Dagbók sveitarstjóra Húnaþings vestra
Á heimasíðu Húnaþings vestra er að finna nýjan efnisflokk - Dagbók sveitarstjóra – en þar mun Unnur Valborg Hilmarsdóttir, nýráðin sveitarstjóri, birta færslur reglulega og fara yfir það sem efst er á baugi hverju sinni.
„Er þetta liður í aukinni upplýsingamiðlun en eins og segir í fyrstu færslunni hefur Unnur einsett sér að því að veita sem mestar upplýsingar um þau verkefni sem eru á borði sveitarstjóra hverju sinni. Eðlilega eru sum mál þess eðlis að ekki er hægt að fjalla um þau en áhersla verður lögð á að deila þeim sem hægt er að fjalla um. Framsetning pistlanna verður breytileg, stundum verður um samfelldan texta að ræða en í einhverjum tilfellum upptalningu á verkefnum og jafnvel í öðrum tilfellum aðeins myndræn framsetning,“ segir í frétt sveitarfélagsins.
„Nú er liðin önnur heila vikan í starfi sem sveitarstjóri Húnaþings vestra. Eitt af því sem ég einsetti mér þegar ég tók við var að veita sem mestar upplýsingar um verkefnin sem eru á borði sveitarstjóra. Þau eru margvísleg og oft óvænt. Ég hef séð á þessum stutta tíma í starfi að það er engin hætta á að mér leiðist,“ skrifar Unnur Valborg.
Fyrsti pistillinn leit dagsins ljós á mánudaginn og er ansi yfirgripsmikill. Þar segir Unnur m.a. frá fyrsta byggðarráðsfundi hennar sem sveitarstjóri og ánægjulegasti dagskrárliðurinn að hennar mati var samþykkt kostnaðaráætlunar vegna endurbóta á íbúðum í Nestúni. „Löngu tímabært og þarft verk. Vonandi verður hægt að ráðast í endurbætur á hluta íbúðanna að undangenginni hönnunarvinnu á næsta ári og svo áfram á komandi árum.“
Nýjustu færslu Unnar Valborgar má finna HÉR
Fleiri fréttir
-
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira -
Það verður hasar í Síkinu í kvöld
feykir.is Skagafjörður, Íþróttir 18.04.2024 kl. 11.29Það er stórleikur í Síkinu í kvöld því þá fer fram fjórði leikurinn í einvígi Tindastóls og Snæfells í baráttunni um sæti í efstu deild. Stólastúlkur standa vel að vígi, eiga heimaleikinn í kvöld þar sem liðið getur tryggt sér 3-1 sigur í einvíginu. Það væri því vel við hæfi að sýna liðinu alvöru stuðning og fjölmenna í Síkið.Meira -
Mikilvægi tækninnar til byggðarþróunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 10.09Arnar Már Elíasson, forstjóri Byggðastofnunar, sagði í erindi sínu að á ársfundi Byggðastofnunar, sem fram fór í Bolungarvík í gær, að í landsbyggðunum fari fram mikilvægustu atvinnuvegir Íslands, öll orkuöflun landsins, þar sé matvælaframleiðslan, öll stóriðjan og stærstur hluti ferðamennskunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.