóttir.Meira -
SSNV krefur stjórnvöld um að hraða uppbygginu vega í landshlutanum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.04.2025 kl. 12.02Á ársþingi Samtaka sveitarfélaga á Norðurlandi vestra, sem haldið var á Sauðárkróki 9. apríl voru ýmsar ályktanir samþykktar. Þar á meðal ein er varðar vegasamgöngur í landshlutanum en í henni er þess krafist að stjórnvöld hraði uppbyggingu vega á Norðurlandi vestra og tryggi að stofn- og tengivegir í landshlutanum verði færðir upp í forgang í samgönguáætlun ríkisins, með skýrri framkvæmdaáætlun og tryggu fjármagni.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.