Brynjar Morgan boðaður í Unglingaeinvígið
Unglingaeinvígið er golfmót sem fór fram í dag, mánudaginn 14. september, á Hlíðavelli hjá Golfklúbbi Mosfellsbæjar í frábæru golfveðri og er þetta í tuttugasta og annað sinn sem mótið er haldið. Einn kylfingur frá Golfklúbbi Skagafjarðar fékk boð á mótið en það var Brynjar Morgan Brynjarsson. Þrjátíu af fremstu afrekskylfingum landsins á aldrinum 13-18 ára fengu boð á mótið og er spilað um hinn eftirsótta Unglingaeinvígisbikar.
Leikar fara þannig fram að spilað er tíu manna forkeppni (fimm stelpur og fimm strákar) í hverjum aldursflokki fyrir sig, 13-14 ára, 15-16 ára og svo 17-18 ára, með „shootout“ fyrirkomulagi þar sem sá kylfingur með hæsta skorið á hverri holu fellur úr keppni. Þrír kylfingar úr hverjum aldursflokki komast í lokaeinvígið, ásamt sigurvegara síðasta árs sem var Hjalti Kristján Hjaltason úr Golfklúbbi Mosfellsbæjar.
Þegar boðið á mótið kom var ekki spurning um hvað skyldi gera því það er mikill heiður að fá boð á svona flott mót og að fá að spila með öllum þessum flottu kylfingum. Fyrsta markmið Brynjars var að detta ekki út á fyrstu holu. Umstangið og ferðalagið var of mikið og langt til að láta það gerast og það tókst að sjálfsögðu og gott betur en það því hann átti frábæran dag á vellinum. Brynjar spilaði sig inn í úrslitin á nokkuð öruggan hátt og þegar í 10 manna úrslit var komið setti hann niður nokkra fugla með frábærum 12 -14 metra púttum. Áfram hélt drengurinn sem náði að tryggja sig í verðlaunasæti en það eru einungis sex efstu kylfingar dagsins sem fara heim með verðlaun. Niðurstaða var svo 4. sætið sem er frábær árangur hjá þessa unga og efnilega golfara.
Til hamingju með árangurinn Brynjar!
Þegar þessi frétt er skrifuð er ekki komið í ljós hver var sigurvegari mótsins en fréttin verður uppfærð þegar það kemur í ljós:)
Fleiri fréttir
-
Ungmennaþing um ofbeldi í nánum samböndum ungs fólks. Samstarf Barnaheilla og sveitarfélaga á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 14.09.2026 kl. 15.30Fréttatilkynning: Ungmennaþing verður haldið fimmtudaginn 17. september kl. 09:30-13:00 í Fjölbrautaskólanum á Norðurlandi vestra. Öllum nemendum í 10. bekk er boðið að taka þátt í þinginu, frá öllum sex grunnskólum á Norðurlandi vestra. Um er að ræða samstarfsverkefni Barnaheilla, SSNV, Farsældarráðs Norðurlands vestra, Öruggara Norðurland vestra og Forvarnaráætlunar Norðurlands vestra. Ungmennaþingið er byggt á samskonar vinnustofum og Barnaheill hélt víða um land á vormánuðum, en þó sérsniðið að aðstæðum á svæðinu. Þingið er haldið að frumkvæði SSNV og Öruggara NV, í samvinnu við Fjölbrautarskóla Norðurlands vestra og með styrk frá Kaupfélagi Skagfirðinga, FISK seafood, Steinull, Borealis datacenter, Byggðarstofnunar, N1 á Sauðárkróki og Kjörbúðarinnar á Blönduósi.Meira -
Góð þátttaka í lestrarátaki Héraðsbókasafns Skagfirðinga
feykir.is Skagafjörður, Mannlíf 14.09.2026 kl. 15.06Í lok ágúst stóð Héraðsbókasafn Skagfirðinga fyrir viðburðinum Sumarlestrarlok sem var endapunktur á lestraráskorun sumarsins. Sumarlesturinn er sameiginlegt átak miðstöðvar menntunar og skólaþjónustu og almenningsbókasafna um allt land. Að þessu sinni bar sumarlesturinn yfirskriftina Lestrarsprettur Gúnda geithafurs.Meira -
Lagningu ljósleiðara í Húnaþingi vestra lokið
feykir.is Vestur-Húnavatnssýsla, Mannlíf, Lokað efni 14.09.2026 kl. 10.40Á dögunum náðist sá merki áfangi að lagningu ljósleiðara í Húnaþingi vestra lauk með síðustu tengingunum í elsta hluta Hvammstanga. Var verkefnið seinni hluti átaks um lok ljósleiðaravæðingu landsins fyrir árslok 2026 sem samið var um haustið 2024. Þegar það samkomulag var gert hafði lengi ríkt óvissa um hvort og þá hvenær yrði unnt að tengja lögheimili í þéttbýli um land allt við háhraðanet. Áður hafði verið lokið við lagningu ljósleiðara í dreifbýli með styrkjum frá Fjarskiptasjóði.Meira -
Sveiflaði golfkylfunni upp í tré
feykir.is Skagafjörður, Íþróttir, Mannlíf, Lokað efni 14.09.2026 kl. 09.11Sigurbjörn Darri Pétursson býr í Brennihlíðinni á Króknum, er 14 ára gamall og gengur í Árskóla. Hann er íþróttagarpur Feykis að þessu sinni en þrátt fyrir ungan aldur er hann bæði búinn að leggja fótboltaskóna og pílurnar á hilluna – að minnsta kosti í bili. Hann er hins vegar á fullu í golfi og körfubolta og íþróttafélögin hans eru Golfklúbbur Skagafjarðar og Umf. Tindastóll.Meira
