Óveður lamaði samgöngur á Norðurlandi vestra
Mikið óveður gekk yfir Norðurland vestra í gær og fram eftir nóttu með þeim afleiðingum að þjóðvegir lokuðust, hundruð ferðamanna urðu strandaglópar og fjöldahjálparstöðvar voru opnaðar til að hýsa fólk sem komst hvorki lönd né strönd. Þrátt fyrir erfiðar aðstæður og mikla umferð um svæðið urðu engin slys á fólki.
Þjóðvegur eitt var lokaður á löngum kafla frá Blönduósi suður yfir Holtavörðuheiði og inn í Borgarfjörð þegar veðrið stóð sem hæst. Einnig var Þverárfjallsvegur lokaður vegna hvassviðris og slæmrar færðar, og sama gilti um Siglufjarðarveg úr Fljótum til Siglufjarðar. Þá var einnig ófært á milli Ólafsfjarðar og Dalvíkur.
Vindur mældist víða um 20 metrar á sekúndu, með hálku og skafrenningi sem gerði ferðalög hættuleg. „Einhverjum þurfum við að fylgja,“ sagði Pétur Björnsson, yfirlögregluþjónn hjá lögreglunni á Norðurlandi vestra, í samtali við fjölmiðla á sunnudagskvöld þegar aðgerðir stóðu sem hæst.
Fjöldahjálparstöðvar opnaðar
Rauði krossinn opnaði tvær fjöldahjálparstöðvar vegna ástandsins. Önnur var í íþróttamiðstöðinni á Blönduósi og hin í Reykjaskóla í Hrútafirði. Þar var tekið á móti fjölda fólks sem ekki komst lengra vegna lokana á þjóðvegum.
Í íþróttamiðstöðinni á Blönduósi gistu um 192 manns, en 156 gistu í Reykjaskóla. Auk þess gistu um hundrað manns á Hótel Laugabakka og fleiri á gistiheimilum á svæðinu. Alls leituðu því hátt í fimm hundruð manns skjóls á svæðinu um nóttina.
Meðal þeirra sem þurftu að gista voru unglingar úr félagsmiðstöðvum á höfuðborgarsvæðinu sem voru á leið heim úr skíðaferðum eftir helgi. Mikil umferð hafði verið til og frá Norðurlandi vegna slíkra ferða.
Samstaða íbúa
Aðgerðastjórn var virkjuð og Rauði krossinn stýrði aðgerðum á vettvangi í samstarfi við lögreglu, björgunarsveitir og sveitarfélög. Íbúar á svæðinu brugðust hratt við þegar óskað var eftir aðstoð.
Verslun á Blönduósi var opnuð til að útvega mat og íbúar komu með dýnur, teppi og annan búnað til að gera fólki kleift að gista við sem bestar aðstæður.
Fleiri fréttir
-
Íbúar og velunnarar Hóla í Hjaltadal og Háskólans á Hólum lýsa yfir þungum áhyggjum
feykir.is Skagafjörður, Aðsendar greinar, Listir og menning 16.03.2026 kl. 15.19Íbúar og velunnarar Hóla í Hjaltadal og Háskólans á Hólum komu saman til fundar þann 11. mars síðastliðinn. Í yfirlýsingu lýsa fundarmenn yfir miklum áhyggjum af áformum stjórnvalda sem meðal annars koma fram í minnisblaði framkvæmdahóps um Hóla í Hjaltadal dagsett 15. október 2025. Minnisblaðið hefur verið rætt í ríkisstjórn. Í yfirlýsingunni kemur fram að þær tillögur sem nú liggja fyrir hafa verið unnar án nokkurs samráðs við íbúa, almenna starfsmenn háskólans og aðra velunnara.Meira -
N-listinn í Húnaþingi vestra kynnir framboðslista sinn
feykir.is Vestur-Húnavatnssýsla 16.03.2026 kl. 11.38N-listinn, Nýtt afl í Húnaþingi vestra hefur kynnt framboðslista sinn fyrir sveitarstjórnarkosningarnar í maí. Nýr oddviti N-listans er Viktor Ingi Jónsson sem áður skipaði fjórða sætið en Magnús Vignir Eðvalldsson, sem áður var oddviti, færir sig niður í annað sæti.Meira -
Listi Miðflokksins í Skagafirði
feykir.is Skagafjörður 16.03.2026 kl. 08.33Það styttist óðum í sveitarstjórnarkosningar en nú eru tveir mánuðir þar til kosið verður. Miðflokksdeild Skagafjarðar hefur áður sagt frá því hverjir munu skipa efstu tvö sæti Miðflokksins í Skagafirði og nú hefur Feyki borist listu flokksins til sveitarstjórnarkosninga árið 2026.Meira -
Þjóðvegur 1 lokaður frá Blönduósi og suður yfir Holtavörðuheiði
feykir.is Skagafjörður, Austur-Húnavatnssýsla, Vestur-Húnavatnssýsla 16.03.2026 kl. 00.01Vonskuveður hefur verið víða á Norðurlandi vestra í dag og í kvöld og þjóðvegur 1 er til að mynda lokaður á kaflanum frá Blönduósi og alla leið suður í Borgarfjörð sem stendur. Í frétt á mbl.is segir að Rauði krossinn hafi opnað tvær fjöldahjálparstöðvar. Önnur er í Íþróttamiðstöðinni á Blönduósi og hin í Reykjaskjóla í Hrútafirði.Meira
