Breytingar á umferðarhraða á Blönduósi
Lögreglustjóri hefur ákveðið, í samræmi við tillögur sveitarstjórnar Blönduósbæjar, að umferðarhraði á flestum götum bæjarins verði færður niður í 35 km/klst. Einnig verði regla um hægri rétt á Mýrarbraut afnumin en biðskylda komi í staðinn og stöðvunarskylda sett á gatnamót Hnjúkabyggðar og Aðalgötu.
Svohljóðandi auglýsing um breytingarnar birtist í gær á vef Blönduósbæjar:
Samkvæmt heimild í 81. gr. umferðarlaga nr. 50, 1987, með síðari breytingum og að fengnum tillögum frá sveitarstjórn Blönduósbæjar, sem samþykktar voru 13. nóvember 2018, hefur lögreglustjóri ákveðið að umferðarhraði verði færður niður í 35 km/klst á öllum götum bæjarins, nema á Húnabraut frá Árbraut út að Blönduóshöfn, Ennisbraut, Hnjúkabyggð að Koppagötu, Þingbraut frá Hnjúkabyggð að Aðalgötu, Þjóðvegi 1 og Svínvetningabraut þar sem hann verður enn 50 km/klst. Þá verði almenn regla um hægri rétt afnuminn á Mýrarbraut og biðskylda sett í staðinn. Stöðvunarskylda verður sett á Hnjúkabyggð gagnvart Aðalgötu. Gangbrautum verður bætt við á Hólabraut og Vallarbraut.
Framangreindar breytingar verða gefnar til kynna með viðeigandi umferðarmerkjum, sbr. reglugerð nr. 289/1995, með síðari breytingum, um umferðarmerki og notkun þeirra.
Breytingar þessar taka gildi tekur gildi við birtingu auglýsingar þessarar.
Með auglýsingu þessari eru numin úr gildi þau ákvæði eldri auglýsinga, sem kunna að hafa verið sett, um umferð á Blönduósi sem brjóta í bága við auglýsingu þessa.
Blönduósbær vinnur að uppsettningu nýrra skilta þar sem við á.
Fleiri fréttir
-
Lagfæringar á gervigrasvellinum komnar á fullt
feykir.is Skagafjörður, Íþróttir 18.05.2024 kl. 22.12Það horfir til betri vegar á gervigrasvellinum á Króknum en hann varð fyrir skemmdum fyrir um fjórum vikum síðan í all harkalegum vorleysingum. Viðgerðir hófust í gærmorgun en í frétt á síðu Skagafjarðar segir að á meðan á viðgerðum stendur verður hluta vallarins lokað en hægt verður að æfa á þeim hluta sem ekki varð fyrir skemmdum.Meira -
Útboð á nýrri leikskólabyggingu Húnabyggðar
feykir.is Austur-Húnavatnssýsla 18.05.2024 kl. 21.35Húnabyggð óskar eftir tilboðum í uppsetningu og afhendingu á ca. 650-700 m2 leikskóla úr húseiningum, timbur- eða gámaeiningum til leigu á lóð við hlið núverandi leikskóla að Hólabraut 17 með kaupsréttarákvæðum. Í byggingunni verða fjórar leikskóladeildir.Meira -
Stólastúlkur dottnar út eftir hörkuleik gegn sameinuðum Akureyringum
feykir.is Skagafjörður, Íþróttir 18.05.2024 kl. 16.12Tindastóll og Þór/KA mættust á Dalvíkurvelli í hádeginu í dag í fyrsta leiknum í 16 liða úrslitum Mjólkurbikars kvenna. Nokkur vindur var og einstaka slyddubakki gekk yfir Eyjafjörðinn meðan á leik stóð og lék vindurinn nokkuð hlutverk í því hvernig leikurinn þróaðist. Öll mörkin komu í fyrri hálfleik og leiddu gestirnir í Þór/KA 1-2 í hálfleik en ekki tókst liðunum að skora í þeim síðari þrátt fyrir sénsa á báða bóga.Meira -
Framkvæmdir við smábátahöfnina á Sauðárkróki
feykir.is Skagafjörður 18.05.2024 kl. 14.07Á Sauðárkróki er nú unnið að undirbúningi fyrir malbikun á svæðinu við smábátabryggjuna í samræmi við samþykkt deiluskipulags Sauðárkrókshafnar.Meira -
Fyrsti sigur Húnvetninga í hús í 2. deildinni
feykir.is Austur-Húnavatnssýsla, Íþróttir, Vestur-Húnavatnssýsla 18.05.2024 kl. 13.04Fyrsti sigurleikur Kormáks/Hvatar kom á Dalvík í gærkvöldi þegar Húnvetningar sóttu heim Knattspyrnufélag Fjallabyggðar. Stigin þrjú voru Húnvetningum kærkomin eftir töp í fyrstu tveimur umferðunum í 2. deildinni. Lokatölur 0-3.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.