Dansleikir á Húnavöku
feykir.is
Uncategorized
16.07.2015
kl. 09.23
Bæjarhátíðin Húnavaka á Blönduósi verður formlega sett í kvöld, klukkan 18:30 fyrir framan Hafíssetrið í gamla bænum. Nóg verður að gera um helgina og hægt er að skoða dagskránna í heild sinni hér. Tveir frábærir dansleikir verða á hátíðinni, þannig að þeir sem hafa áhuga á að skella sér á ball, dansa og hafa gaman, ættu að geta fundið sér eitthvað við sitt hæfi.
Á föstudagskvöldinu, 17. júlí, verður 16 ára ball í Félagsheimilinu á Blönduósi með því stórskemmtilega teymi; Steinda JR, Bent og félögum, en þeir ætla að halda uppi stuðinu frá kl. 23.00 - 03.00.
Á laugardagskvöldinu, 18. júlí, mun enginn annar en diskókóngurinn sjálfur Páll Óskar Hjálmtýsson troða upp í Félagsheimilinu. Hann mun halda uppi stanslausu diskóstuði frá klukkan 23.00 - 03.00 og fyrr um kvöldið kemur hann fram á kvöldvöku í Fagrahvammi og tekur nokkur vel valin lög fyrir hátíðargesti.
Aðgangseyrir á þessa viðburði er 3.000 krónur.
Fleiri fréttir
-
Hólar í Hjaltadal, “hér og þar og þá og nú.” | Gunnar Rögnvaldsson skrifar
feykir.is Skagafjörður, Aðsendar greinar 26.03.2026 kl. 15.09Það var ekki laust við að allmargir velunnarar Hóla í Hjaltadal hrykkju í kút þegar kvisaðist út að ríkisstjórnin hefði heimilað sölu á ýmsum eignum á Hólastað. Í þeim tillögum eru skólahúsið, skólastjórabústaðurinn, búshúsið og fleiri byggingar sem ásamt kirkjunni, hafa verið táknmyndir Hólastaðar í heila öld, fyrirmyndir listaverka sem prýða stofur heimila um allt land. Ástæðan er m.a. talin sú að kostnaður við að bjarga þeim eftir mygluskemmdir sé svo mikill að viðbættum rökum um að skólahúsið henti ekki lengur sem kennslu og skrifstofuhús sk.nýjustu kröfum. Alllengi hefur mátt sjá í hvað stefndi með þessar byggingar og umhverfi og í raun átakanlegt hve ríkið hefur sofið á verðinum og það ekki í fyrsta skipti þegar Hólar eiga í hlut. Helgasti staður landsins á eftir Þingvöllum, vagga kirkju, mennta og menningarsögu landsins, fyrrum höfuðstaður Norðurlands sem reistur var síðast úr rústum fyrir rúmum fjörutíu árum og fékk m.a. umhverfisverðlaun Skagafjarðar 2007. Að það sé ekki meiri metnaður til staðar er sorglegt og niðurlægingin alger þegar bjóða á upp helstu kennileiti staðarins eins og niðursetning á vistabandsárunum. Það virðist vera eins konar lenska hjá hinu opinbera að kosta miklu til nýframkvæmda og í raun á stundum allt of miklu vegna óráðsíu en láta svo eðlilegt og reglubundið viðhald bíða þar til allt er komið á eindaga. Ljósi punkturinn er biskupshús, dómkirkjan og Auðunarstofa sem vígslubiskup hefur undir sínum verndarvæng ásamt nánasta umhverfi og hlúir vel að.Meira -
Skólaheimsókn kennara til Slagelse
feykir.is Skagafjörður, Austur-Húnavatnssýsla, Vestur-Húnavatnssýsla 26.03.2026 kl. 14.35Dagana 19. og 20. mars síðastliðinn heimsóttu kennarar frá Fjölbrautaskóla Norðurlands vestra framhaldsskólann Zealand Business College í Danmörku. Skólinn, sem jafnan er nefndur ZBC, er með starfsstöðvar í nokkrum bæjum á Sjálandi. Kennarar FNV heimsóttu skólann sem staðsettur er í Slagelse sem er að mörgu leyti sambærilegur FNV, þar sem boðið er upp á bæði verk- og bóknámsbrautir.Meira -
Samgöngustofa boðar átak vegna minnkandi notkunar bílbelta
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.03.2026 kl. 14.29Ungmenni á aldrinum 18-24 ára velja í auknum mæli að sleppa bílbeltum. Fjórtán sinnum meiri hætta á að verða fórnarlamb banaslyss sé bílbelti ekki notað. „Mikilvægt að ná til þessa hóps með öllum leiðum og stuðla að viðhorfsbreytingu,” segir Gunnar Geir Gunnarsson. Samgöngustofa, í samstarfi við Aur, hefur ýtt úr vör herferðinni Ekki gera þig að fífli og er meginmarkmið hennar að fá ungt fólk til að endurskoða viðhorf sín til notkunar bílbelta. Herferðin er viðbragð við niðurstöðum viðhorfskannana sem Samgöngustofa hefur látið gera árlega og eru niðurstöður síðustu ára bæði skýrar og sláandi.Meira -
Met í afkomu Hafnarsjóðs Skagafjarðar
feykir.is Skagafjörður 26.03.2026 kl. 13.47Afkoma Hafnarsjóðs Skagafjarðar fyrir árið 2025 var afar góð og hefur aldrei verið betri. Rekstrarhagnaður ársins var 81,6 milljón eftir afskriftir og fjármagnsgjöld. Eigið fé Hafnarsjóðs er 718 milljónir og langtímaskuldir 118 milljónir. Landað var alls 24.414 tonnum á Sauðárkróki og 65 tonnum á Hofsósi.Meira -
Úrslit í Gæðingalist Meistaradeildar KS
feykir.is Skagafjörður, Íþróttir 26.03.2026 kl. 10.56Keppt var í Gæðingalist í Meistaradeild KS í miðvikudagskvöld, 25. mars. Haf & Land ehf bauð áhorfendum frítt inn og fór það svo að Barbara Wenzl og Loftur frá Kálfsstöðum stóðu uppi sem sigurvegarar með einkunnina 7.50 eftir flotta sýningu. Í öðru sæti, þar rétt á eftir var Mette Mannseth og Töfri frá Þúfum með 7.47 og í því þriðja var Vera Schneiderschen og Feykir frá Selfossi með 7.43.Meira
