Donni ráðinn þjálfari og yfirmaður knattspyrnumála hjá Tindastól
Í dag skrifuðu stjórn knattspyrnudeildar Tindastóls og Halldór Jón Sigurðsson, Donni, undir þriggja ára samstarfssamning um að Donni taki að sér aðalþjálfarastöðu beggja meistaraflokka félagsins auk þess að vera yfirmaður knattspyrnumála.
Stjórn knattspyrnudeildarinnar hefur miklar væntingar til samstarfsins og segir Sunna Björk Atladóttir, formaður, hana vera gríðarlega spennta fyrir komandi tímum og fagnar því að fá Donna heim, til starfa hjá félaginu.
Donni segir verkefnið afar krefjandi og segir það muni byggjast á góðu samstarfi allra sem að því kemur. Hann væntir þess að fá með sér góða einstaklinga í þjálfarateymin en hann mun leggja línurnar í gegnum allt starfið og þannig byggja upp knattspyrnuna hjá félaginu til framtíðar. Stefnan er mjög skýr með meistaraflokkana, að koma þeim báðum upp um deild.
Donni hefur getið sér góðs orðstír við þjálfun og viðurkennir hann að fleiri lið hafi verið á eftir sér en það sem réði úrslitum væri tengingin við Skagafjörð og það að hann hafi fengið góða vinnu sem kennari í Árskóla.
„Okkur fjölskyldan langaði að koma heim. Svo hef ég fylgst með gengi Tindastól og langaði að hjálpa félaginu að komast á hærri og betri stað með bæði lið. Ég held það hafi ráðið úrslitum, ekki vegna peninga, heldur af metnaði sem Skagfirðingur, sem ég tel mig vera, til þess að hjálpa og leggja mitt af mörkum til að gera betur.“
Donni segir að næstu skref séu að heyra í leikmönnum og skoða samningamál, „Við þurfum að semja við alla sem vilja vera með og vilja taka þátt í þeirri framþróun sem við ætlum að framkvæma og mun eiga sér stað hjá okkur. Svo er að semja æfingaáætlun og skilgreina hlutverk hvers og eins. Nú svo þarf að finna menn til að vera með mér. Ég geri mér grein fyrir því að það er mikil vinna að vera með tvö lið svo það er mikilvægt að finna gott fólk með mér,“ segir Donni.
Hann bendir á að mikilvægt sé að fólk geri sér grein fyrir að farið verði í uppbyggingu allra flokka. Hans aðkoma sé ekki að taka við meistaraflokksliðunum og keyra á aðkomufólki heldur verði tekið til í yngri flokkum með tilkomu Tóta, Þórólfi Sveinssyni, sem ráðinn var nýlega til félagsins. „Við viljum gera vel til lengri tíma litið og biðlum til fólks og iðkenda að stökkva á vagninn, vera með og smitast af metnaði og koma að starfinu af fullum krafti. Við viljum fá fólk með okkur og gera fótboltann geggjaðan á ný. Þetta hefur verið gott hjá stelpunum en karlaboltinn hefur verið í lægð en við viljum rífa allt upp aftur og setja boltann á þann stall sem við viljum hafa hann,“ segir Donni að lokum.
Fleiri fréttir
-
Umhverfisdagur FISK Seafood 2024
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 20.04.2024 kl. 00.12Umhverfisdagur FISK Seafood verður haldinn 4. maí nk. frá klukkan 10-12. Áætlað er að tína rusl á strandlengjunni á Sauðárkróki (sem verður skipt upp í svæði), Nöfunum, í Varmahlíð, á Hólum og á Hofsósi. Frá 12:15 mun FISK Seafood bjóða öllum þátttakendum að þiggja veitingar að Sandeyri 2.Meira -
Ævintýrið úti hjá liði Tindastóls
feykir.is Skagafjörður, Íþróttir 19.04.2024 kl. 23.34Strax í haust voru bara þrjú hjól undir bíl meistara Tindastóls og eftir það var nánast sama hvaða hindrun varð á vegi hans, það varð allt til að hægja ferðina. Hann hökti reyndar inn í bikarúrslit og í úrslitakeppnina þó með naumindum væri. Stólakagginn sem allir biðu eftir að hrykki í gírinn, kæmi sterkur inn á endasprettinum, var eiginlega hálf vélarvana allt tímabilið. Leikurinn í Smáranum í kvöld var reyndar góður en enn og aftur voru Stólarnir sjálfum sér verstir. Lokakarfan var Grindvíkinga og hún skipti sköpum – lokastölur 91-89. Stólarnir því snemma í sumarfrí þennan veturinn og kannski allir fegnir – þessi bíll þarf í allsherjar yfirhalningu.Meira -
Gul viðvörun á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 22.24Veðurstofan hefur smellt á okkur gulri veðurviðvörun mest allan laugardaginn og fram á aðfaranótt sunnudags. Gert er ráð fyrir ört hækkandi hita og því má búast má við miklum leysingum, auknu afrennsli og vatnavöxtum í ám og lækjum. Mikilvægt er að hreinsa frá niðurföllum til að forðast vatnstjón vegna rigningar og leysingavatns. Gula viðvörunin gildir fyrir Vestfirði og allt Norðurland.Meira -
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.