Byggðarráð Húnaþings vestra mótmælir uppsögnum við útibú Landsbankans
Byggðarráð Húnaþings vestra fundaði sl. miðvikudag um uppsagnir í útibúi Landsbankans á Hvammstanga. Ráðið mótmælir harðlega þeirri ákvörðun stjórnenda bankans að fækka stöðugildum í útibúi bankans um helming úr fimm í tvö og hálft, með því að segja upp einu og hálfu stöðugildi auk þess að ráða ekki í 100% stöðugildi sem losnaði um síðustu mánaðamót. Hefur starfsmönnum við útibúið fækkað úr tíu frá árinu 2013.
Í bókuninni segir:
„Eina bankaútibúið í Húnaþingi vestra, sem telur um 1.200 íbúa, lendir enn og aftur undir niðurskurðarhnífi Landsbankans ásamt 11 öðrum útibúum víðsvegar um landið. Byggðarráð Húnaþings vestra mótmælir harðlega ákvörðun stjórnenda ríkisbankans Landsbankans hf. um að segja upp einu og hálfu stöðugildi útibús bankans á Hvammstanga þann 28. maí sl. auk þess að ráða ekki í 100% stöðugildi sem losnaði um síðustu mánaðarmót þegar starfsmaður lét af störfum fyrir aldurs sakir. Sveitarstjórn Húnaþings vestra mótmælti síðast harðlega ákvörðunum um uppsagnir í útibúi Landsbankans á Hvammstanga í apríl 2013 og enn heldur yfirstjórn Landsbankans áfram í niðurskurði sínum. Frá árinu 2018 áformar bankinn að reka útibúið á 2,5 stöðugildum í stað 5 líkt og þau voru í upphafi árs 2018. Störf þessi eru samfélaginu gríðarlega mikilvæg og ljóst er að starfsfólkið sem við bankann starfaði, með viðeigandi sérhæfingu í þágu bankans, hleypur ekki í sambærileg störf nema að flytjast búferlum. Frá árinu 2013 hefur stöðugildum Landsbankans hér í Húnaþingi vestra fækkað úr 10 í 2,5. Til samanburðar má benda á að uppsögn þessara stöðugilda frá árinu 2013 jafngildi uppsögn 1.400 starfsmanna á höfuðborgarsvæðinu. Þetta er áfall sem svona lítil samfélög eins og Húnaþing vestra mega illa við.
Uppsveifla er í gangi í Húnaþingi vestra og hefur sjaldan verið eins mikið að gera við sérhæfða bankaþjónustu s.s. lánaumsóknir, umsóknir um greiðslumat og endurfjármögnun. Mikilvægt er að geta áfram sótt þessa þjónustu í heimabyggð á sama opnunartíma og aðrir viðskiptavinir Landsbankans, svo alls jafnræðis sé gætt. Ljóst er að fullyrðing bankans skv. fréttatilkynningu um að „viðskiptavinir ættu ekki að verða varir við miklar breytingar á þjónustu“ sýnir mikið skilningsleysi á þeim aðstæðum og veruleika sem íbúar í Húnaþingi vestra búa við.“
Í bókuninni segir einnig að ákvörðun stjórnenda bankans valdi sérstökum vonbrigðum með tilliti til þess að íslenska ríkið sé eigandi bankans og stangist hún á við ímyndarstefnu bankans um „Samfélagslega ábyrgð“. Í ljósi þess hefði verið nær að huga að aukinni uppbyggingu verkefna bankans með því öfluga starfsfólki sem þar er.
„Hætt er við að þau skilaboð sem Landsbankinn hf. gefur með uppsögnum þessum leiði til enn frekari fækkunar starfa á landsbyggðinni, lakari þjónustu og þess að staðbundin þekking og skilningur á ólíkum þörfum einstaklinga og atvinnulífs vítt og breitt um landið glatist ef hina eiginlegu fjármálaþjónustu á einungis að veita frá höfuðborgarsvæðinu. Vandséð er hvernig slík stefna geti samræmst útgefinni byggðastefnu stjórnvalda þ.e. eiganda Landsbankans hf.“ segir ennfremur í bókuninni.
