„Díselvélarnar eiga nokkur góð ár eftir,“ segir Helga
Að þessu sinni er það fyrirliði kvennaliðs KR í körfunni, Króksarinn Helga Einarsdóttir, sem gefur sitt álit á einvígi Tindastóls og KR. Helga segir að Stólarnir verði að mæta til leiks annað kvöld með andlega þáttinn í lagi. „Það skiptir engu máli hvað þú kannt í körfubolta ef hugurinn er ekki rétt stilltur,“ segir hún.
Hvernig líst þér á viðureign KR og Tindastóls um Íslandsmeistaratitilinn? -Mér líst vel á hana, þó að ég verði að viðurkenna að mér líður ekki vel þegar leikir milli þessara liða eru í gangi. Þarna eru tvö bestu lið landsins að mætast og bæði lið hafa svo sannarlega unnið fyrir sæti sínu í þessu einvígi um titilinn. Það er alveg ljóst eftir fyrsta leikinn að þetta verður erfitt fyrir Tindastól, sérstaklega ef að þeir eru búnir að missa tvo lykil leikmenn, en þessir drengir hafa klifið erfiðari brekku en þetta. Ég veit að þeir koma brjálaðir til leiks á fimmtudaginn og eiga eftir að bíta frá sér.
Hefurðu náð að fylgjast með gengi Stólanna í vetur? -Já, ég hef reynt að fara á alla leikina fyrir sunnan og þökk sé TindastóllTV að þá getur maður séð heimaleikina líka. Ég vil nýta tækifærið og þakka þeim sem standa að TindastóllTV, það er ótrúlegt verk sem er unnið í kringum það og ekki einungis Skagfirðingar sem nýta sér það heldur öll körfuboltahreyfingin.
Það hefur verið mjög gaman að fylgjast með Tindastól í vetur, blandan í liðinu er einstök og þjálfari sem veit hvað hann er að gera með Kára sér til aðstoðar. Þessir ungu strákar eru tilbúnir að leggja mikið á sig, díselvélarnar eiga nokkur góð ár eftir og svo fer dýralæknirinn að skila sér heim frá Danmörku svo að framtíðin er björt í Skagafirðinum.
Hvað þurfa Stólarnir að varast? -KR liðið er það sterkt að ef að það á að einblína á að stöðva eitthvað eitt hjá þeim, þá opnast fyrir eitthvað annað sem þeir munu nýta sér. Því verður vörnin að halda á öllum stöðum vallarins. Strákarnir verða að stíga betur út en þeir gerðu á mánudaginn, voru einfaldlega étnir í frákastabaráttunni og þeir fyrir utan verða að hjálpa stóru mönnunum inn í teig. Síðast en ekki síst þarf andlegi þátturinn að vera í lagi því það skiptir engu máli hvað þú kannt í körfubolta ef hugurinn er ekki rétt stilltur.
Hvernig spáir þú að einvígið fari? -Ég sagði í viðtali við karfan.is áður en einvígið hófst að ég vonaðist til að þetta færi í oddaleik í DHL og ætla að standa við það.
Fleiri fréttir
-
Arnar Guðjónsson er nýr þjálfari Tindastóls í körfunni
feykir.is Skagafjörður, Íþróttir 06.06.2025 kl. 20.19Körfuknattleiksdeild Tindastóls hefur samið við Arnar Guðjónsson og mun hann taka við sem þjálfari meistaraflokks karla næstkomandi tímabil. Í tilkynningu sem kkd. Tindastóls sendi frá sér í dag kom fram að Arnar mun einnig sjá um Körfuboltaakademíu Tindastóls og Fjölbrautaskóla Norðurlands vestra og aðstoða við skipulag á þjálfun yngri flokka.Meira -
Héraðsvötn og Kjalölduveitu í nýtingarflokk
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 06.06.2025 kl. 19.47Nú liggur fyrir á alþingi og til umræðu í Umhverfis- og samgöngunefnd tillaga til þingsályktunar um breytingu á þingsályktun um áætlun um vernd og orkunýtingu landsvæða, nr. 24/152 frá umhverfis-, orku- og loftslagsráðherra.Meira -
Enn flæðir í Fljótum
feykir.is Skagafjörður, Lokað efni 06.06.2025 kl. 13.55„Þetta fer að vera kunnugleg sjón. Ós Miklavatns annar ekki vatnsflaumnum og yfirborð Miklavatns hækkar,“ segir Halldór Gunnar Hálfdansson, bóndi á Molastöðum í Fljótum, í færslu á síðunni Sveitin okkar – Fljótin. Enn á ný gera flóð bændum lífið leitt en að sögn Stefaníu Hjördísar Leifsdóttir er ástandið ekki eins slæmt og í fyrra.Meira -
560 mál á borð Lögreglunnar á Norðurlandi vestra í maí
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 06.06.2025 kl. 13.04Málafjöldi maímánaðar hjá Lögreglunni á Norðurlandi vestra reyndist áþekkur fyrri mánuðum ársins en 560 mál voru skráð til úrvinnslu hjá embætti lögreglunnar á svæðinu í maí. Í frétta á vef lögreglunnar kemur fram að þrátt fyrir sambærilegan málafjölda hafi meira verið um þung mál í maí en undanfarna mánuði.Meira -
Stólastúlkur mæta liði Vals í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 06.06.2025 kl. 10.53Það verður hellingur af fótbolta spilaður um hvítasunnuhelgina og hefst veislan í kvöld þegar lið Vals mætir í heimsókn á gervigrasið á Króknum þar sem Stólastúlkur bíða þeirra. Um er að ræða leik í áttundu umferð Bestu deildarinnar og aldrei þessu vant eru liðin á svipuðum slóðum í deildinni, lið Vals í sjöunda sæti með átta stig og Tindastóll í áttunda sæti með sex stig. Leikurinn hefst kl. 18 og útlit fyrir ágætt fótboltaveður.Meira
