Blái hnötturinn mun svífa í Bifröst
Leikfélag Sauðárkróks frumsýnir Bláa hnöttinn eftir Andra Snæ Magnason, í leikstjórn Ólafs Jens Sigurðssonar, þann 16. október næstkomandi. Leikgerðin er eftir Berg Þór Ingólfsson. Hátt í 60 manns koma að sýningunni í haust og æfingar hafa staðið yfir af fullum krafti frá því í lok ágúst.
Feykir hafði samband við Sögu Ragnars, formann leikfélagsins til að forvitnast um sýninguna.
„Margir muna eflaust eftir Bláa hnettinum. Bókin Sagan af Bláa hnettinum kom út árið 1999 og var sett á fjalir Þjóðleikhússins árið 2001. Haustið 2002 setti Leikfélag Sauðárkróks verkið upp, fyrst allra áhugaleikfélaga landsins. Nú, rúmum tveimur áratugum síðar, leikum við sama leik aftur og verðum fyrst áhugaleikfélaga til að setja upp þessa útgáfu verksins, sem byggir á uppfærslu Borgarleikhússins.
Í sýningunni stíga á svið 20 börn og ungmenni á aldrinum 9–18 ára, ásamt tveimur aðeins eldri leikurum. Í þessari útgáfu eru gullfalleg lög Kristjönu Stefánsdóttur þar sem raddir barnanna fá að njóta sín til fulls. Lagið Sautján þúsund sólargeislar hlaut meðal annars Grímuverðlaunin og ég held að óhætt sé að lofa gæsahúð, og jafnvel nokkrum tárum, þegar tónar þess óma um Bifröst.
Blái hnötturinn segir frá plánetu þar sem einungis börn búa, í friði, gleði og nægjusemi. En einn daginn lendir þar geimskip og út stígur Gleði-Glaumur, hinn fullorðni ryksugufarandsölumaður. Hann býður börnunum ótal freistingar og getur látið drauma þeirra rætast. Það eina sem hann biður um í staðinn er örlítil greiðsla sem tekur varla að nefna.
En ekki er allt sem sýnist!!!
Miðasala á Bláa hnöttinn fer fram á: leikfelag550.is. Við hlökkum til að taka á móti leikhúsgestum í Bifröst frá 16. október.”
Sagði Saga og hvetur Feykir unga og aldna, en Blái hnötturinn á ekki síður erindi við follorðna, til að flykkjast í leikhús. /hmj
Fleiri fréttir
-
Lón & Rakel flytja jólalög í Sauðárkrókskirkju
feykir.is Skagafjörður, Listir og menning 16.10.2026 kl. 11.58Það styttist óðum í að jólasöngvarar hefji upp sínar raustir enda jólin að nálgast seilingarfjarlægð. Í Skagafirði eru nú í það minnsta þrennir jóla-popp-tónleikar planaðir en Feykir hefur áður sagt frá Jólasveiflu í Miðgarði í lok nóvember þar sem jólalögin hans Geira verða í öndvegi og Jólin Heima sem verða í Miðgarði 12. desember. Nú hafa bæst við jólatónleikar í Sauðárkrókskirkju 3. desember þar sem Lón & Rakel verða á mjúku nótunum.Meira -
Sameining lögregluembætta veldur byggðarráði áhyggjum
feykir.is Austur-Húnavatnssýsla 16.10.2026 kl. 11.28Í frétt á Húnahorninu segir að byggðarráð Húnabyggðar hafi áhyggjur af áformum um sameiningu lögregluembætta og að sú miðstýring sem þar er boðuð geti haft neikvæð áhrif á öryggi íbúa. Sérstaklega er bent á hættu á fækkun starfa, lengri útkallstíma og minni áherslu á löggæslu í dreifbýli þegar fram líða stundir. Ráðið telur slíkt óásættanlegt.Meira -
Öruggur sigur á Ármanni í Síkinu
feykir.is Skagafjörður, Íþróttir, Lokað efni 16.10.2026 kl. 10.42Það var leikið í Síkinu í gærkvöldi en þá kom lið Ármanns í heimsókn. Það fór svo að lið Tindastóls var töluvert sterkari aðilinn og vann alla leikhlutana en það má þó segja að Stólarnir hafi svo gott sem gert út um leikinn í öðrum leikhluta en í hálfleik var staðan 54-37. Mest varð forysta Stólanna 30 stig í síðari hálfleik en gestirnir náðu að laga stöðuna örlítið á lokakaflanum. Lokatölur 109-86.Meira -
Það er líka dýrt að bíða | Guðmundur Haukur Jakobsson skrifar
feykir.is Austur-Húnavatnssýsla, Aðsendar greinar 16.10.2026 kl. 10.00Sumt er nú þannig að manni verður fyrirmunað að skilja. Við tölum um að það vanti raforku, flutningskerfið hamli atvinnuuppbyggingu og hraða þurfi orkuskiptum. Á sama tíma berast fréttir af samdrætti í byggingariðnaði og auknu atvinnuleysi. Verkefnin vantar ekki. Þörfin er fyrir hendi. Hvernig væri að tengja þetta saman?Meira
