Lón & Rakel flytja jólalög í Sauðárkrókskirkju
Það styttist óðum í að jólasöngvarar hefji upp sínar raustir enda jólin að nálgast seilingarfjarlægð. Í Skagafirði eru nú í það minnsta þrennir jóla-popp-tónleikar planaðir en Feykir hefur áður sagt frá Jólasveiflu í Miðgarði í lok nóvember þar sem jólalögin hans Geira verða í öndvegi og Jólin Heima sem verða í Miðgarði 12. desember. Nú hafa bæst við jólatónleikar í Sauðárkrókskirkju 3. desember þar sem Lón & Rakel verða á mjúku nótunum.
Tríóið Lón skipa þeir Valdimar Guðmundsson eðalsöngvari og gítarleikararnir Ásgeir Aðalsteinsson og Ómar Guðjónsson. Rakel, söngkonan sem fylgir Lóni, er Sigurðardóttir og fædd og uppalin á Akureyri. Fyrir nokkrum árum gaf Lón út plötuna Fimm mínútur í jól í slagtogi með Rakel og þar má finna skemmtilegar og lágstemmdar útgáfur af þekktum jólalögum á borð við Er líða fer að jólum, Ef ég nenni og Gleði og friðarjól.
Hægt er að versla miða á tónleikana á stubbur.is en miðinn er á kr. 6.990. Kirkjan er opnuð kl. 20:00 en tónleikarnir hefjast hálftíma síðar.
Fleiri fréttir
-
Sameining lögregluembætta veldur byggðarráði áhyggjum
feykir.is Austur-Húnavatnssýsla 16.10.2026 kl. 11.28Í frétt á Húnahorninu segir að byggðarráð Húnabyggðar hafi áhyggjur af áformum um sameiningu lögregluembætta og að sú miðstýring sem þar er boðuð geti haft neikvæð áhrif á öryggi íbúa. Sérstaklega er bent á hættu á fækkun starfa, lengri útkallstíma og minni áherslu á löggæslu í dreifbýli þegar fram líða stundir. Ráðið telur slíkt óásættanlegt.Meira -
Öruggur sigur á Ármanni í Síkinu
feykir.is Skagafjörður, Íþróttir, Lokað efni 16.10.2026 kl. 10.42Það var leikið í Síkinu í gærkvöldi en þá kom lið Ármanns í heimsókn. Það fór svo að lið Tindastóls var töluvert sterkari aðilinn og vann alla leikhlutana en það má þó segja að Stólarnir hafi svo gott sem gert út um leikinn í öðrum leikhluta en í hálfleik var staðan 54-37. Mest varð forysta Stólanna 30 stig í síðari hálfleik en gestirnir náðu að laga stöðuna örlítið á lokakaflanum. Lokatölur 109-86.Meira -
Það er líka dýrt að bíða | Guðmundur Haukur Jakobsson skrifar
feykir.is Austur-Húnavatnssýsla, Aðsendar greinar 16.10.2026 kl. 10.00Sumt er nú þannig að manni verður fyrirmunað að skilja. Við tölum um að það vanti raforku, flutningskerfið hamli atvinnuuppbyggingu og hraða þurfi orkuskiptum. Á sama tíma berast fréttir af samdrætti í byggingariðnaði og auknu atvinnuleysi. Verkefnin vantar ekki. Þörfin er fyrir hendi. Hvernig væri að tengja þetta saman?Meira -
„Ooo, ef ég gæti nú bara farið aftur í tímann og séð hvað hér gekk á“
feykir.is Skagafjörður, Austur-Húnavatnssýsla, Mannlíf, Lokað efni 15.10.2026 kl. 16.01Hvernig var lífið í verbúðum við ysta haf á 12. öld? Hvernig stytti fólk sér stundir þegar enginn var síminn eða sjónvarpið? Undanfarin sumur hefur fornleifarannsókn farið fram í Hafnabúðum á Hjallanesi í landi Hafna á Skaga þar sem umfangsmikil verbúðabyggð hefur verið við sjávarsíðuna. Markmiðið með rannsókninni var að rannsaka líf og starf fólks í gamalli verstöð og hvernig sjávar- og strandauðlindir voru nýttar. Rannsóknirnar benda til þess að starfsemin hafi verið fjölbreytt. Þar fundust meðal annars vísbendingar um fiskveiðar, hvalveiðar, selveiðar, textílvinnu og matargerð. Konur, menn og börn hafa dvalið á staðnum, en ekki eingöngu karlmenn líkt og uppistaðan í seinni tíma hugmyndum um verstöðvar og sjómennsku hefur oft verið.Meira