Byggðarráð Húnaþings vestra hvetur til þess að stjórnendur bankans endurskoði ákvörðun sína með það í huga að efla útibúið á Hvammstanga í stað þess að veikja það og að horft sé til þeirrar miklu uppbyggingar og þarfar á staðbundinni fjármálaþjónustu sem nú er til staðar í sveitarfélaginu. Þá óskar byggðarráðið eftir fundi með stjórnendum Landsbankans hið fyrsta.
Fleiri fréttir
-
Setning Sæluviku Skagfirðinga 2025 og endurgerð Faxa | Einar E. Einarsson skrifar
feykir.is Skagafjörður, Aðsendar greinar 28.04.2025 kl. 10.25Ég vil byrja á að óska ykkur öllum gleðilegs sumars á þessum fallega degi sem jafnframt er síðasti sunnudagur aprílmánaðar, en hann hefur verið upphafsdagur Sæluviku Skagfirðinga í um 30 ár. Sæluvika Skagfirðinga á sér hins vegar mun lengri sögu, en heimildir herma að Sæluvikan hafi orðið til í framhaldi af svokölluðum sýslunefndarfundum sem haldnir voru einu sinni á ári með Sýslumanni og helstu forsvarsmönnum allra hreppa í Skagafirði.Meira -
Forsætisráðherra heimsækir Skagafjörð
feykir.is Skagafjörður, Mannlíf 28.04.2025 kl. 02.41Kristrún Frostadóttir forsætisráðherra býður til opins fundar í Skagafirði mánudaginn 28. apríl. Ráðherra verður einnig með erindi á kirkjukvöldi á Sauðárkróki sama dag í tilefni Sæluviku. „Það hefur gefið mér mikið síðustu misseri að halda opna fundi með fólki um allt land og ég vil halda því áfram eins og ég get í nýju embætti. Ég hlakka til að koma í Skagafjörðinn og eiga opið og milliliðalaust samtal um það sem brennur helst á heimamönnum,“ segir Kristrún.Meira -
Þungur hnífur á Sauðárkróksvelli
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 27.04.2025 kl. 23.12Það er oft stutt á milli hláturs og gráturs og það á ekki síst við í sportinu. Lið Tindastóls og Stjörnunnar mættust í Bestu deild kvenna á Sauðárkróksvelli í dag og allt stefndi í stórgóðan sigur Stóalstúlkna þegar allt fór í skrúfuna. Það þýðir oft lítið að nöldra undan óheppni í íþróttum en lið Tindastóls var annan leikinn í röð aðeins mínútum frá góðum úrslitum. Garðbæingar rændu stigunum í blálokin með tveimur mörkum, unnu heimastúlkur 1-2.Meira -
Sæluvikan sett og Faxi afhjúpaður á ný
feykir.is Skagafjörður, Listir og menning, Mannlíf, Lokað efni 27.04.2025 kl. 20.20Sæluvika Skagfirðinga var sett við hátíðlega athöfn á Sauðárkróki í dag. Gestir voru flestir mættir tímanlega fyrir kl. 13 eins auglýst hafði verið og voru umsvifalsust sjanghæjaðir út á Faxatorg í ískalt þokuloftið þar sem draugalegur Faxi beið þess að verða afhjúpaðir enn og aftur. Einar E. Einarsson, forseti sveitarstjórnar Skagafjarðar, flutti þar ágæta setningarræðu Sæluviku, sagði síðan nýjustu fréttir af Faxa og sýndi loks lipra takta við að færa listaverkið okkar góða úr plastklæðunum. Eftir stóð Faxi bronshjúpaður á nýjum stalli og hefur sennilega aldrei verið ferskari.Meira -
María og Sigurður hlutu Samfélagsverðlaun Skagafjarðar
feykir.is Skagafjörður, Listir og menning, Mannlíf, Lokað efni 27.04.2025 kl. 19.16Við setningu Sæluviku Skagfirðinga í dag kynnti Hrefna Jóhannesdóttir frá Silfrastöðum og varaformaður atvinnu-, menningar- og kynningarnefndar Skagafjarðar val á þeim sem hlutu Samfélagsverðlaun Skagafjarðar 2025 en þetta var í tíunda sinn sem verðlaunin eru afhent. Þau komu nú í hlut heiðurshjónanna Maríu Guðmundsdóttur og Sigurðar Hansen frá Kringlumýri í Blönduhlíð og eru þau sannarlega vel að heiðrinum komin.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.