Græðir oft gotterí frá litla vini sínum
Þau Hólmfríður Lilja Böðvarsdóttir og Hafþór Smári Gylfason, sem búa á Steinsstöðum í Skagafirði ásamt syni sínum, Steinþóri Sölva, eiga mjög fallegan hund af tegundinni Vorsteh eða þýski bendirinn. Hann ber nafnið Zeldu BST Breki og er tegundin snögghærð, greind, vinaleg og nærgætin, mjög húsbóndaholl og mikið fyrir börn sem gerir hundinn einstaklega góðan félaga. Hann er mjög háður og tryggur húsbónda sínum en getur verið hlédrægur og feiminn við ókunnuga en er mjög auðveldur í þjálfun.
Þýski bendirinn hefur mikið þol og hræðist ekki kulda og getur veitt í hvaða landslagi sem er. Fullur af orku, en jafnlyndur og hlýðinn, strangviljugur en getur verið pínu þrjóskur. Feyki langaði til að kynnast honum Breka aðeins meira...
Hvernig eignuðust þið Breka? Þegar við fluttum fram á Steinsstaði 2018 var ekki lengur hjá því komist að fá sér langþráðan veiðihund en Hafþór var búinn að hafa augastað á þessari hundategund í þónokkurn tíma. Það varð úr að við fengum Breka úr frábærri ræktun, Zeldu ræktun, sem þá var í Kópavogi.
Hvað er skemmtilegast við Breka? Breki er mjög stór og fallegur hundur sem hefur endalausa orku og er einstaklega ljúfur og það er mjög gaman að fara með hann á rjúpnaveiðar.
Hvað er erfiðast? Hann er mjög ör týpa, sérstaklega í kringum aðra en heimilsfólkið og er því ansi snöggur að heilsa upp á aðra.
Ertu með einhverja sniðuga eða merkilega sögu af Breka? Þegar ég var ófrísk af Steinþóri þá leitaði Breki meira í að liggja hjá mér og lá þá gjarnan með hausinn ofan á bumbunni. Þegar Steinþór fæddist svo, þá var Breki ekkert alltof ánægður með nýjasta fjölskyldumeðliminn og vildi lengi vel ekkert með hann hafa og horfði þá bara í hina áttina, sem var algjört bíó að sjá. Hann er þó í dag einstaklega ánægður með athyglina sem hann fær frá Steinþóri sem kallar á hann öllum stundum og Breki græðir ansi oft eitthvað gotterí frá litla vini sínum.
Feykir þakkar Hólmfríði kærlega fyrir að svara spurningum um gæludýrið sitt:)
Fleiri fréttir
-
„Við eigum frábæran efnivið í okkar hópi“
feykir.is Skagafjörður, Íþróttir 23.04.2024 kl. 15.47Hafnfirðingar höfðu betur gegn liði Tindastóls á gervigrasinu á Króknum í gær í fyrstu umferð Bestu deildarinnar. Leikurinn var ágætlega spilaður af beggja hálfu en lið Tindastóls sýndi ágæta takta og gerði eiginlega allt nema að koma boltanum í mark FH. Feykir lagði nokkrar spurningar fyrir Donna þjálfara þegar púlsinn var að komast í jafnvægi.Meira -
Ekkert heitt vatn á Hvammstanga nk. laugardag
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 23.04.2024 kl. 14.43Á vef Húnaþings vestra er sagt frá því að vegna bilunar í dreifikerfi hitaveitunnar á Hvammstanga verður lokað fyrir heita vatnið á Hvammstanga laugardaginn 27. apríl frá klukkan 08:00 – 18:00.Meira -
Plokkað um allt land á sunnudaginn
feykir.is Skagafjörður, Austur-Húnavatnssýsla, Vestur-Húnavatnssýsla 23.04.2024 kl. 13.29Stóri plokkdagurinn á Íslandi verður sunnudaginn 28. apríl en þá ætla allir sem vettlingi geta valdið að fara út og plokka. Það geta allir tekið þátt í þessu ótrúlega skemmtilega og nauðsynlega verkefni því ruslið er víða. Rótarýhreyfingin á Íslandi hefur tekið þetta verkefni upp á sína arma og hvetur landsmenn alla; einstaklinga, fjölskyldur, vinahópa, vinnustaði og stofnanir, til að taka þátt.Meira -
Stórtjón á gervigrasvellinum á Króknum
feykir.is Skagafjörður, Íþróttir 23.04.2024 kl. 12.11Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi. Spilað var á vellinum í gær en ljóst var að völlurinn var ekki í góðu ástandi. „Í morgun mætti galvaskur hópur leikmanna Tindastóls og starfsmenn sveitarfélagsins og flettu gervigrasinu af á parti og kom í ljós að gúmmipúðinn undir er ónýtur,“ tjáði Adam Smári Hermannsson, formaður knattspyrnudeildar, Feyki.Meira -
Einvígi Tindastóls og Aþenu hefst á föstudag
feykir.is Skagafjörður, Íþróttir 23.04.2024 kl. 09.48„Einvígi við Aþenu leggst vel í mig. Aþena er með vel mannað lið í öllum stöðum og spila af mikilli ákefð. Það er mikil stemning í kringum bæði þessi lið og heimavöllurinn öflugur þannig að ég á von á hita og látum, bæði á vellinum og í stúkunni,“ segir Helgi Freyr Margeirsson, þjálfari kvennaliðs Tindastóls, en í gær varð ljóst að andstæðingur Stólastúlkna í einvíginu um sæti í Subway-deildinni yrðu lærisveinar Brynjars Karls, Aþena.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.